طرمبة الدركسون ( علبة الدركسون) أكورد 2004
السلام عليكم
ابدخل بالموضوع سيدا
واحد من العيال معه اكورد 2004
وهو نفر داج
له فتره وزيت الدركسون ينقص ويزوده
اهم شئ انه بعد فره صار الدركسون ثقيييل << ثقيل تقل دركسون ددسن
بس الددسن اذا مشيت صار خفيف هاذي لا تمشي تاقف ما فيه ثقيل
وداه لورشة قاله طرمبة زيت الدركسون
راح للوكالة قالوا له الظاهر 2500 ريال
ودور بتشاليح القصيم ما فيه
ورحت دورت له بالرياض تشاليح الحاير برضه ما فيه
فما ادري وش رايكم وش الحل
لان الرجال ما عنده نيه يشري جديدة وشاري كرتون زيت دركسون كل ما بغى يطلع يزوده
نصايحكم وارائكم
وهل فيه مجال للتوليف
الهوندا وهي على السطحة في التشليح ،، الظاهر يبيعون علبة الدركسون اول شي ،،
الله يعينة ،،
الاصلاح قيمة القطع ١١٤ ريال
شغل يد ٥٠ ريال
^^ اذا كانت تتصلح طبعاً ولا الله يعينة !! ^^
ورشة رقم ٢٠ في الرياض في صناعية ام الحمام ..
واحتمال يدبر لة وحدة مستخدمة بـ ١٠٠٠ اذا كانت متوفرة ،
.
فما زلت اسمع أصواتهم تهمس في أذني ...
وما زلت استنشق أنفاسهم تعطر المكان من حولي ...
وما زلت أرى خيالهم كلما طرفت عيني ...
دفنت الأجساد ... وبقيت الأسماء...
... وبقي الحب يملأ قلوبنا بالأمل ...
.
المشاركة الأصلية كتبت بواسطة كوكو كورد
مشكور على افادتك
لكن على ما اعتقد انه ماتتصلح على كلامه
شكل الاكوردات صارت علبه الدركسون من القطع الاستهلاكية
انا ما ادري وش تبون بالاكورد شوفوا السوناتا وش زينه <<< ما كأنه قبل اسبوع كان يتمنى الاكورد
يالله الله يعيننا وياه
يعني ما فيه مجال منا ولا مناك يركب حق سيارة ثانية
تحتاج اصلاح شيك على البلف الطرمبة تحتاج تنضيف
ان شاء الله اقوله يشوفه
انا غيريت طرنبة الدركسون لنه قلي الرجال شوف
اولا انته مسيت فيها فتره حتى ولو كانت بسيطه بدون زيت
ثانيا الصوت عندك ختى ولو صويتلها إصلاح راح يزيد بس مافي تهريب للزيت
اما الثقل ممكن يخف وممكن لا
ولاهم ممكن الاصلاح يدوم معاككم شهر ويرجع ثاني يهرب
قوتله التشليخح قلي براحتك بس لا تنسى انها مستخدمة يعني ممكن انته وحذك تشتريها ب 1000 وتخرب عليك
وتتطر تشتري جديد ب 2100 عند الوكاله
بس انا اشتريت طرنبه جديده مه الزيت لونه ابيض((((((مهم)))))
ب 1950 ريال عند واحد والله ابن حلال
والحمد الله تمام التمام معايه
وانا باضرب 1000 كيلو سفر
الله ينقلني وارتاح
طيب اخوي وش رايك اذا صار داج
اللي يخبر لي شئ يفيدنا
اخوووووووي يسوي لها توضيب ب 300 ريال معى القطع في الوكاله انا مسويها والحين معاي زي العسل
والله أنا أعتبر هذا عيب مصنعي لأن جميع مستخدمي الهوندا يشتكون من هذه المشكلة لما تدخل أي ورشة على طول يقول لك طرمبة الدركسون والمشكله أن وكيلها يضرب من عالي يعني 2400 ما أدري 2600 والله مشكله هذي قيمة مكينة كاملة جديدة تصدق أعرف واحد باع سيارته الهوندا بسبب هذه المشكلة بس جرب الإصلاح وإن شاء الله بتضبط معك
ياشبااب هل الموديلات الجديدة فيها نفس المشكلة والعييب ؟؟؟
ضوابط المشاركة
رد مع اقتباس
مواقع النشر (المفضلة)