أكورد مستعملـة ,, كم سعرهـآ بـ معآرض الريـآض ؟

[خآلـد ,,]

السلآم عليكم يآ هلآ و الله ,,

يآ ليت شبـآب تفيدونـي بأسعآر الأكورد بـ معآرض الريآض ..

مآ يهم الموديل ,, لكن يفضّل 2004 ..

فل كـآمل ,,

مآ تكون مشت فوق الـ 50 ..

+

هل تنصحونـي فيهـآ من الأسـآس ,,

خصوصـاً إن الميزآنيّـة مآ هـي ذآك الزود ..

تحيآتـي ..

[ابو حمدان]

نادر تلقى 2004 ومامشى فوق 2004 ويعني مسكت أكورد

[خآلـد ,,]

طيب مآ عليه موديل 2007 ولآ 2008 ..

كلّه وآحد ,,

بس أبـي شي زيـن ..

و وش تنصحونـي أحسـن موديـل ..

[King]

الموديلات التي تلافت العيوب المصنعية هي

2005
2007

يفضل إقتنائها والله يوفقك

[king honda]

أخوي لي فترة بالمعارض الاسعار كالتالي:
اكورد سبشل 2007 تقريبا 55000ريال
اكورد سبشل 2008 تقريبا 65000ريال
اذا انت تقدر 2008 حلوة، بس اعلمك انتبه من الشريطية؟؟ وبالنسبة للممشى ؟ الممشى الطبيعي بالرياض كل سنة 30000كيلو
غير كذا يافاصل العداد يا مرجع العداد؟؟
أنصحك تاخذها من الساحة من راعيها الاصلي

[خآلـد ,,]

طيب شبـآب مـآ كـأن 2007 غآليـة شوي ..

و وش المقصود بـ سبيشل ؟؟

[اللي تغليه ياشين فرقاه]

الاكورد ثلاث انواع

1- فل كامل

2- اقل من الفل كامل اسمه سبشل

3- سياحي وهذا اقل شي

[خآلـد ,,]

طيّب أنـآ أبـي أكورد 2005 ..

سبيشل , بكـم ألقـآهـآ ؟

و هل ألقآهـآ ؟

[kakashi-san]

وعليكم السلام ،

انت كم ميزانيتكْ ، عشان نخدمك أكثر ، ؟!

[حبيب هنادي]

شف 2004 _ 2005

سعرها (( 40 الى 45 ))

[المسكـ]

السلام عليكم ورحمه الله وبركآته

خآلد

انا عندي سيآرهـ هواند اكورد لون لؤلؤي سبيشل

موجودهـ بالمعرض للبيع

ماخذها كانت ماشيه 7 الآف

والحين ماشيه 160 الف

متابع الوكاله لحد 130 الف كل عشر الاف

من داخل ماشاء الله كانها وكاله وزيادهـ التخشيب اللي حاطها

من برآ فيه بعض المشخآت وفي الصدام الآيمن طقه خفيفه ومزينه

وغيرها يشهد علي الله لافيها صدمآت ولا سمكرهـ من خذيتها

وموجودهـ في معرض في النسيم

وللآمانه بدايه السوم من دخلت الساحه 36 لحد ماوصلت 40

وماني بعيـد عن السومه الاخيرهـ

بعدها حطيتها بالمعرض

وشفهآ بمعرض الشمري اللي على نفس الستين وانت متجه لم خريص

ان عجبتكـ كان بها ماعجبتكـ الله يرزقكـ

[Accord-V6 2007]

نصيحه لك اخوي إذا تقدر على الفـل خذ فل
يعني السياحي ترا مايفرق عن السبشــل

بدال ماتشتري 2007 سبشل خذ 2005 فـل
يعني مابه فرق بالسعر اذا ماني غلطـان

وموفق ان شاء الله

[خآلـد ,,]

يعطيكم الف عآفيـة مآ تقصرون و الله ..

و إنشـآلله لي جولـة اليوميـن هذي بالمعآرض