مراوح التبريد ما تشتغل ؟ تكفون

**انتي حبي** · 27-08-2009, 06:27 AM

يا شباب : صباح الخير
اليوم الصباح قمت اشغل السياره اريد قياس زيت القير ولما شغلتها جلست انتظر تشتغل مراوح التبريد وانتظرت حوالي ربع ساعة وما فيه فايده وقمت شغلت المكيف واشغلت المراوح معاه وطفيت المكيف وطفت المراوح
السؤال : هل مراوح التبيريد ما تشتغل إلا مع المكيف ؟

**اكورد 98** · 27-08-2009, 06:30 AM

اخوي السياره لها مروحتين
وحده تشتغل مع المكيف والثانيه تشتغل لتبريد السياره بس

يعني اذا شغلت السياره ماراح تشتغل المروحه الثانيه الا اذا مشيت مسافه تشتغل شوي وتفصل لوحدها
وعلى هذا الحال ..

**المباشر** · 27-08-2009, 07:14 AM

مروحة التبريد المفروض تشتغل عندك اذا الموتر حمى سواء واقف ولا ماشي وبدون المكيف ومع المكيف بعد

تأكد منها ولاحظ عداد الحرارة اذا وصل قبل النص خلها شوي اذا أشتغلت المراوح فكل شي طبيعي واذا امبير الحرارة واصل الأرتفاع بحدود النص أو فوق النص والمراوح مالها حس ولا خبر على طول طف الموتر علشان يبرد وأفحص المراوح والكتاوت

وأتوقع موترك 2008 يعني جديد وان شاء الله مافيه مشاكل واذا ماوصل 100 الف ودها للوكالة يفحصونها للتأكيد اذا كان عندك شك فهي تحت الضمان

**انتي حبي** · 27-08-2009, 05:02 PM

المشاركة الأصلية كتبت بواسطة المباشر

مروحة التبريد المفروض تشتغل عندك اذا الموتر حمى سواء واقف ولا ماشي وبدون المكيف ومع المكيف بعد

تأكد منها ولاحظ عداد الحرارة اذا وصل قبل النص خلها شوي اذا أشتغلت المراوح فكل شي طبيعي واذا امبير الحرارة واصل الأرتفاع بحدود النص أو فوق النص والمراوح مالها حس ولا خبر على طول طف الموتر علشان يبرد وأفحص المراوح والكتاوت

وأتوقع موترك 2008 يعني جديد وان شاء الله مافيه مشاكل واذا ماوصل 100 الف ودها للوكالة يفحصونها للتأكيد اذا كان عندك شك فهي تحت الضمان

بالنسبة للحرارة تصل أقل من النص وما تتحرك تكون ثابته والسياره 2008
ـ الضمان على 60000 او على 100000 ؟

**King** · 27-08-2009, 05:48 PM

إذا حرارة السيارة أقل من النص بشوي فهذا طبيعي جدا ً

بخصوص الضمان إلى 100,000 ألف لجميع موديلات 08 - 09 - 10

**راعي الحلم** · 27-08-2009, 08:30 PM

اصلا لو المروحه خربانه راح تلاحظ انه بعد 10 دقايق من قيادة السياره
ان الحراره فوق النصف مع او بدون مكيف

اما اذا هي شغاله ابدا ما راح تتعدى النصف

**انتي حبي** · 27-08-2009, 11:08 PM

الله يعطيكم العافيه جميعا ....................... ولكم تحياتي

**ي ب ح السعودية 76** · 28-08-2009, 11:09 AM

السلام عليكم ورحمة الله وبركاته

أخوي إذا احتمت السيارة ماتشتغل مباشرة تجلس شوي ثم تشتغل علشان بلف الماء إذا قفل تشتغل المراوح ويبرد الماء في الاديتر ثم يفتح بلف الماء عند حراره معينه وطلع الماء اللي في المكينه الحار ويدخل البارد ثم يقفل البلف وتشتغل المراوح مرهـ اخرى ويبرد وهاكذا يكون اشتغال المروح

وتقبلواااااااااااااااااااااااااا خااااااااااااااااالص تحياااااااااااااااااااااااااااااااااتي
ومررررررررووووووووورررررررررررري

**بلال العلمي** · 28-08-2009, 11:21 AM

ما قصروا الشباب

بس حبيت اقول لك نظام حساس المرواح في الهوندا غير عن باقي السيارات وهو انه يقيس درجة حرارة الموية فيشغل المراوح ولو ما فيه موية في الداخل ما راح تشتغل معك وتلقى الحرارة توصل h والمراوح ما تشتغل

بالنسبة للاكورد المراوح ما تشتغل الا بعدييين تدري ليش؟؟؟

لان رديتر الاكورد المنيوم ولاحظ انها تظل بالعشر دقايق ما شاء الله ما تسخن وما تزيد الحرارة ماشاءالله

والرديتر الالمنيوم الصافي اللي تصنعه الاكورد يبرد الموية فيه بمجرد مروره داخل الريش هذه لاجل كذا تلقى المراوح ما تشتغل الا بعد عشر دقايق تقريبا في عز الصيف ويمكن تطول الى ربع ساعة والحرارة ثابتة وبعده تشتغل دقيقة او دقيقتين وتطفى وهذا طبيعي على الاكورد

طيب ليش تشتغل اذا شغلت المكيف ؟؟

لاحظ ان المكيف فيه له رديتر خاص غير عن رديتر الماء وهذا الرديتر يمشي فيه الغاز ويحتاج انه يكون مكثف شوي لاجل كذا يمشي الفريون في ريش الرديتر الخاص بالمكيف ويتكثف فيه وبعده يروح عند الكمبروسور لاجل كذا المراوح تسوي تكثيف لما تبرد الرديتر حق المكيف اللي يمشي فيه الغاز

طيب ليش ما المكينة دام فيه مراوح شغالة مع المكيف باستمرار ولفترة طويلة نسبيا

السر كله في البلف الثرموستات يقفل ويمنع الموية انها تمشي لاجل تحافظ على درجة حرارة ثابتة يعني اذا زادت الحرارة شوي بس فتح البلف واذا نقصت درجة الحرارة شوي بس يقفل البلف ويقفل دورة الموية

باذن الله سالفة الحرارة والخوف من نظام التبريد هذا ان شاء الله بعيد عن الاكورد بس الله الله في الاستعمال الجيد للسيارة