مشورتكم يا أهل الخبرة ؟؟

**أبو دباس** · 01-09-2009, 03:19 AM

و الله شيء محير .. أنا ناوي أشتري أكورد 2009 سبشل هل تنصحوني أشتريها و إلا لا ؟؟

كل ما دخلت في المنتديات وسألت عن أوريون نص فل ، سوناتا نص فل ، أكورد سبشل قالوا فيها عيوب !!!

يعني وش أصمل عليه ؟؟ وش أقلها خرابات ؟؟؟؟؟ كل سيارة فيها عيوب .. لكن أرجو منك يا أهل الخبرة تفيدوني وش أفضل موتر من جميع النواحي و يا ليت تذكرون ليش ؟؟ لأن الموضوع هذا تعبني ما قدرت أصمل إلى الحين !!
أتمنى الرد على سؤالي (^_^)

**Legend KSA** · 01-09-2009, 03:25 AM

طيب شوف يا طويل العمر بعطيك اللي اعرفه ولا تنسى الاستخاره وانا اخوك

اولاً اورين سياره لا يعلى عليها بس غير القراندي لا تدور

رحت الوكاله كنت بأخذ اورين بفتحه اللي هي نص فل قالي تراها كامري وما فيها مميزات تذكر اذا تبي خذ القراندي عشان كذا بطلت من الفكره

السوناتا سياره لا يعلى عليها وتعطيك ما شاء الله واحد اعرفه معاه وحده ما يشتكي منها ولله الحمد بس يغير القطع الاستهلاكيه بس السياره من عام 2005 وهي نفس الشكل اذا ماني غلطان وما هي محرزه تشتريها الحين

الاكورد سياره روعه داخليتها حلوه مع اني عندي تحفظ على سعرها ويكفيك انها ياباني من بين جميع السيارات اللي ذكرتها

كل سياره فيها عيوب لكن حاول تأخذ السياره اللي عيوبها بسيطه

ولكن الاختيار وانا اخوك

^_^

**أبو دباس** · 01-09-2009, 03:34 AM

أشكرك على الرد أخوي ليجند ..
لكن أنا صراحة ما يناسبني سعر الاوريون قراندي 102 ألف تقريبا ..
السوناتا حلوة لكن أخاف ما تعيش معي أكثر من 5 سنوات لأني أنا أبغى سيارة تجلس معي 6 سنوات بعدين أغيرها .. لكن لو قارنت بين اسعار القطع لقيت السوناتا اختيار افضل ..

الأكورد أروع من السوناتا لكن سعرها مبالغ فيه ( سبشل ) لكن ما فيه مشكلة ممكن آخذها ليش لا ؟؟
إلا على فكرة ما عليها خصم 2009 سبشل ؟؟؟

**King** · 01-09-2009, 05:46 AM

إذا تبي سيارة تجلس معاك أكثر من 6 سنوات عليك بالأكورد

لأنها سيارة تستحق الأقتناء

وإذا تبي نصيحتي الفل كامل هو افضل الأختيار من بين الفئات

لأن السبيشل او السياحي بعد فترة تجده يبحث عن تركيب كشافات او تنجيد السيارة ( للجلد ) ويتم تركيب المسجل مع المكيف الإلكتروني !

كل هذه بالفل كامل صحيح ان السعر كثير لكن افضل من غيرها

**Legend KSA** · 01-09-2009, 12:15 PM

حالياً عليها عرض صيانه على كلامهم بنقصون 4000 لو ما تبي العرض

بس تروح المعارض راح تلقاها ارخص بحاولي 2000 ريال عن الوكاله

بس يبي لك تستعجل لأن اعتقد لو جلست شهر كمان ما راح تلقى

والله يوفقك

**~ ThameR ~** · 01-09-2009, 01:13 PM

خذ السيارة على حسب استعمالك ..

انا اقولك شف المازدا زوم 6 آو الآلترا ..
بصراحه .. مواصفات خيآآآآليه
وإن قالولك مازدا ماتضمنها .. هذا على استعمالك انت ..
الفل كامل بـ 95 آلف ..
مواصفاتهآ كثيرة واهمها
دخول ذكي + تشغل بالزر
مسجل 6 سيديات + MP3 مع 10 سماعات
الزوم رياضيه - الآلترا رسميه شوي ..
شكل جديد توه نازل 2009 ..
نظام الذاكره فالمقاعد << مدري وشو ما جربته بس ازرارة set 1 set 2 :d << يليل القروي
جنط 18
ونظام التعتيم فالمرايه .. وانظمة الآمان ABS - VSA يعني اغلب المواصفات الي تلقاها فـ الفل كامل بالآكورد والآوريون والسوناتا موجوده فيهآ .

ورح خذ تجربه .. << اهم شي
الآكورد عندهم تجربه مجانيه والمازدا . الهونداي والتويوتا ماعندهم :(