اكورداوي
هذا علشان ما تسوي فيها فاهم وتقلب سيارتك سيارة تجارب
كيف حالكم ياشباب ..
اليوم كنت بالوكاله الصبح عشان أشوف المشكله الي طلعت لي لما جربت حركة العدادات وطلبتوني أسأل عنها ..
المهم رحت الوكاله وقابلت مهندس أعرفه هناك وطلبت منه الكهربائي ,,
المهم سألني ليش ؟ قلت أبي أسأله عن مقياس الحراره (( ما أبي أعلمه السبب )) ..
قالي سيارتك مافيها لأنها 4 سلندر .. قلت هذاك أول حبيبي الحين فيها ..
الرجال انهبل كيف كذا ؟
وكان فيه واحد يسمع السالفه وشد انتباهه كلامي ,, الرجال هذا ماصدق خبر يوم قلت ان فيه مقياس في الأربعه سلندر .. سألني كيف قلت له اذا طلعنا أعلمك ..
الزبده طلع خوينا المهندس نفسه وقالي كيف تسوي الحركه ؟
تخيلوا مهندس بالوكاله مايعرف واحنا هنا في النادي صار بعضنا جهابذه أمثال الجهبذ نكد ;) و MAM و 922 و ACCORD-SA وأمثالهم كثير ,, (( استانسوا ))
المهم علمته الحركه واستانس وقلت له عن الحركه حقت العدادات ووريته صوره لعدادي وفيه كلمة ERROR الزبده الرجال قالي ان السياره مافيها شي لكن يبيلها إعادة برمجه ب 150 ريال
أنا استغربت وقلت يمكن بسبب المفاتيح يوم غيرتها مع اني غيرت البرمجه لما غيرت الطقم لكن أتوقع ان الحركه تسببت في حدوث أخطاء في البرمجه ...
اكورداوي
هذا علشان ما تسوي فيها فاهم وتقلب سيارتك سيارة تجارب
احم احم
تبون تواقيع ماعندي مشكله
كيف حالك اخوي اكورداوي ان شاء الله بخير
عساك علمت الرجال عن المقياس
فعلاً شي مؤسف ومحبط تحصل ناس في الوكالة تجهل معلومات كثيرة عن السيارة :(
وبالنسبة للحركة اللي تقول انك علمتها المهندس اللي في الوكالة تقصد حركة العدادات ولا تقصد ايش ؟ لانك قلت انك علمته عن الحركة واستانس وايضاً علمته عن حركة العدادات ووريته صورة لعدادك وفيه كلمة Error يعني اللي فهمت ان فيه حركتين حقت العدادات والثانية يااما انك علمته كيف طلعنا مقياس الحرارة او وحدة ثانية او اني متنح واللبن حق الظهرية مأثر علي وهذا الاحتمال الأقرب
وبالنسبة لبرمجة الطبلون اللي سويتها يوم تغير مفاتيحك ياليت تقول لنا كيف سووها الوكالة هل فكوا الطبلون وشبكوه بشي ولا خلوه بمكانه وشبكوا السلك حق الكمبيوتر في الكونكتر حق فحص السيارة بالكمبيوتر ولا وش سووا بالضبط ؟؟
وياليت اذا جيت تسوي اعادة برمجة تنشب لهم وتعلمنا وش سووا بالضبط وترد لنا خبر الله لايهينك .. ومشكور وماقصرت
واسف على الاطالة
تحياتي وتقديري للجميع
والله من جد اللبن مأثر وبقوه بعد .. شكله اوكتيفيا مع بخاري .. :d
أنا علمته على مقياس الحراره لأن العدادات ماتضبط معي أبد بس وريته صوره لعدادي أيام الطفوله لما كان يضبط ...
والبرمجه الي سويتها هي برمجة كمبيوتر مو برمجة عدادات ...
لكن ان شاء الله راح أعيد البرمجه في أقرب فرصه ...
اخوي اكورداوي يوم علمته عن المقياس وش كان شعوره ووش كان رده عليك ؟؟
واذا سويت برمجة بالله بلغنا وحجر لهم وشف وش الاجهزة اللي يستخدمون
تحياتي
أقولك الرجال مو مصدق ..
يقولي صدقني ماعندك هذي بس في ال 6 سلندر وانا اقول له الا فيه ويالله أطلع معي عند السياره واعلمك ,,
الرجال انهبل وطلع معي وعلمته ,, وجهه انصفق بطابوقه يوم شاف السالفه من جد ,,
قالي وشلون سويتها ,, ؟؟
عاد جاء شغلي هنا بالزعاطه ..تنازلت وعلمته وقلت له لاتعيدها ياحبيبي والبدله الي عليك انا أحق منك بها ,, ;)
أما بالنسبه للبرمجه فما أتوقع اني راح أشوفها لأنهم يدخلون السياره داخل ويلعبون فيها ,,
يعني هل انت مركب طبلون V6 الحين ؟؟
اذا كانت الاجابة بنعم .. بكم شريته ومن وين ؟؟
تحياتي
لالالالالالا تروح بعيد انا مشريت عداد ولا شي انا مثلك ومثل فلان وعلان لازلنا على الشاشه ,,
مواقع النشر (المفضلة)