مشكلة في قير الاكورد

[مطلع الشمس]

بسم الله الرحمن الرحيم

السلام عليكم ورحمة الله وبركاته

اخواني انا عندي مشكلة في قير اكوردتي 2005 اربعة سرندل

المشكلة بالضبط اول ما اشغل السيارة فيه صوت كانه صوت السيور لكن مو من السير وثانيا لما ابغى اعشق من P الى الريوس انتظر من 10 الى 15 ثانية بعدين تعشق ونفس الوضع من N الى D

الموتر ما كان معي اكثر من سنة عشان كذا ما اعرف سبب المشكلة بالظبط

# نصيحة : لاتعطي اخوك الصغير سيارتك وتسافر;)

ادوات الجريمة : زيت قير ابو خمسة حصلته فس شنطة الموتر

الوكالة تقول لازم توظيب وشغل اليد بس 3000 ريال من غير القطع يمكن توصل الى 12000

وش السواة والله ضاقت بي ؟ ووش رايكم!!

الف شكر واسف على الاطالة

[King]

جرب غير الزيت , لأن ممكن من سبب عدم التغيير في الوقت المحدد للزيت

لأن المفروض يتغير كل 40.000 ألف / كم

سعر التغيير بالوكالة 182 ريال

إذا مانفع معك جرب سوي برمجة للقير عسى ولعل انه تفيد

إذا مانفع معك شوف لك قير من التشليح وصلحها برى الوكالة .. والله يوفقك

{يشير ملفك انك عضو قديم , وبقوة :d}

[مطلع الشمس]

هلا والله قديم بس مشاركة وحدة لاني مشغول حيل بالدراسة والله وحدنا ايميل

بالنسبة لتغيير الزيت قالوا الي يمكن تضبط معاك او تزيد المشكلة يعني يا ابيض يا اسود

اما بالنسبة لبرمجة القير مني عارف اش قصتها مرة !!

مشكور يالغالي

خالص التحايا

[بلال العلمي]

كم ممشى سيارتك؟؟؟؟

[مطلع الشمس]

مدري بالظبط والله لاني لي سنة كاملة مهي معي بس تقريبا 190 الف بس مو متاكد

[بلال العلمي]

اذا غير زيت القير من الوكالة والفلتر الخارجي وبعده امشي بالسيارة كثير وبتضبط معك ان شاء الله

اذا نفس الشي روح اي كهربائي متخصص بالهوندا وقول ابي انظف حساسات القير والمفروض تضبط معك باذن الله وان شاء الله ما تحتاج توضيب

[مطلع الشمس]

اذا غير زيت القير من الوكالة والفلتر الخارجي وبعده امشي بالسيارة كثير وبتضبط معك ان شاء الله

اذا نفس الشي روح اي كهربائي متخصص بالهوندا وقول ابي انظف حساسات القير والمفروض تضبط معك باذن الله وان شاء الله ما تحتاج توضيب

ان شاء الله ابي امر عليهم بكرا ونجرب

عالعموم ننتظر اصحاب الخبرة ولا نستغني عن خبراتكم

الف الف شكر

[أكورداوي]

لاسمح الله وكانت مشكله كبيره ,, انتبه توظب القير ,, دائما شيل هالفكره من راسك .. لأن قير الهوندا صعب جدا يضبط بعد التوظيب فأشتر مستعمل أفضل وأوفر وأريح وان شاء الله ماتوصل لهالمرحله

[مطلع الشمس]

لاسمح الله وكانت مشكله كبيره ,, انتبه توظب القير ,, دائما شيل هالفكره من راسك .. لأن قير الهوندا صعب جدا يضبط بعد التوظيب فأشتر مستعمل أفضل وأوفر وأريح وان شاء الله ماتوصل لهالمرحله

انا افكر حاليا اني اغير زيت القير مع فلتر الزيت الخارجي وبشوف عل وعسى تظبط معاي

[الهوندا احلى مركب]

صباح الخير اخوي انا ادلك على ورشه والله سيارتي الهوندا كان فيها مشكله مرره طفشتني وكل مارحت ورشه قالولي غير الشي هذا وفي الاخير مايطلع منه الين خسرت حول 3000 ريال وفي الاخير واحد من اخوياي دلني على واحد مجرم هوندا مكينيكي والله بدون مبالغه انه يوقف قدام السياره ويعرف علتها واحد مرررره فنان اسمه ابراهيم باكستاني في صناعيه البديعه وعلى فكره صلح المشكله حقت سيارتي بـــ 100 ريال بس وعنده قطع غيار وكل شي روحله وبتدعيلي


الوصف : الدائري الغربي وانت جاي من المعلق بيجيك مخرج حمزه بن عبدالمطلب رقم المخرج والله مااعرفه بالظبط بس هو من عند سلام مول وهايبر بندة(جيان سابقاَ) اذا دخلت من الخرج توقف عند الاشاره وانتبه تقطعها اذا فتحت روح(ههههه) يسار باتجاه الشمال وتروح تتعدا الاشارات الي يجيك على يسارك البديعه مول وبعدها بيجيك على اليسار مركز الهرم اذا تعديت مركز الهرم وهو على يسارك بتجيك اشارة تسوي يوتيرن من الاشاره وبتجيك الصناعيه على يمينك فيه محل تويوتها لبيع قطع الغيار في الزاويه تدخل من بعد يمين ويصير برضو على يمينك تمشي سيده بيلفبك الشيارع يسار تجي ورشته على اليسار طبعا كثير ورش مكتوب على لوحاتها هوندا وهو مكتوب على لوحته هوندا بس اذا وصلت دق عليه ويوصفك اي وحده ورشته او اسأل عنه ابراهيم باكستاني يتكلم سعودي كويس وهذا رقم جواله : 0553856990
وصف اخر للورشه طريق الملك فهد تمشي الين تجيك اسواق مكه تدخل يمين من عند اسواق مكه وانت جاي من الشمال تصير اسواق مكه على يسارك امش اتوقع 4 او 5 او 6 اشارات الين تجي الصناعيه على يمينك ومحل تويوتا الي قلتلك تدخل من عنده على اليمين

[مطلع الشمس]

صباح الخير اخوي انا ادلك على ورشه والله سيارتي الهوندا كان فيها مشكله مرره طفشتني وكل مارحت ورشه قالولي غير الشي هذا وفي الاخير مايطلع منه الين خسرت حول 3000 ريال وفي الاخير واحد من اخوياي دلني على واحد مجرم هوندا مكينيكي والله بدون مبالغه انه يوقف قدام السياره ويعرف علتها واحد مرررره فنان اسمه ابراهيم باكستاني في صناعيه البديعه وعلى فكره صلح المشكله حقت سيارتي بـــ 100 ريال بس وعنده قطع غيار وكل شي روحله وبتدعيلي


الوصف : الدائري الغربي وانت جاي من المعلق بيجيك مخرج حمزه بن عبدالمطلب رقم المخرج والله مااعرفه بالظبط بس هو من عند سلام مول وهايبر بندة(جيان سابقاَ) اذا دخلت من الخرج توقف عند الاشاره وانتبه تقطعها اذا فتحت روح(ههههه) يسار باتجاه الشمال وتروح تتعدا الاشارات الي يجيك على يسارك البديعه مول وبعدها بيجيك على اليسار مركز الهرم اذا تعديت مركز الهرم وهو على يسارك بتجيك اشارة تسوي يوتيرن من الاشاره وبتجيك الصناعيه على يمينك فيه محل تويوتها لبيع قطع الغيار في الزاويه تدخل من بعد يمين ويصير برضو على يمينك تمشي سيده بيلفبك الشيارع يسار تجي ورشته على اليسار طبعا كثير ورش مكتوب على لوحاتها هوندا وهو مكتوب على لوحته هوندا بس اذا وصلت دق عليه ويوصفك اي وحده ورشته او اسأل عنه ابراهيم باكستاني يتكلم سعودي كويس وهذا رقم جواله : 0553856990
وصف اخر للورشه طريق الملك فهد تمشي الين تجيك اسواق مكه تدخل يمين من عند اسواق مكه وانت جاي من الشمال تصير اسواق مكه على يسارك امش اتوقع 4 او 5 او 6 اشارات الين تجي الصناعيه على يمينك ومحل تويوتا الي قلتلك تدخل من عنده على اليمين

تسلم حبيبي ما قصرت والله

والله انا منحرج وما ادري وشلون اشكرك, عالعموم انا بحايل مو بالرياض لكن اذا انك تشوف انا اشحن السيارة وازبطها عنده بسوي ما فيه مشكلة

لكن بكلم الرجال قبل واساله بالجوال عشان انسق معه

عوافي يالغالي ما قصرت

[Sattam Saad]

شف حساس القير و فلتر القير الي راكب هو هو ياباني ولا لا وزيت القير انصحك اذا بتغير غير زيت الوكاله راح تحصله ف محلات القطع العلبه ب 35 ريال انتبه لا تستعجل و توضب واذا على قولتك ضاقت بك ودها فحص كمبيوتو