مهم: بالنسبة للبريكات الخلفية وغرابة هوندا فيه

**بلال العلمي** · 04-09-2009, 09:57 AM

شباب امس غيرت الفحمات الامامية عند بيتنا وكل شي تمام وجيت فتحت الكفر الخلفي ولقيت شي غريب

وهو انه نظام الجلنط او نظام فرامل اليد هو نفسه الفحمات الخلفية وتستخدمه يعني بالعربي مافيه شي اسمه اقمشة انما فحمات فقط لا غير في الخلف

ورحت لصاحبي وهو يعمل في هوندا وقلت له ابو الشباب غير لي الفحمات الخلفية وقال اوكي وغيره بشكل عادي بس اللي كنت خايف منه طلع صحيح وهو انه لازم تنوزن يعني لازم توزنها والمحلات اللي برى ما يعرفونه ابدا

يعني لما تغير الفحمات ورى فيه العتلة او القضيب اللي يتحرك بمجرد سحب فرامل اليد ولازم في اليمين تكون في نفس الموضع في اليسار

اذا اختلفوا راح تلاحظ جهة ماسكة اكثر من جهة اخرى واللي يصير تاكل اليمين اكثر من اليسار او العكس تاكل اليسار اكثر من اليمين وهذه مصييبة

فلازم تدخل السيارة في المقصورة وتفتح الديكور اللي فيه فرامل اليد وطبعا هو فتح جزئي وليس كامل بس للوصول الى مسمار الوزنية لاجل ترخي الجلنط

اللي يجي من المصنع للوكالة والمدرسين اليابانيين يقولونها لهم ان الطقات المسموحة هي 7 طقات والمفروض ما تسحب الجلنط بقوة لان كذا بيمسك الكليبر ويدفه فجأة

وبالنسبة لل 7 طقات هذه تتاكد ان الفحمات مرتخية تماما بس عاد تكفي ما بين 4 الى 5 طقات تكفي وما تحتاج وزن بعد كذا لانها توزن نفسها بنفسها وانت ماشي والمفروض تتاكد من ثبات وزنيتها على حسب الكاتالوج كل 40000 كيلو يمكن فيه خلل ولا شي

وبالنسبة لسحب الجلنط لا تسحبه بقوة لاجل ما ييبس المكبس اللي في الكليبر يعني اسحبه شوي شوي

وبكذا ان شاء الله راح تطول معك الاقمشة الخلفية لان البعض يشتكي من تاكل الفحمات الخلفية اسرع من الامامية

**بلال العلمي** · 04-09-2009, 10:25 AM

http://www.hondaarabia.com/club/show...E1%CC%E1%E4%D8

وايضا

http://www.hondaarabia.com/club/show...E1%CC%E1%E4%D8

وايضا

http://www.hondaarabia.com/club/show...E1%CC%E1%E4%D8

وايضا

http://www.hondaarabia.com/club/show...1+%C7%E1%ED%CF

**AliAhmed** · 04-09-2009, 01:56 PM

يعطيك العافية .. أحسك عطيتنا حل للبريكات الخلفية !!

انا البريكات الخلفية عندي منتهية .. لدرجة اني صرت لما امشي بدون ما ألمس بريك يطلع صوت احتكاك من الجهة اليمين فقط !!!! (هل هذا يدل ان الوزنية خربانة )

ان شاء الله راح ابدلهم اليوم ... بس لو توجد اي صورة لو اي شي يعلمك وين تفك داخل ديكور السيارة وكيف ترخي على الجلنط .. لاني بصراحة مافهمت عليك بالكلام ..

وشكرا ..

**بلال العلمي** · 04-09-2009, 02:03 PM

هو نفسه ديكور التكاية فيه القسم الخلفي منه في 2003-2007 وما ادري عن الجديد بس تلقى مسمار وزنية داخل الديكور

الحين انت غير الفحمات وقول لهم يرخون المسمار بحيث يكون ما بين 5 الى 6 طقات كافية ان شاء الله

وبانزل لك الصورة اليوم ان شاء الله

**بلال العلمي** · 04-09-2009, 02:07 PM

بس اخوي حاول تخلي المهندس هو اللي يرخيه لاجل ما تصير مشكلة وتفتح اكثر من اللازم ولا تزيد فتربط اكثر وتقطع السلك يبغالها خبرة

**accordyon** · 04-09-2009, 08:44 PM

المشاركة الأصلية كتبت بواسطة aliahmed

انا البريكات الخلفية عندي منتهية .. لدرجة اني صرت لما امشي بدون ما ألمس بريك يطلع صوت احتكاك من الجهة اليمين فقط !!!! (هل هذا يدل ان الوزنية خربانة )

بعد اذن صاحب الموضوع برد عليك
بالنسبة لصوت الي عندك هذا صوت السفتي حق الفحمات الخلفية بوضح اكثر
في الفحمات الخلفية مثل الحديدة لما توصل الفحمة لنهاية تصير الحديدة
تحك في الهب ويطلع الصوت الي عندك ومعناها الفحمات مخلصة

**gray2008** · 04-09-2009, 10:17 PM

يعطيك العافيه اخوي بلال على التوضيح

انا سارت معاي في صيانه ال 10 الاف هوندا جده فرع طريق المدينه

في صيانة ال 10 الاف يفكون البريكات عشان يسوون تنظيف للهوبات والظاهر لمن رجع ركبها البريك الخلفي اليسار شد عليه بزياده

كنت حاس فيه ثقل في السياره ولكن مررره خفيف يعني اشوف ال rpm يطلع بزياده وانا ماني ماشي هذاك الشي والهاند بريك كنت احسه مشدود بزياده
وكنت مفكر انه السياره زبطت وسارت قومتها احسن :d

ولكن بعد مامشيت من عندهم بمسافه ومع الزحمه تفاجأت انه البريك قاعد يدخن - انفجعت وقتها كنت افكره ولع نار ولا شي ولكن حمدلله ماكان فيه نار ولا شي
وقفت على جنب وانتظرته لين برد شوي وقعدت اشد في الهاند بريك وارخي واشد وارخي كذا مره لين حسيت انه سار طبيعي وبعدها مشيت والحمدلله زبطت الامور

**هلالي (اكر)** · 04-09-2009, 11:31 PM

ما قصرت اخوي ساعدتنا واجد

**slaitr** · 05-09-2009, 02:35 AM

يعطيك العافيه اخوي بلال عالموضوع المفيد
بس بسألك سؤال :
ان عندي الفحمات الخلفيه يالله تكمل 28 الف والتمسيح متساوي ورجلي (الله يكرمك) حنونه عالفرامل
هل تتوقع ان عندي مشكله ولا هذا الشيء طبيعي ؟؟

**ياسر الشمراني** · 05-09-2009, 04:54 AM

ماقصرت
والله البريكات الخلفيه مشاكل في مشاكل ... اما بالنسبه للأماميه نصحني واحد خبير اني اركب اقمشة جيب mrv وبصراحه الى الآن معي 100%

**حنفي الابهه** · 05-09-2009, 04:57 AM

يعطيك العافية على المعلومات الجميلة
تقبل مروري

**بلال العلمي** · 05-09-2009, 09:10 AM

المشاركة الأصلية كتبت بواسطة slaitr

يعطيك العافيه اخوي بلال عالموضوع المفيد
بس بسألك سؤال :
ان عندي الفحمات الخلفيه يالله تكمل 28 الف والتمسيح متساوي ورجلي (الله يكرمك) حنونه عالفرامل
هل تتوقع ان عندي مشكله ولا هذا الشيء طبيعي ؟؟

الجلنط المفروض يكون ما بين 5 الى 6 طقات

بعض السيارات اللي عندكم مشدودة شوي وبس ثلاث طقات وخلاص وهذا غلط المفروض من الشركة 7 طقات بس 5 الى 6 كافية

**بلال العلمي** · 05-09-2009, 01:04 PM

وفيه معلومة شباب

لا تشدون الجلنط بقوة لانه يعلق على المكبس او البستم الداخلي في الكليبر ويصير ماسك دايم

اسحبه بس شوي شوي وفي الطلعات بعد اسحبه شوي شوي الى اخر مداه مو بقوة مثل غالبية الناس

**sss** · 06-09-2009, 05:41 PM

المشاركة الأصلية كتبت بواسطة ياسر الشمراني

ماقصرت
والله البريكات الخلفيه مشاكل في مشاكل ... اما بالنسبه للأماميه نصحني واحد خبير اني اركب اقمشة جيب mrv وبصراحه الى الآن معي 100%

كم موديل سيارتك يالغالي

وهل سهل التركيب ولا احتجت تسوي شي

ياريت تفيدنا تعبت من الفحمات ال............تكرمون

**بلال العلمي** · 07-09-2009, 09:33 AM

المشاركة الأصلية كتبت بواسطة sss

كم موديل سيارتك يالغالي

وهل سهل التركيب ولا احتجت تسوي شي

ياريت تفيدنا تعبت من الفحمات ال............تكرمون

ركبها في الوكالة افضل لاجل تلقى الوزنية الصحيحة قول له سوي لي وزنية صحيحة في الجلنط لاجل ما يمسح عليك الفحمات ورى

**AHN** · 07-09-2009, 04:43 PM

يعطيك العافيه ع الموضوع .,
عندي سوعال .,
1- عادي اسوي صنفره للهوباااات ؟ ولا ما تفرق .
أو, الخراطه أفضل ( مع العلم سيارتي مشت 30000كم)

**بلال العلمي** · 08-09-2009, 10:28 AM

المشاركة الأصلية كتبت بواسطة ahn

يعطيك العافيه ع الموضوع .,

عندي سوعال .,
1- عادي اسوي صنفره للهوباااات ؟ ولا ما تفرق .

أو, الخراطه أفضل ( مع العلم سيارتي مشت 30000كم)

اذا الفحمات باقي فيها عمر بس سوي لها صنفرة للفحمات بس اذا الهوبات محتاجة خرط لازم تخرطها

الهوبات ما تتصنفر ابد بس الفحمات هي اللي ممكن تصنفرها بس الهوبات اذا فيها خشونة في السطح عالية لازم تخرطها

**بانوراما** · 08-09-2009, 01:19 PM

يعطيك العافية على التوضيح ... اخوووي بلال ..

بس عندي سؤال .. >> واعذرني يمكن انو غبي شووي .. بس لازم افهم ..

من كلامك فهمت ان فيه شي اسمو فحمات .. وشي اسمو اقمشه !!!! وش الفرق بينهم ؟؟!!

تحياتي ..

**بلال العلمي** · 08-09-2009, 02:48 PM

الاقمشة تجيك مثل الصورة تحت

الفحمات تجيك كذا

واللي في الهوندا اكورد هو فحمات بس بدون الاقمشة والفحمات هذه تستخدم للفرامل وايضا للجلنط

شكلا هو كما هو فوق وعملا هو نفسه اثنينهم للفرملة لكن كفاءة الفحمات اكثر من الاقمشة العادية لان الفحمات معرضة للتهوية اكثر من الاقمشة

**A C C O R D 0 8** · 08-09-2009, 04:42 PM

السؤال اللي يسدح نفسهـ ..

قبل اسبوع تقريبا بديت اسمع صوت بالفرامل مع كل ضغطه على الفرامل طبعا هو صوت صرصهـ ..

وطبعا انا من اول كنت اسمعه واطنش اذا طلعت من الوكاله وهي توها مغيره الفحمات او الهوبات ..

لكن الحين طلع الصوت بعد ماطلعت من الوكاله بفترهـ ومشيت يمكن 10 الالاف كيلو بعد اخر زياره لهم

وكان فيها تغيير طقم الهوبات مع تغيير الفحمات الخلفيه حسب مااذكر ..

الصوت طلع لي من اسبوع وقلت بيروح مع الوقت .. ومع الوقت زااد صار موب صرصره ..

طلع الصوت اعلى بكثير .. فكيت الكفرات مع واحد من الشباب وفكيت الكليبر وشفت الفحمات مضبوطهـ

وباقي فيها .. والهوبات سليمه مافيه خشونه ولاشي الحمد لله يعني ..

تتوقعون من وشو الصوت ..

الصوت بالضبط كان الفحمات مخللللصه على الاخير .. تعرفون صوت الصرصره بالموتر اذا مسكت فرامل

وانت ماعندك فحمااات .. يطلع الصوت من اول ماتمسك فرامل الين توقف السيارهـ ..

وش الحل برايكم ..
--

وياليت اخوي بلال ان امكن صورهـ للمسمار حق وزنيه الجلنط وكيفيه وزنهـ .. او شرح ان امكن .

**A R N** · 08-09-2009, 05:10 PM

( اضافه بسيطه )

مره من المرات قابلت خويي معه كامري وهو توه خارط الهوبات
سألته افااا هذي وهي جديده ؟
قالي ان صاحب الورشه يقول :
< لما تجي من سفر لا تغسل السياره على طوول > !!

حتى تبرد الهوبات

و أتوقع كلامه صحيح ،،

**بانوراما** · 09-09-2009, 11:17 PM

اهاااااااااااااااااا .. اثاريها كذا

المعلومة اللي كانت راسخه في ذهني .. انو الفحمات هي نفس الاقمشه .. بس اختلاف المسمى ..

يعطيك العافية اخوي بلال .. ع التوضيح

>> الحين فهمت ..

يسلمووووووو