الموضوع: التحكم بالمسجل عن طريق الدركسون

المشاركة الأصلية كتبت بواسطة الاخطبوط

انا بستنى راح اسبوع وباقي اسبوع ويجينا خبر تركب ولا ماتركب

انا وعدتكم واليوم اوفي بوعدي

سبحان الله كيف الايام تجري :d ولا لا يااخطبوط ;)
بختصار ياشباب قطعة التحكم في الصوت من الدركسون مستحيل انها تركب الا في حالة وحدة اذا تم تغيير ظفيرة السيارة وستبدالها بظفيرة الاكورد V6 علمن ان قيمة الظفيرة تتاروح من الـ 7000 الا الـ 8000 ريال سعودي .

ملاحظة صغيرة : الظفيرة حق الاكورد V6 تتميز بأنها رابطة التوصيلات بين الطارة (الدركسون) والمسجل والكمبيوتر حق السيارة عكس ظفيرة الاربعة سلندر .
هذا والله اعلم .

المشاركة الأصلية كتبت بواسطة اتش

بختصار ياشباب قطعة التحكم في الصوت من الدركسون مستحيل انها تركب الا في حالة وحدة اذا تم تغيير ظفيرة السيارة وستبدالها بظفيرة الاكورد V6 علمن ان قيمة الظفيرة تتاروح من الـ 7000 الا الـ 8000 ريال سعودي .

ملاحظة صغيرة : الظفيرة حق الاكورد V6 تتميز بأنها رابطة التوصيلات بين الطارة (الدركسون) والمسجل والكمبيوتر حق السيارة عكس ظفيرة الاربعة سلندر .
هذا والله اعلم .

و الي قال مستحيل مع احترامي له "لا يفقه شيئا"


الله يسامحك هذا وانت محترمني تقول لايفقه شيئا اجل لو مااحترمتني وش بتقول ;)

على كل حال انا ما انكر اني قلت مستحيل بس لو ترجع للي انا كاتبه فوق وبلون الاحمر تعرف اني استثنيت الظفيرة من السالفه كلها عارف ليه استثنيتها لانها هي مربط الحصان في الموضوع وهي اللي عن طريقها بتركب القطعة أو مابتركب :o
على كل حال اخوي NEO FOX القطعة تركب بس الظفيرة لازم تتغير أو تترهم بس انتبه ياعيوني من الترهيم لان اي غلطة بسيطه بتخسرك 8000 ريال .






على فكرة ياشباب قبل شهر وشوي قابلت واحد من الشباب وقالي انه شاف واحد في الصناعيه القديمة معاه اكورد سعوديه ومركب القطعة حق الصوت والقطعة شغالة 100% طبعآ الرجال راعي السيارة يقول انه ركبها في محل بدبي .
طبعآ انا سئلت خويي وين ركبها في دبي قالي والله مادري .
طيب بكم ركبها قالي والله مادري .
طيب تعرف رقم جواله أو وين ساكن قالي لاوالله ماعرفه انا قابلته في ورشه بصدفة .
الشي الغريب في كلام خويي يقولي ان الطاره اللي شافها( الدركسون ) متغيره تغير كلي عن طارة الاكورد المعروفه






اخبر ان المنتدى على اول مافتح كان فيه اعضاء من دولة الامارات الشقيقه ومن قطر والكويت
بس للأسف الحين ماعاد لهم شوفة :o
والسبب ان المنتدى تحول من منتدى سيارات لمنتدى تصيد اخطاء املائيه

ياليت ياشباب تخفون شوي وبتحديد على الاعضاء الجدد والاعضاء من دول الخليج والعالم العربي .

ارجوا انكم ماتزعلون من كلامي ;)
OK ياشباب

المشاركة الأصلية كتبت بواسطة اتش

و الي قال مستحيل مع احترامي له "لا يفقه شيئا"

الله يسامحك هذا وانت محترمني تقول لايفقه شيئا اجل لو مااحترمتني وش بتقول

اتش:

اولا المنتدى موجود للمناقشة بين الأعضاء ومهو قانون اذا واحد تكلم لازم يكون صح ، وانا ما اضمن ان كلامي ايضا صح ، وانا اشجع الي بتسوية انت و كثير من الأعضاء مثل دحوم و اكورد 06 و غيرهم الأعضاء الي كانو وراء سبب وجودي بالمنتدى ، واذا فهمت من كلامي اي اسائة لك فتأكد انها كانت كلمة غير مقصودة من أخ لك ... و أقدم اعتذاري لشخصك و مبروك عليك رمضان

نرجع لموضوعنا ، انسى موضوع الأكورد 6 سلندر ... اتمنى انك تشاركنا في الموضوع حتى نصل لمرحلة و نقول دحوم ركب القطعة و السابقة لمنتدى محبي هوندا ...

accord 06:

انت فخر للمنتدى و شكلك قربت ... شد حيلك ... على فكرة كما تكلمنا سابقا الى الأن مافي تأكيدات ان الكيبل بين الدركسون و المسجل موجود ولا لا ... و صراحة متكاسل اتأكد ... لكن لما فكيت الأير باق مالقيت وايرات داخل ... المفروض يكون في ظفيرة او كم واير عوض عن الظفيرة

المشاركة الأصلية كتبت بواسطة اتش

اخبر ان المنتدى على اول مافتح كان فيه اعضاء من دولة الامارات الشقيقه ومن قطر والكويت
بس للأسف الحين ماعاد لهم شوفة :o
والسبب ان المنتدى تحول من منتدى سيارات لمنتدى تصيد اخطاء املائيه

ياليت ياشباب تخفون شوي وبتحديد على الاعضاء الجدد والاعضاء من دول الخليج والعالم العربي .

المشكلة ليست في منتدانا فقط ، انما هي في منتدانا و منتديات عربية كثيرة ، المنتدى بشكل عام نعمة كبيرة لنا ، ان يجتمع السعودي و الكويتي و المصري في مكان واحد و يتبادلو الخبرة بكل بساطة بنقرة فأرة ، وليس خطأ ان نمزح معا و نوطد معرفتنا ببعض والا كأننا كنا في دوام رسمي و نطالب الأدارة بصرف رواتب لنا ، لكن الخطأ ان ادخل الى منتدى وأجده كله ضحك و فلة ، لو كنت انا عضو جديد لن اسجل في منتدى للفلة وانما للفلة + الفائدة ، لو كل واحد مننا حاول يكتب موضوع واحد على الأقل "متعوب علية" في الأسبوع و لمدة شهر كامل ، تخيل كيف حيكون منتدانا الحبيب ، و هل سيبقى حينها الأعضاء النشطين 15 شخص فقط !

المشاركة الأصلية كتبت بواسطة NEO FOX

انت فخر للمنتدى و شكلك قربت ... شد حيلك ... على فكرة كما تكلمنا سابقا الى الأن مافي تأكيدات ان الكيبل بين الدركسون و المسجل موجود ولا لا ... و صراحة متكاسل اتأكد ... لكن لما فكيت الأير باق مالقيت وايرات داخل ... المفروض يكون في ظفيرة او كم واير عوض عن الظفيرة

المشاركة الأصلية كتبت بواسطة NEO FOX

اشكرك على التشجيع اخوي NEO FOX

ما ادري صراحه اي اسلاك تقصد بالضبط .. لكن انا بكتب كل اللي اعرفه و صحح لي اذا كان
فيه اي غلط .


الجزء الاول : الشغل تحت الايرباق

اول شي تفك الايرباق .. بعدين تفك الازرار القديمه لمثبت السرعه مع اسلاكها و الفيش حقها .

بعدين نركب الازرار الجديده لمثبت السرعه و ازرار التحكم بالصوت لانها كلها تجي مشبوكه بفيش واحد .. بنسمي هذا الفيش " الفيش الامامي "

هذي الازرار الجديده و سعرها 380 ( لاحظ ازرار الصوت لها سلكين بس )



و هنا بعد التركيب


بعدين تركب الايرباق مره ثانيه .. يعني كل اللي بتسويه بعد فك الايرباق هو تركيب الازرار بس .


الجزء الثاني : مد السلكين

اول شي نفك الغطاء العلوي لعمود الدركسون .. و من هذا الفيش الابيض بنمد السلكين
لفيش المسجل .. بنسمي هذا الفيش الابيض " الفيش الخلفي"




و هذي صوره ثانيه للفيش من الخلف .. و لاحظ تطابق اماكن الفتحات بين فيش الازرار و هذا الفيش .. يعني بنمد السلكين من الفتحتين المقابله للفتحتين اللي يشبك فيها سلكين
ازرار الصوت << الكلام يدوخ لكن فهمها سهل


و صوره اوضح للفيش الخلفي




و الجهه الثانيه من السلكين نشبكها في فيش المسجل ( 3 و 11 ) .



و هذي معلومه ممكن تكون تسبب لبس في الموضوع

و هي ليش نمد الاسلاك من الفيش الخلفي و اسلاك الازرار اصلا تدخل في الفيش الامامي ؟؟
الفيش الامامي موصل بالفيش الخلفي بنفس الاسلاك و بدون اي زياده

و الحكمه من وضع هذي الافياش و عدم مد الاسلاك مباشره هي
حماية الاسلاك من الشد خلال لف الدركسون

المشاركة الأصلية كتبت بواسطة NEO FOX

واذا فهمت من كلامي اي اسائة لك فتأكد انها كانت كلمة غير مقصودة من أخ لك ... و أقدم اعتذاري لشخصك و مبروك عليك رمضان

عيوني لك اخوي neo واتشرف فيك اخ وصديق
ومبروك على الجميع شهر رمضان