صوت مثل القماشات والهوبات

**العميد7** · 06-09-2009, 08:15 AM

سلام يا شباب
الموتر اكورد 2008
4سلندر نص فل
المشكلة صوت في الكفر الأمامي الأيسر مثل صوت القماشات والهوبات رحت الورشة فكيت الكفر فحصت القماشات مافيه شي يعني باقي له نص عمر واكثر مع العلم السيارة ماشية 45000 هاذي المشكلة الوحيدة اللى اعاني منها ورحت الوكالة قال القماشات بدون مايكشف عليها من شرح الصوت اعطوني الحل يا اهل الخبرة

**King** · 06-09-2009, 08:52 AM

إذا تبي تتأكد إذا هي من القماشات ولا من شي ثاني

روح أكثر من ورشة ومر عليهم لأن كثير من حقين الورش يتعلمون ويصلحون وهو مافيه اي مشكلة

وكل هذا بغيا ً وراء المال والمتضرر هو انت وغيرك من الناس

{ ولا تأخذ بكلامهم قد لا يكون صحيح وقد يكون صحيح }

وتقدر تكشف عليها في محلات فحص الكمبيوتر ويطلع لك المشكلة بالضبط , إن شاء الله بسيطه بالتوفيق

**بلال العلمي** · 06-09-2009, 11:03 AM

اذ باقي فيه نص عمر بس طلعه وسوي له صنفرة وخلاص ورجعه مرة ثانية وينتهي الصفير

**هيموالمسعودي** · 06-09-2009, 02:17 PM

ياحبيبي سيارتي مثل سيارتك كات فيها هالصوت
رحت الوكالة غيرت اقمشة وراحت كل المشاكل وغيرتها على 50000
وغيرتها بعدين على 100000 مع خرط للهوبات وكل شئ كذا صار

**بلال العلمي** · 06-09-2009, 02:45 PM

تغييره قيمتة الفحمات بعد الخصم لاجل انك بتوديها الوكالة يحسبون لك الامامي 260 والخلفي اتوقع 200 وشغل اليد 380 تقريبا

بس اذا بتشتريه من برة 300 ريال امامي و234 خلفي

وكذا انت بتكلف على نفسك شي انت مو مستفيد منه

وفر فلوسك وطلع الفحمات الامامية وهي سهلة وسوي لها صنفرة ورجعها مرة ثانية وكذا بيروح الصوت ان شاء الله

**العميد7** · 06-09-2009, 06:38 PM

الله يعطيكم العافية راحت انظف الفحمات واعطيكم الأخبار إنشاءالله

**ملك مملكة جدة** · 06-09-2009, 07:15 PM

انا بعطيك حل سريع و على الطاير و ان شاء الله ينفع .. اذا كان الصوت تصفير و كانه اقمشة منتهية

روح عند البنشر و جيب المسدس تبع الهوا وحطة بين الهوب و الاقمشة و اضغط

، راح تشوف انواع الغبار طاير .. طبق هل حركة على كل النواحي

و ان شاء الله خير ...

لان في الهوندا و خاصة الاكورد لما تمشي بالسيارة في وسط رملة او طين او غير ، و تدعس فرامل تلاقي السيارة تصفر او تطلع صوت و كأنه الاقمشة منتهية

و بعدين ما اقدر احكم على اي شي لاني ما اعرف سواقتك ، ناس من 20 الف تغير الاقمشة .

سلام

**الكونكورد** · 06-09-2009, 11:39 PM

ياعزيزي انا عندي نفس المشكلة وهو صوت الهوب وصوت مزعج جددا

رحت للوكالة وشرحت المشكلة وخرطوا الهوبات والمشكلة مازالت موجودة ورجعت لهم مرة ثانية وقالي مهندس الاستقبال بالعربي هذا عيب في الاكورد 2008 و 2009 حتى لو خرطنا الهوب راح تبقى المشكلة !!!!!!!!!!!!!

علما ان سيارتي ماشية 45 الف

**العميد7** · 07-09-2009, 07:56 AM

سلام شباب ابشركم عرفت الحل وصلحته الحمدالله رحت عند واحد من الشباب هاوي ميكانيكا كشف على القماش الأمامي مليان كشفنا على الخلفي وحصلنا منتهي .غيرت القماشات الخلفية وراح الصوت .
بس الغريب القماش الخلفي ماينتهي بدري وسالت خوي .قال صح بس المشكلة ان البريك مشدود عليه يعني كان طقتين قال علشان كذا القماش انتهي بدري .وخلاه لى اربع طقات .وقال كذا راح يطول إنشاءالله .
القماش شريته 225ريال وخوي اخذ مني 50ريال يعني الشغلة كلها 275ريال .
اتمنى اني افدكم مثل ما استفدت منكم الكثير.وشكراًً