استفسار نهائي ,, الرجاء الدخول

**ابو ريفان** · 07-09-2009, 01:38 AM

السلام عليكم ,, !

كيفكم طيبين ان شاء الله ,, !

تعبت وانا ادور هوندا 09 فل نظيف !!

لقيت بمعنى اخر لكن مب نظيفه " مصدومه او مرشوشه " ولقيت نظيف لكن مبالغ بالسعر وموصلينها لـين 90

ومافيه مصداقيه بالبيع ابدا !

ع العموم قدر الله علي ورحت لـ آبو هاشم

ولقيت هوندا سبيشل عليها اكسسوارات " جناح خلفي + انوار هوندا اكورد على البيبان + زيق بنفس لون السياره + ستاره خلفيه + حساسات خلفيه + كشافات + شبك اول مره اشوفه "

المهم حصلتها بـ 85 بدون العرض ,, ومع العرض زد 4 !

انا قررت ان شاء الله اشتريها خصوصا انه متوفر جميع الالوان !

لكن استفساري هنا لو اخذتها بدون العرض الضمان الى كم !؟ وماذا يشمل الضمان !

وهل يمديني اخذ العرض لو توفر معي الـمبلغ !؟ بعدين يعني !؟

ورايكم اللون العنابي ام الاسود الافضل ! او وش رايكم بـ اي لون ثاني ؟

وعلى كلام الموظف يقول مافيه فرق ابدا عن 2010 !!

فـ وش رآيكم اتوكل على الله واخذهـآ !؟ لان الفل غالي بصراحه ومع الميزات اللي حصلتها على السبشل زاد تعلقي في الاكسسوارات ! :d

ارآئكم اخواني انا بـإذن الله هاليومين راح اطلعها لكن ,, كل مااريد معرفته الاختلافات بين الفل والسبشل ,, وهل هي الفروق اللي تخليك تندم انك اخذت سبيشل !؟

وبالتوفيق

تحيتي

**Loving ACCORD** · 07-09-2009, 02:00 AM

السلآلآلآلآم عليكم

أخوي رح للإمارات وأشتر من هناك

هناك أكورد 2009 فل كاااامل 81 آلف بس

مو عندنا بالسعوديه يرفعون السعر لين يوصل السماااا

والفرق بين الفل والسبشل
الفل
مقبض الباب نيكل
الجنوط كبار << ما أدري كم مقاسهن :o
6أقراص سيدي
يقولون لما تمسك فرامل كل الكفرات تمسك مو اللي وراء بس

السبشل
مقبض الباب مثل لون السياره
الجنوط صغاار
قرص واحد سيدي
الفرامل الخلف بس

أعذرني هذا اللي أعرفه بس وإن شاء الله الشباب يفيدونك

بس كانك تبي رأيي خذ فل كامل أتوقع فيها فروق حنا ما نعرفها وكويسه

أتمنى أكون أفدتك..تحياتي

**ابو ريفان** · 07-09-2009, 03:52 AM

مااقدر على الفل كامل ,, !

ميزانيتي محدوده ,,

وبالنسبه للفروق مااتفرق معي يعني نيكل مايفرق ,, و6 سيديات مااتفرق معي الجنوط ماتفرق بعد ,,

الفرامل مااضن نفس اللي تقول ,, !

يعطيك العافيه

**اكـورد وبـس** · 07-09-2009, 07:19 AM

انا اخذت فل بدون العرض وبصراحه مدري وش سالفة ذا العرض ان شاء الله يجي الي يفهمنا

**متزوج اكورد** · 07-09-2009, 08:02 AM

انت من كلامك يهمك تكون السيارة بسعر معقول عشان كذا شوف اذا عندك استعداد انك تصبر الى 2010 وتدفع فرق اقل شي 7000 او 8000 فانتظر شوي او خذ هذي انا شفتها بالوكالة والحقيقة انها حلوة جدا والزيق الي على جنب السيارة معطيها منظر غير لان قليل تحصل اكورد بالشارع تمشي وعلى جنبها زيق يعني بتكون مميز وبسعر مناسب جدا توكل على الله او اصبر لين بعد العيد مع بداية الدراسة اكيد راح ينزل عرووض خاصة بمناسبة العودة الى المدارس

**أمير الكود كود** · 07-09-2009, 08:19 AM

ماتوقع مع بدايه الدراسه تنزل عروض

لان موديلات 2010 بتنزل وبتززيد وبتروح العروض

بالنسبه لي اخوي خلاص بسلمهم اليوم فلوسهم وبأخذ سبيشل اسود

وبس

**ابو ريفان** · 07-09-2009, 04:45 PM

الله يعطيكم العافيه ,, !

طيب اخواني مااحد فادني عن العرض ,, !

يعني ماافهمت العرض وشو ,, لو اخذت السياره بدون العرض كم الضمان ؟؟ ويشمل تغيرر ايش !؟

ولو اخذتها ممع العرض وشو اللي يتغير ؟ ويشمل تغيرر ايش !؟

لاهنتوا وموفقّين

**moiuid** · 07-09-2009, 07:28 PM

العرض حبيبي فقط للصيانه
وهو يعتبر توفير لو تحسبها كل صيانه تسويها فى الشركه بدون العرض من 120-500
وانا اشوف انه ممتاز خصوصا انه ل 100000 الف او 3 سنوات