كرسي القير والمكينة والعكوس والمقصات ( 2004 )

[الدرع الذهبي]

بسم الله الرحمن الرحيم


السلام عليكم ورحمة الله وبركاته


اسعد الله اوقاتكم بكل خير والله يكفيكم شر الحوادث ويحمي سياراتكم من شوارع الرياض


حسبي الله على اللي سوا طريق الشرقية حق الاستراحات اللي قبل جابر :(

انا كنت ماسك الرئيسي ومسكت الخدمة بسرعه 70 وما دريت الا ذيك الحفرة :( ويا ناس لا تسألون سمعت صوت شي انكسر بس كملت ما قعدت اوسوس


وبعدها صرت مع كل ادنى شي فالطريق يطلع صوت طقطقه قدام الزبدة وديتها ورشة بعد اسبوعين من الحادثة وقام ونزلني تحت ووراني ..

قالي كرسي المكينة انكسر وصارت المكينة تتحرك وانكسر كرسي القير معها ثم اثر على المقصات والعكوس و و و .. الخ بالاخير قلت بس بس وقف لا تكمل :(


يا جماع ابي رايكم كل واحد يقرا موضوعي يحس انه هو ويقول لي وش اسوي ؟ اروح الوكالة مباشرة او اوديها ورشة ثانية او وش اسوي بالضبط


وللاحتياط وعشان نجمع دراهمنا :d يا ليت تخبروني بأسعار الاشياء اللي كتبتها في العنوان والله يعطيكم الف عافية ويحميكم وسياراتكم



سلام عليكم

[B Useful]

الحمد لله ع السلامة اول شي ..
هذا اللي استفدنا من المخالفات اللي تندفع ولا نشوف لها اي اثر في اصلاح الطرق ، اذا ماصلحوا الطرق بفلوس المخالفات لية يعطونا مخالفات من الاساس <<<< وشطح احدهم شطحتاً بعيدة

معليش ع المقدمة

تروح الوكالة بتدفع نص قيمة سيارتك حالياً في اصلاحها ..

كراسي المكينة والقير كاملة حول ١٥٠٠ تقريباً
عكسين حدود ٧٠٠٠ تقريباً
مقصات مدري بس نقول كاملة حدود ٢٠٠٠ تقريباً
شغل يد في الوكالة النصابين حدود ٤٠٠٠ لأنهم من جد نصابين ..

النصيحة .. اللي مكسور غيرة بأصلي خاصة كراسي المكينة ..
المقصات والاذرعة والعكوس <<< ودها ميزان او محلين ميزان او ورشة متخصصة خلهم يقولون لك وش المكسور ؟ وش اللي يتعدل ؟ وش اللي ماجاة شي و اللي جتة حالة نفسية من الحفرة وش اللي باقي فية اكثر من نص العمر ... الخ .... لو تروح الوكالة اي شي فية خدش بيغرونة بدون مايشاورونك ..

اشتر القطع اللي تبيها من الموزعين اصلية ارخص من الوكالة بـ ١٠٪ الى ٢٠ ٪ وعندك بالاعلانات فوق موزعين كويسين ..

بما انك قلت طريق الشرقية .،،، هل انت بالشرقية ولا الرياض ؟؟ ومنهو جابر :d

فية ورش كويسة بالشرقية وورش كويسة بالرياض ، علمنا موقعك نعلمك :p

[ـبطرانـ2005ــ]

الله يكون بعونك

[الدرع الذهبي]

انا فالرياض يا بعدي بس كيف ياخي اسأل الورشة وش الخربان ؟ يعني مب المقصات وطقتها قطعه وحده؟

صراحي قالي هندي حق الورشة انك لو رحت الوكالة كذا وكذا بس احنا نسوي هالشي .. نفس كلامك


على كلن وين الورشة اللي تقول مع الشكر لعبدالله هاشم :(