اليوم خذيت الكوبيه لكن محتـار ..

**HussaiNoo** · 10-09-2009, 09:43 AM

السلام عليكم شباب ..

باركولي اليوم خذيت هونـدا كوبيه 2009 من الوكـالة .. والحمدلله خلصت اموري وحجزت اللون الأزرق ..

لكني بعد ما خذيت لي جولة في المنتدى لفت ردي بعض الردود تقول ابعد عن اللون الاسود والأزرق لأنك تحتاج تلمع السيارة وتهتم فيها اسبوعيا ً وبعد سنوات راح يصير منظر السيارة جدا ً قديم .. هل هالشيء صحيح ولا مبالغ في الكلام ؟

هالشيء حبطني نوعا ً ما .. مع أني أشوف السيارة باللون الأزرق حلوة جدا ً ..

فـ مادري تنصحوني أتصل على الشركة وأغير اللون قبل لا تطلع السيارة من الوكالة ؟

ويعطيكم العافية وبصراحة المنتدى أكثر من رائع واتشرف أني اكون متواجد مع أهل المملكة ..

**King** · 10-09-2009, 11:11 AM

والله يالغالي حسين احسنت الأختيار من بين الألوان المتوفرة بكثرة

وماعليك من كلام الناس , أصلن بالعقل كيف هوندا تحط ألوان ماتتحمل ضروف الأجواء بشتى المناطق !!

إذا انت عاجبك اللون خلك عليه بس بين سنه وسنه سوي تلميع من مجموعات مقوايرز وإن شاء الله امورك تمام ;)

الله يحفظها لك

**HussaiNoo** · 10-09-2009, 11:28 AM

ما قصرت أخوي King .. رفعت معنوياتي مرة ثانية :d

وان شاء الله بنهتم بسالفة التلميع ويعطيك العافية

**كوبيه 0707** · 10-09-2009, 12:20 PM

اولا الف الف مبروك
يعطيك خيرها ويكفيك شرها
بالنسبه لذوقك في اللون حلو ماشالله
بس زي هذي الالوان الغامقه يبين فيها الوسخ والغبار بسرعه
ومع كثره الغسيل ممكن تتكون دوائر على البودي ..
اما اللون ماعليه كلام..
هذي وجه نظري

تقبل عبوري@@@

**King** · 10-09-2009, 01:27 PM

وصحيح ان اللون الأبيض الؤلؤي بعد فترة تحصل فيه خطوط ودوائر مثل اي لون

لكن اللون الغامق تحصلها واضحه بس مو من اول 9 شهور بعد فترة طويلة

حبيت أنصحك فيه منشفة خاصة للسيارات مو مثل إلي يستخدمونها محلات التغسيل لأن حقت محلات التغسيل تكون معدومه وماتنفع وشوف كم استخدموها من مره !

فا روح اقرب محل زينه وشوف لك منشفة كويسه وسعرها مناسب ولك وللزمن افضل من حقت الغسيل إلي تعدم البويه وهي سبب ظهور الدوائر

**مشــــعل** · 10-09-2009, 02:01 PM

فقط للتوضيح..

1- جميـــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــع الألوان الغامقة يبين فيها الوسخ و الغبار بسرعة اكثر من الالوان الفاتحة
2- لا تغسل السيارة عند الهنود و البنقالة اللي في الشارع.. هم يمسحوا السيارة بغبارها.. وهذا اللي يسبب علامة الدوائر اللي الشباب يتكلموا عنها.. و طبعا هذه الدوائر تبين في الألوان الغامقة اكثر
3- الألوان الغامقة افخم من الألوان الفاتحة << الحق يقال مع ان سيارتي لؤلؤي

و أخيرا.. يا اخي مالك ومال كلام الناس.. نام على الجنب اللي يريحك و خذ اللون اللي يعجبك..

يا اخي انا لمن طلعت السيارة محد نصحني باللؤلؤي.. لأنه منتشر..

بس انا اخذته لأنه عاجبني.. واللي مو عاجبه يدق راسه في اقرب جدار.. سيارتي و كيفي..

ألف مبروك.. ولا تقعد تناظر في مواضيع المنتدى.. اغلبها تشاؤم و عالم موسوسة..:d

**فيوزات رحيمه** · 10-09-2009, 02:18 PM

كفوووو والله

في الكوبيه اشوف الازرق والابيض احلى الالواان الصراحه

اختياااارك 100% في مكااااانه

ماعليك من كلام الناس اهم شي انت عاجبك

تحيااتي لك يا غالي والف مبروك الله يعطيك خيرها ويكفيك شرها << بدري هاع

**false** · 10-09-2009, 03:17 PM

ما عليك اللون الأزرق لون بطل

و خصوصا ً على الكوبيه

أختيارك بطل

و أسأل الله أن يعطيك خيرها و يكفيك شرها

**ABO.YOUSEF** · 10-09-2009, 05:08 PM

مافيه مشكله اللون الغامق بس يحتاج عنايه بزيادهـ ..<< خير الكلام ما قل ودل :d

**D O M E** · 10-09-2009, 06:50 PM

الله يعطيك خيرها ويكفيك شرها .. وآنا نفس الشئ يوم السبت باستلم سيارتي

ولونها اسـود .. وخايف من نفس المشكلـة :o

**اكورد 2006 وبس** · 11-09-2009, 12:51 AM

الله يعطيك خيرها ويكفيك شرها
انصحك ابعد عن الالوان الغامقة بتعبك في الغسيل والالوان الغامقة تمتص الحرارة
وبعدين سلبيات اللون الغامق
1- يغطي على شكل السيارة ومنظرها الحلو كانك مغطي السيارة بالعباية ماحد يشوفها بعكس اللون الفاتح مما يظهر شكل السيارة وجمالها ويجذب رؤية الناس
2- عمرالالوان الغامقة قصير جدا بعد سنة الون يبهت وينتهى جمال اللون
3- ليست مرغوبة بعد البيع
ايجابيات الوان الفاتحة وخاصة الابيض لانه افتح الالوان
1 يظهر جمال وشكل السيارة ومنظرها ويجذب الناس
2 يعمر اقل شي خمس سنوات مع اجوائنا وتضاريسنا والحمد لله عندي اكورد 2006 ابيض ثلاث سنوات تشوفها عند البيت كاني مطلعها من الوكالة
3 مرغوبة بعد البيع وخاصة اللون الابيض اغلى الاسعار في الحراج

وهذي وجهة نظر واتمنى لك الخير من اعماق قلبي مع اني انصحك يالون الفاتح ....وشكرا

**almaster** · 11-09-2009, 12:56 AM

مبرووووووووووووووووووك السيارة

وبالنسبة للون بططططططططططططططل على الكوبيه بس انتبه للغسيل مثل ما قالو الشباب واذا بعد مدة بدأت تطلع الدوائر وديها على التلميع على طول وبترجع لك زي ما طلعتها من الوكالة

**HussaiNoo** · 11-09-2009, 01:56 AM

ما قصرتـوا يا شباب على هذه الردود ويعطيك الف الف عافية ..

اشكركم على هذه النصايح وبحطها بالاعتبار ان شاء الله ..

**Dr.Naif** · 11-09-2009, 03:14 AM

الله يعينك على الغسيل :d

انا ابيض ومبهذلتني

وعالبركه يا بطل .. ~

الازرق وحش مع الكرومات والجنط الكروم .. ~

تقآوم .:.؟ < انثبر مآ كنك طبيت في رصيف قبل آمس :p

بالتوفيق
:d

**momo** · 11-09-2009, 12:01 PM

بالعكس رووووعه الازرق وشف الموضوع واحد معدل واللون ازرق روووعهـ

http://www.hondaarabia.com/club/showthread.php?t=26296

**WHITE COUPE** · 11-09-2009, 05:19 PM

الف الف مبرووكك

أحلى لون الأزرق على الكوبيه
بس مشكلت الألوان الغامقه تتوسخ بسرعه << مافي شيء كامل والكمال لله تعالى
ما علييك من كلام الناس يقولك تروح لمعته ومدري كييف
بس الصراحه هو يبيلها عنايه شويه يعني كل شهريين ثلاثه إتوديها يلمعونها و شوفها بعد التلمييع..

وتقبل مروري