السلام عليكم ورحمة الله وبركاته

أهلاً بكم أخواني

انا زيي زي أي واحد معه أكوورد 2009 .. طلع عندي كم صوت بالديكور وحليته الحمدلله


لكن انا اللي مجنني هو صوت الحزام اليمين .. إجراااااااااااااام
مافيه أحد عنده له حل بليييييييز

وفيه صوت جديد أتوقع أنا أول واحد يمر عليه هالصوت انا .. وهو صوت مثل "" تزززز تزززز تز تزز "" يجي من داخل الطاره " الجزء اللي فيه علامة هونداء " .. يعني لو أحط يدي بشويش على الطاره " الجزء اللي فيه علامة هونداء " يروح الصوت

وفيه صوت انا شاك إنه جديد ولا لا .. يجي من السيدي صوت وزوزه بس خفيييييف أول مره أسمعه لما أقصر الصوت على الآخر .. علماً إن موتري 2009 سبيشل ..
الله يخليكم أبي واحد منكم يتأكد من مسجل سيارته
يحط فيه سيدي ويشغله ويقصر الصوت نهاائياً .. هل تسمع صوت وزوزه يختلف عن صوت دوران السيدي


وفيه حاجه مهمه جدً جدا ً
بالفتره الأخيره لما أشغل السياره وهي بارده
كل مره يختلف صوت التشغل عن المره اللي قبله .. مره تحس وده يصير فيه ترتره ثم تشتغل ومره تحسه زي العسل مافيه مشكله
بعض الأحيان تحس إنك مالفيت المفتاح صح .. يطلع صوت ترتره ثم تشتغل وإنبير الكمبريشن يالله يالله يوصل رقم واحد .. هل أحد عنده هالصوت ؟؟

والأهم من هذا كللللللللله
هو صوت الفرامل .. مجنني من يوم طلعت موتري
إذا كنت ماشي فوق الـ 100 ودست على الفرامل يطلع صوت غيييييير طبيعي كأنه صوت بقره
ولو أطول شوي وانا داعس .. ما أسمع صوت الشخص اللي راكب جمبي من قوة الصوت

ووالله العظيم .. إني بعض الأحيان أحط رجلي الله يكرمكم .. خفيييييييف على الفرامل ومع ذالك يطلع الصوت

رحت للوكاله وخرطو الهوبات وطلع الصوت ألعن من أول .. مع العلم إن موتري ماكمل 20 ألف

وش الحل بلييييييييييز