وش الحل في البوري

**الاكووردي** · 08-09-2009, 05:35 AM

السلام عليكم ورحمة الله وبركاته

عندي مشكلة بسيطة في بوري الاكورد 2005

فجأة تغير صوته وصار بايخ

وديته عند محل زينه وقال هذا واحد شغال واحد طافي

كشف على الطافي ولقينا الكهرب واصل قال أكيد خربان

وصار عنده واحد أصلي وكاله مستعمل ركبه والصوت البايخ ماتغير

قلت له فكه ورجع البوري الأول

وش تنصحوني أروح التشليح أشتري بوري ولا جديد من الوكالة ولا المشكلة مشكلة كهرب فيه بس

وياليت اللي يخبر كهربائي فنان غرب الرياض يدلني

وأسف على إزعاجكم

**B Useful** · 08-09-2009, 07:12 AM

لية من التشليح وماتدري هو يدق ولا خربان .. وسعرة بالوكالة ٢٢٠ للعالي والواطي ؟؟
وفية نوع نفس الاصلي بـ ١٧٠ للعالي والواطي ؟؟

غيرهم كلهم ..

**الـمـسـافـر** · 08-09-2009, 05:03 PM

راسل ربيع بن ماضي في قسم مؤسسه الحراريه الي بالاعلان

سعرها تقريبا 180 ريال

**الاكووردي** · 09-09-2009, 04:36 PM

يعطيكم العافية
بس وش المقصود بالعالي والواطي

**B Useful** · 09-09-2009, 04:42 PM

^^ الاكورد من ٢٠٠٣ وطالع فيها بوريين ، واحد عالي وواحد واطي ماعليك من اسمائهم لكنهم اذا دقيت بوري يعطونك الصوت حق الاكورد المعروف ..^^ واذا حسيت الصوت صار متغير ، فأنت تسمع صوت واحد والثاني خربان .

**بريق الصحوة** · 09-09-2009, 05:07 PM

تبغى الصرحة شوف لك بوري من محلات الزينه اذا عجبك ركبه وافضل من حق الوكاله غالي على الفاضي

فيه بوري المرسدس حلو

**ن ع ر السعودية 0005** · 10-09-2009, 04:40 AM

طيب قبل ما تشتري بوري جديد جرب تغسل البوري بالماء بشكل جيد وبعدها بالهواء من عند البنشر يمكن يكون داخل فيه غبار وصار متسدد لان أكثر الشباب نفس طريقة ومع غسيل البوري بالماء والهواء يرجع أحسن من أول جرب التجربة خير برهان بس أهم شيء تتأكد من أنه نشف ومافيه مويه بعدها سم بالله وركبه إذا ضبط معك كان بها وإذا هوهو ما ضبط ركب جديد والله يعينك ...

**ابو ريما وبس** · 10-09-2009, 04:47 AM

السلام عليكم
اتوقع من الغبار او من التغبيره ترى انا حصلي نفس المشكله غبرت السياره طلعلي صوت واحد خفيف ونضفت البوري واشتغل معي تمام
تقبل تحياتي

**الغامدي** · 10-09-2009, 04:50 AM

انااا صااااارت لي نفس المشكله

من العج والساافي >> الغبار <<

وفكيته ونظفته ورجع وكاااااله

تقبل تحيااااتي

**The Golden Accord** · 10-09-2009, 06:39 AM

انا بعد غيرت البوري لانه دخل فيه غبار وانا مسافر

ونظفته مانفع واظطريت اغيره من الوكاله بس صوته صار اقوى من الوكاله مدري كأنه بوري فورد او جمس مو اكورد وللحين مستغرب مدري شسوي اوديه يوزنونه والا اخليه ع مبنى الشايب
وشريته من الوكاله ب 220ريال الثنين
وتقدر تشتري واحد بنص القيمه ع مااعتقد اذا الثاني شغال

**الهنادي راس مــالــي** · 11-09-2009, 07:27 AM

المشاركة الأصلية كتبت بواسطة The Golden Accord

انا بعد غيرت البوري لانه دخل فيه غبار وانا مسافر

ونظفته مانفع واظطريت اغيره من الوكاله بس صوته صار اقوى من الوكاله مدري كأنه بوري فورد او جمس مو اكورد وللحين مستغرب مدري شسوي اوديه يوزنونه والا اخليه ع مبنى الشايب
وشريته من الوكاله ب 220ريال الثنين
وتقدر تشتري واحد بنص القيمه ع مااعتقد اذا الثاني شغال

مشكلتك بسيطه

بأذن الله ،،،، انت شوف واحد من اقاربك معاه نفس سيارتك ونفس الموديل ،، بعدها شوف وزنية البوري تبع السيارة الثانيه وبعدها سوي وزنيه بوري سيارتك نفس السياره الثانيه ،،، لأن اتجاه البوري له اهميه

ويارب يكون هذا الحل ;)