محتاج مساعدتكم

**aBoFahD** · 13-09-2009, 12:23 AM

انا مالي الا الله ثم انتم

بصراحه استفيد كثير من المنتدى

انا مشكلتي فيه صوت قوي مع كل مطب او حفرة والطارة فيها ميلان خفيف ما فيه رجه فيه حذفه اذا عدلت الطاره

الصوت في كل الجهات الاربع وبالذات الجهه اللي خلف الراكب

وديتها العضيب قال لي العضيب عندك

2 كبس فلنجر كراسي مساعدات 2 خرط جنط ميزان جلدة المقصات 2 وقال لي المساعد الايسر

انا ما اقتنعت بكلامه رحت ورشه ام الحمام متخصصه في هوندا قال لي غير الكفرات وسو ميزان وبس

غيرت الكفرات وركبت كفرات بريجستون من الطلائع gr80 الصامته بس ما سويت ميزان والصوت ما زال موجود

مريت اليوم العضيب غير الاول فرع ثاني شيك عليها قال لي المساعدات والمقصات والاذرعه والعكوس كلها ما فيها

شي سليمه قال لي انت كفراتك مايله الخلفيه كلها والامامي بس واحد يبي لها كبس سبندل وقال لي لازم تسوي خرط للجنوط الخلفيه وميزان امامي

وخلفي وترصيص الكفرات انا الحين بصراحه مادري وش السواة احترت مادري وش العله اصلح ايش واخلي ايش

قلت مالي الا المنتدى والشباب ما راح يقصرون نستفيد من خبراتهم وتجاربهم

وعشر مباركه وكل عام وانتم بخير والله يتقبل منا ومنكم صالح الاعمال

**King** · 14-09-2009, 04:40 PM

طيب يالغلا ارجع صلح الأشياء إلي كانت من ضمن الخرابات !

ونصيحه روح اكثر من ورشه لأن قليل تحصل واحد فاهم بالشغل وراح تحصل ان المشكلة بسيطه

عشان ترتاح سوي كشف كامل على السيارة بالكمبيوتر وراح يبين لك كل شيء يبغاله تغييير ( روح مكان مضمون )

وبالتوفيق

**aBoFahD** · 14-09-2009, 04:50 PM

طيب تعرف لي مكان كويس ومضمون اروح له

الشباب هنا يمدحون ورشة الجنوب القى عندهم ميزان وكبس وخرط

يا ليت والله احد يدلني على ورشه مضمونه

**King** · 14-09-2009, 05:45 PM

فيه ورشة عند صناعية العروبة يمدحونها الشباب وهي حقت هوندا

كل الشباب يمدحونها وشغلهم مره ممتاز ولا عليهم اي مشاكل

بخصوص الكشف إذا تبي نصيحه دخلها الوكالة بس كشف فقط , لأن الكشف عندهم دقيق جدا ً يطلع لك الكبيرة والصغيرة

* وصف الورشة

المشاركة الأصلية كتبت بواسطة كوكو كورد

طريق العروبة وانت متجة غرب ( جهة مستشفى العيون )

بيجيك تقاطع تركي بن عبد العزيز الاول
اطلع يسار
بتجيك شارة رح سيدة وخلك ماسك اليمين (( على يمينك الان صناعية العروبة وفي رواية اخرى صناعية ام الحمام ))
وانت ماسك اليمين شف ثاني لفة (( للخدمة )) خش معها يمين ،،
وعلى طول بتلاقي ورش هوندا واضحة لك ... رح الورشة رقم (( 20 )) ..

شغل يد رخيص جداً ،، وهاوين الهوندا ،،