مفتاح الريموت للإكورد

**mohad42** · 13-09-2009, 11:25 AM

السلام عليكم ورحمة الله وبركاته
يأخوني الأعزاء اطلاعت على اكثر من موضوع عن سعر مفتاح الريموت للإكورد البعض قال قيمته في الوكالة 2500ريال والبعض الأخر قال 1200 ريال مع هذي الأسعار فكرت في موضوع طرحة واحد من الاخوان أنه في محل بالدمام يعطيك المفتاح 700 ريال مع القص بس حبيت أوضح للأخوان أني مريت والوكالة الموجودة في الرياض فرع طريق خريص وقالي موظف الأستقبال بقطع الغيار أن سعر المفتاح 769 ريال يعني انا مدري الحطو الأسعار السابقة عن علم ولا عن طريق التخمين أنا يأخوني انصح البعض قبل لا تروح لمحلات قطع الغيار مر الوكالة وشف القطعة بكم علشان الواحد يكون على بينه.
وجزاكم الله خير ومبارك عليكم العشر الأوخر من رمضان جعلني الله وإياكم من قام ليلة القدر .
وشكراً

**أبو الريش** · 13-09-2009, 12:42 PM

أحـسنت و جـزيت خـيرا

**King** · 13-09-2009, 01:16 PM

بارك الله فيك يالغالي

بس سؤال

هل سعر مفتاح الوكالة 769 ريال مع البرمجة والقص ولا بدون ؟

يعني شاملة كل شيء !

**mohad42** · 13-09-2009, 01:42 PM

انا سألت الموظف وقالي هذا السعر بس ابرجعله ثانية وأسأله عن البرمجة والقص ولكم مني جزيل الشكر على مروركم

**King** · 13-09-2009, 02:27 PM

ماتقصر طال عمرك , تعبناك معانا

**ABO-WeLen** · 13-09-2009, 03:20 PM

السلام عليكم ،

آخوي أنا عندي نفس المشكله ،

رحت للوكآله وقالي القطعه حقت الريموت بـ 750 ريآل
والبرمجـه بـ 100 ريآل

حبيت آفيدكم ،

تحيآتي

**ABO.YOUSEF** · 13-09-2009, 07:14 PM

مشكوور ع الفايدهـ الجميله

تقبل
مرووري
يا
الغلا
دمــتـ
بــ
ودّ
!!

**alimsg** · 14-09-2009, 05:40 AM

يا شيخ سواء كان 2500 أو 750 والله هذي الاسعار مبالغ فيها ومفروض يتقون الله في الناس ، يعني الرياض وجدة بكبرها مافيها الا فرعين للشركة بالنسبة للصيانة وفوق هذا يغلون الأسعار يعني أعور ويناقر .

**ماهمه** · 14-09-2009, 05:44 AM

لا هنت اخوي صدقت

**ي ح ق السـعوديـة 0 0 3** · 14-09-2009, 05:49 AM

يعطيييك العاافييية يالــغلا
بس برضو توو متش

**mohad42** · 14-09-2009, 10:25 AM

السلام عليكم ورحمة الله وبركاته
انا مريت الوكالة الي على طريق خريص وقال الموظف أن سعر المفتاح 769 ريال خام والبرمجة والقص 350 ريال يعني يطلع عليك المفتاح حوالي 1119 ريال هذا للأكورد 2008-2009 أما بنسبة للأكورد 2007 وما دون يكلف حوالي 1700 ريال

**mohad42** · 14-09-2009, 10:27 AM

تسلمون اخواني على مروركم

**اكورد026** · 15-09-2009, 04:45 AM

2007 ليش كذا غالي حبيتن

مو زي مفتاح 2008 و2009

طيب المحل الي بالدماام وينهـ الي يقول 700ريال

يرحم امك دلوني عليه حتى لو رساله على الخاص لان والله متبهذل من دون

رمووت وانا محتاجهـ

ودمتـ بودـ

صوماً مقبولاً .. وافطاراً شهياً

**ابو ظافر الشهري** · 15-09-2009, 05:24 AM

ياخوي انا في الدمام صراحه ما اعرف محلات بس عندنا في الخبر محل اسمه المقاطي
في الدوحه -الشارع التجاري
يقول الريموت مع القص والبرمجه ب 700 ريال واصلي

**ملك مملكة جدة** · 15-09-2009, 07:10 AM

انا لما سألت قبل سنتين قالوا لي بـ 1000 ريال

**ابوشاري** · 16-09-2009, 07:35 AM

السلام عليكم ورحمة الله وبركاته

اخواني عندي نفس المشكله من تسعة اشهر ضاع علي المفتاح الريموت في الحج
والى الان وانا اعاني من فك السياره بالمفتاح

ورحت سألت الشركه وقلولي سعر المفتاح الريموت سبعمائة وعليها بس ما اذكر وقلي القص تروح لمحل المفاتيح يقص لك المفتاح بـ100 ريال
وتجي للشركة يبرمج المفتاح على السياره بـ 50 ريال

والى الان وانا اجل الموضوع للشهر الجاي لان السعر غالي شوي

**المـــــلكـ اكـــــورد** · 16-09-2009, 07:42 AM

سعر مفتاح الاكورد -092008 يختلف عن الموديل القديم

القديم ب1500 ريال تقريبا

اما الجديد اذكر سألت عنه من فتره ب800 ريال

الشكل واحد لكن الشريحه مختلفه

اللي يبي مفتاح اصلي لاكورد 2003-2007 في محل في السليمانيه اسمه المفتاح.. يقص لك مفتاح نفس مفتاح الوكاله ب650 ريال
وفي عنده نوع صيني ب250 ريال