رجفة في السياره أكوورد 2008

[mohamed sale7]

السلام عليكم
هذه المشاركه الآولي لي معكم
انا شؤيت أكوورد 2008 من اسبوعين وبها رجفة بعد ال100 وسويت ترصيص ومازالت وقالي انها التواير وفي ناس قالو الاكس بس كشف عليه كويس ما فيه شئ وبعدين ناس قالو ممكن كراسي المكينه
يا ريت الافاده وشكرا

[7boob]

والله ما عندي خلفيه بالموضوع

بس بغيت اسألك الرجفه بالموتر وانت تسوق..؟؟
ولا يوم تضرب بريك ؟؟

[المباشر]

وعليكم السلام ورحمة الله وبركاته

بخصوص مشكلتك تحتاج واحد فنان بالميزان يفحصها ويتأكد اذا كان فيها شي تعبان ولا سليمه

ولكن حاول أنك تسوي ترصيص مرة ثانية عند محل أفضل من اللي سويت عنده

طبعآ ماقلت لك كذا الا لأنها صارت عندي قبل سويت ترصيص وللأسف كانت ترج معي السيارة وبعدها رصصت الكفرات مرة ثانية عند واحد يماني وضبطها لي تمام وراحت الرجة

قبل سواها هندي والتاير الواحد بـ 15 ريال وشغل تعبان

اليماني بـ 10 ريال وشغل ممتاز

وليله العيد سويت لها ترصيص بـ 100 ريال عند مركز بريللي مع النيتروجين 100 ريال والمجموع 200 ريال

ومافيها رجة والأمور تمام

طبعآ طولت عليك بس حبيت أوضح لك بعض التجارب :d اللي نسويها على مدار السنة

وان شاء يطلع عندك ترصيص بس وتستمتع بالأكورد والله يعطيك خيرها ويكفيك شرها يارب

[mohamed sale7]

مشكور علي الرد وانشاء الله اجرب الترصيص تاني وكانو نصحوني بالترصيص الالكتروني وانشاء الله خير

[mohamed sale7]

الرجفه ما احسها بالمكينه ولاكن احسها عند قدمي

[green devil]

هل الرجفه عند مسكك للبريك وانت فوق 100 .. اذا كذا تراها من الهبات صارت معي

الترصيص مهما كان الترصيص للكفر رايح فيها ما ترجج بقوووه .. بس جرب ورصص ترصيص في البنشر او اي محل كويس


وعلى فكره كراسي المكينه ما تطلع رجه .. موديل سيارتك 2008 موب 1910 .. علشان تفكر في كراسي مكينه ... ولا تنسى انها هووندا

[saalmalki]

السلام عليكم

اخوي انا انصحك ترصص بالوكاله بـ 120 ريال وشغل مضبوط
بس المشكله بتقعد السياره يوم عندهم

انا تجربتي اني رصصت مرتين عند العضيب ومعروف ميزان العضيب وشهو بالضبط ( يعتبر من افضل الورش) المهم زرفوني 240 ريال للمرتين
والثالثه بالوكاله بـ120 ريال وشغل اوكيه
طبعا الترصيص الي سويته في العضيب ترصيص ارضي

وهذي نصيحه انك لا تنغش من الورش المخيسه

[youngman]

السلام عليكم ورحمة الله وبركاته ،،

سيدي العزيز ما شاء الله الأخوان ما قصروا وأنا حاب أوضح كم نقطة معينة من خبرتي العملية :

إذا كانت الرجة بعد ما تتجاوز سرعة الـ 100 كم وتحس الدركسون يرج ولو رجة خفيفة فهذي مشكلة كفرات أو مشكلة ترصيص على الأرجح ..

أما إذا كانت السيارة ترج حتى وهي واقفة يعني مثلاً في إشارة فهذي مشكلة كراسي على الأرجح كمان ..

أما بالنسبة للوزن فما أنصح تعمله خارج الوكالة أبداً وتكلفته في حدود الـ 200 ريال عندهم فقط ، يعني مو ذاك الشي ، بس برضه ما أعتقد وإنت سيارتك جديدة إنك تحتاج للوزن في الوقت الحاضر إلا إذا كنت تاكل فيها مطبات ليل ونهار ;) ..

تمنياتي لك بالتوفيق ،،