بخصوص تركيب جنوط6 سلندر@وموعد نزول2010

**عــلاج** · 14-09-2009, 04:12 AM

مرحبا1000 بكل من دخل

الحقيقة وقعت على هالمنتدى من خلال بحثي عن سمعة الاكورد . . .

وأثاري محبين الاكورد كاشتين هنا وانا ما ادري:d

اخواني

أنا بإذن الله وبحول الله وقوته بشري اكورد 2010 والحقيقة ما ادري بالضبط متى بتنزل فياليت اللي عنده خبر يقولي

وبالنسبة للجنوط

أنا أن شريت إن شاء الله بشري 4 سلندر جنط 16 . . ومفكر أروح للغرابي وأركب جنط 6 سلندر لانه عاجبني مرة

لكن المشكلة أخشى يأثر هذا على وزنية وثبات السيارة. . لانه أنتم عارفين جنوط الغرابي مو أصلية مثل حقت الوكالة

فوش رايكم؟؟؟؟ ياليت اللي مجرب الشيء هذا يخبرني أو أي أحد عنده فكرة عن هالشيء يفيدني

**محجوب** · 14-09-2009, 04:18 AM

طيب وش رايك تحاول وتبحبح فلوسك شويتين وتاخذ لك 4 سلندر فل مخمل .. تفرق لك في الكشافات وطي المرايات ومراية تعتيم اوتوماتك و6 سيديهات وشاشة اكبر ومكيف الكتروني ومقابض كروم .. وبعد تجيك بالجنوط ال17 <<< نفس جنوط ال6 سلندر على قولتك ..

هذا رايي .. وان ما عجبك انا راح اجاوبك على استفسارك .. بالنسبة لي انا استخدمت جنوط تجارية على سيارتي اكثر من 3 سنوات وما اشتكيت منها .. اهم شي تشوف لك محل ترصيص كفرات محترم وبس ..

**احبك يالاكورد** · 14-09-2009, 04:51 AM

يا اخوي حياك ربي
بس والله ما تستاهل
يا شيخ والله ما ادري وش تحسبه زد على فوسك 6000 الاف وتجيك جنوط اللي تبيها والظاهر ان سعرها في الوكالة حدود ال4 الاف
خذلك فل وتجي مكيف باللمس مقعد كهرب 6 سيديات مرايا تقفلها كهرباء مرايا التعتيم تخشيب جنوط افضل مقابض الباب كشافات
اتمنى انك تتقبل نصيحتي عشان ماتندم

**سهم الوفاء** · 14-09-2009, 04:57 AM

نصيحتي ..

خذ لك فل مخمل وريح راسك

وأنت لا تاخذ إلا اللي ترتاح له مع أن الفل بفرق واجد عن السبشل

**عــلاج** · 14-09-2009, 05:11 AM

يا جماعة شوي شوي علي الله يرجكم والله انكم لحستوا مخي

اسمعوا يا اعزائي

انتم تتكلمون عن 2009

2010 على كلام الموضف اللي في الوكالة يقول يفرق بالسعر حولي 6000 تقريبيا في الفئة عن 2009

يعني على سبيل المثال الفل 95.900 بـ2010 بتكون فوق الميه هذا اللي فهمته

وأنا الحقيقة ما عندي هالمبلغ الجامد

والسبشل بتكون في حدود95000

هذي المشكلة

**غـيـر الـنـآس** · 14-09-2009, 05:31 AM

طيب ورآ مآتآخذ لك 2009 .. أصرف .. الموديل بتكشخ فيه سنه بعدين بيجيك 2011 .. أمآ هالميزآت والفروقآت بتستآنس فيهآ لين تبيعهآ أن شآء الله .. فـ أنآ من رآيي أنك تآخذ 2009

ولآ تنسى الأستخآره . .

**عــلاج** · 14-09-2009, 05:53 AM

أنا أباخذ 2010 إن شاء الله

لانه أنا ما أقدر أشري الآن ما أدري عن ضروفي خلال الشهرين الجايات يمكن انقبل في الكلية الامنية واتراجع عن شريتها. . .

لكن والله حرام 10000 بأكورد أحسها جامدة يعني على الاقل اصبر سنة ويمكن يتغير شكل الافالون واشري

وش رايكم تكفون والله محتار. . . وكلامكم في محله

**خفيف روح** · 14-09-2009, 06:11 AM

لالالا موحرم 10000 في الكور الكور شيخة اليباني

**s meedo s** · 14-09-2009, 06:13 AM

الافلون على ماسمعت راح يتغير شكلها اصبر اذا ما كنت مستعجل

ومعليش صراحه افلون ولا اكورد انا لو ماني مستعجل كان صبرت الين تنزل الافلون
وعلى العموم الله يعطيك خيرها ويكفيك شرها اي وحده تاخذها

موفق خير مقدما وان شاء الله تنقبل

**احبك يالاكورد** · 14-09-2009, 06:23 AM

يا شيخ اللي يقدر يدفع 95 الف
يمديه يزيد5 الاف
اما الافالون فسعرها حول 135 الف

**عــلاج** · 14-09-2009, 06:37 AM

أنا والله كان بودي أشري افالون لكن شكلها قديم من 2005 وهي بالشكل هذا وبيتغير شكلها قريب وأكيد بيكون سعرها ناري وخصوصا ان سعرها الآن أقل فئة104000سألت عنها قبل اسبوع

وهذا اللي مخليني أميل للاكورد أكثر

**mohad42** · 14-09-2009, 10:46 AM

السلام عليكم ورحمة الله وبركاته
أنا مقدر ازيد على كلام الأخوان عطوك العلم أما عن تغير شكل الهوندا الأكورد في 2010 ما راح تتغير ويمكن يكون التغيير في كبوس الظباب يعني 2009 و2008 في فتحة كبوس الظباب يمكن تركبها بعدين أما في 2010 ما راح تقدر تركبها لأنهم ألغو الفتحات بالصدام حسب إعلانهم في موقع الشركة اليابانية أما موعد نزول 2010 على حد علمي مريت الوكالة أمس قالو راح تنزل في نهاية شهر 11 أما الأفالون فسمت أنهم راح تتوقف وترجع الكراون وقيمتها تقريب 160000 أي راح يتنعم صاحب الأفالون 2009 لأنهم راح يقطعونها ويستبدلونها بالكراون وهذي القيمة غاليه مرة

**ممتع** · 14-09-2009, 03:18 PM

2010 حسب كلام مندوب مبيعات فرع خريص بالرياض راح تنزل بشهر 11 , من دون تحديد أول 11 ولا نهايته

صراحة مافيني أصبر شهرين , لانه محتاج سيارة مع بداية الدوام , والآوريون للحين برضه مانزلت

اغلب السيارات راح تنزل بعد العيد

**عــلاج** · 14-09-2009, 06:48 PM

أنا الحقيقة قررت إن شاء الله اني بشري فل 4 سلندر مخمل

لكن خسارة بـ2010 ما فيه فتحة لكشافات الضباب شكلها حلوو

أنا أكثر شي خايف منه تغير الهيكل في 2011 لان السيارة دافع فيها دم قلبي وبتقعد معاي ثمان سنوات وممكن عشر

**سهم الوفاء** · 15-09-2009, 04:57 AM

لا تنسى الاستخاره

والله يكتب لك اللي فيه الخير

**محجوب** · 15-09-2009, 06:22 AM

انا اشوف قرارك في محله .. وبالنسبة للتغيير عام 2011 لا تخاف التغيير ما حيكون جوهري مستحيل .. التغيير المتوقع كـ عادة هوندا في الشبك او الانوار الامامية والانوار الخلفية وبعض التفاصيل الصغيرة واحتمال تتغير الجنوط .. بس بشكل عام هو نفس الجيل ونفس الاكورد ..

بالنسبة لـ2010 وسالفة الكشافات .. المواصفات الامريكية تختلف عنّا وهم عندهم من 2008 الاكورد ما تجي بكشافات الا الـ6 سلندر يعني مواصفاتنا ما لها علاقة بالصور اللي شفتها في موقع هوندا الامريكي ..

**HMH007** · 15-09-2009, 09:09 AM

شوف اخوي انا سويت زيك جلو بس الجنوط من الوكاله بي 1620 والكفرات من شركة هانكوك بي 1640 اربع طبعن وتمام التمام السيارة اهدى وارسى من اول

**almaster** · 22-09-2009, 08:38 AM

طيب احسن رد سمعته بالموضوع اللي هو ردك :
أنا الحقيقة قررت إن شاء الله اني بشري فل 4 سلندر مخمل

أول شي أنا زيي زيك بس الفرق بيني وبينك (أبوي اللي رح يدفع الفلوس) هع هع ثاني شي أنا ما رح أشتري السيارة إلا لمى ينزل موديل 2010
عشان إذا طلع في موديل 2010 ميزة خوقاقية أشتريها على طول لكن إذا مافي فرق أو ميزة عادية رح أشتري موديل 2009 وأجيب الفل ستة سلندر وأكيد سعرها رح يكون نازل بما إنه نزل الموديل الجديد عشان كذه اصبببببببببببببببببببببببببببببر :o