صحيح يمكن فيها عين حط فيها قرآن او يمكن سوء استخدام السيارة
بخصوص المكيف يمكن تطفيها وتخلي المكيف شغال اذا انت واقف لا تخلي المكيف درجة 3 وفوق
السلام عليكم ورحمه الله وبركاته
انا عندي مشكله وهي ان المكيف مايشتغل مدري وش فيه ياليت تساعدوني بالردود والحلول لاني بصراحه بديت اطفش من الاكورد
كل ماجيت ابسوي سي فموتري يجي شي ثاني يخرب علي مثلا جيت بركب زنون وانا رايح بركب جاء واحد ودخل بابي الخلف والحمد لله على كل حال هذا مكتوب وصلحتها وبعدها ركبت الزنون وماتهنيت فيه يومين ولا البطاريه مخلصه وغيرت البطاريه وقعدت عليها 3 شهور ويوم جيت ابغى اظلل وانا عند الصراف مطفي السياره صرفت وجيت ابي اشغلها ماشتغلت وخليتها الين دريت انها من البطاريه وقلت يمكن من الزنون وفكيت الزنون بس كنت متحسف عليه وهذي المره كنت ناوي اني ادخلها التلميع وفي نفس اليوم اللي بدخلها التلميع عيا يشتغل المكيف:( والله انا بصراحه طفشت طفشت من الموتر
واكثر الناس يقولون فيه عين والاهل يقولون فيها عين يعني اكثر الناس يقولون فيها عين
وانا ماصدقت اقول يحسدوني عشان موديل 2004
ياليت تردون علي بسرعه لاني ان شاء الله ابغى ادخلها التلميع قبل العيد:(:(:(:(:(:(
صحيح يمكن فيها عين حط فيها قرآن او يمكن سوء استخدام السيارة
بخصوص المكيف يمكن تطفيها وتخلي المكيف شغال اذا انت واقف لا تخلي المكيف درجة 3 وفوق
بالنسبة للعين هي حق لكن كل شيء مكتوب يالحبيب وبلا وسوسة >>معصب
والمكيف الله يكون بعونك إذا هو يشتغل لكن مو كويس شيك على الفريون ومش حالك على حبتين " قوة الهواء "
وإذا ما يشتغل خير شر والله ما عندي خلفية لكن الشباب راح يفيدونك
إذا هي مسأله العين فأقره عليها سورة البقره والمعوذات << جايته عين بالسيارهـ ..
تحياتيـ)~
@اكورد وبس@.
حبيبي انا كان عندي مكيف الأكورد يشتغل شوي ثم يفصل , وأوقات ياخذ وقت ثم يشتغل شوي ويفصل رفع ضغطي
وطلع المشكله الدلكو خربان غيرته والحين ماشاء الله عليها ...
أحـــــسن حل انك تحــط أستكرر مـاشاء الله
اسف طولت عليكم
والحمد لله صلحت المكيف وطلع من قسام المكيف خربان والحمد لله على كل حال
والحين الله يعيني على الكفرات ومشكوورين على الردود والله يجزاكم خير وكل عام وانتم بخير
انشالله الشباب يفيدونك .. وبعدين تراا العين حق .. وهذا مو سبب يكرههك الاكورد..
عزيزي انا بقولك قصتي مع العين
شريت اكورد 2004 سبحان الله ما تهنيت فيها أبد ما قعدت معاي سبع شهور إلى ثمان وعلى طول بعتها ولما بعتها كأني شايل بلك من قلبي وارتحت منه
الموقف الاول/ مرة شريت شريط اغاني أول مرة اشغل فيها اغاني وأول ما شغلته بسيارة ومشيت وأدعس ولا قدامي شجرة مقصوصة وشقت علي الفيبر اللي تحت الصدام
الموقف الثاني/مرة كنت امشي ولا واحد يلف علي لفة شنيعة واضغط البريك على الآخر ما بيني وبينه ألا ملي لكن الحمد الله عدت ولو انه صادمني كان الرفرف كله رايح
الموقف الثالث/ مرة بدخل البايكة في بيتنا وكنت شاري أغراض وبدخلها بالريوس ولما دخلتها سبحان الله ربي صرف عيوني عن المراية اليمنى ويحك جنب الشنطة في الجدار حق البيت وكان الجدار خشن وانقشعت البوية . . وهذا الموقف كان توي شاري الموتر اذكر جاني الصياح لما شفتها
الموقف الرابع/ مرة كنت امشي ومريت من جنب جبل وفجئة واسمع صوت حصاته تطق التندة طقة قوية ما أدري من رماها ولا أدري من وين جت وانزل أشوف ألا فيه طعجه خفيفه والحمد الله ما جت على الفتحه ولا كان منكسرة
الموقف الخامس/ مرة كنت طالع من صراف حق سيارات وأنا اطلع منه ما دريت ألا وانا امشي على الرصيف ولما نزلت على الزفلت ويضرف الرصيف الموتر من تحت ضربة قوية شوي ويطيح قلبي معاه لكن الحمد الله ما صار شي
والمواقف كثيرة لكن هذا اللي أذكره
وفي الاخير بعتها وحطيت فلوسي با الاسهم ذيك الايام أيام ماكان مرتفع وراحت الفلوس مع السوق لا استفدت لا موتر ولا ربح من سوق الاسهم
واتوقع سبب العين كنت شاريها أول ما طلعت من الثانوي وقبل الجامعة كان عمري تقريبا18 واتذكر قال اللي كتبت عنده العقد في المعرض نادر جدا أحد يشري أكورد في هالسن. . والحمد الله على كل حال
بلالالالالالالالا عين بلا بطيخ
1 الصدمة هذا مقدر ومكتوب ومو اي واحد يسوي حادث يعني عين
2 البطارية هذا من الزينون لانه الزينون يستهلك استهلاك شديد
3 با النسبة للمكيف اعتقد ماشالله سيارتك 2004 يعني لها تقريبا خمس سنوات لازم تطلع مشكلة في المكيف مع كثرة الاستخدام
ولكن العين هو انك عندما تبي تصلح شي مايتصلح واذا صلحتها يخرب كما كان .........وشكرا والله يعطيك خيرها ويكفيك شر الحسود
يعطيكم العافيه على المرور
ويا اكورد وبس انا الحمد لله على كل حال بس انا اذا صلحت شي يخرب شي ثاني ويعطيكم العافيه على المرور
انا جتني عين وكانت معي كامري 2004 وايضا قبلها كورولا وقبلها كرسيدا
اكتشفت انه واحد من اخوياي وطلع الكل يدرون عنه انه عيان
اشتريت الحين 2007 وابعدتها عنه وابتعدت عنه والحمدلله ما جاني شي
العين حق ولو كان شيئا سابقا القدر لسبقته العين وهذا حديث عن الرسول
اقرأ عليها وانفث فيها ان شاء الله تكون تمام
اذا ما نفعت نصيحة بيعها
لانك راح تصرف عليها صرف مو طبيعي
قريبا اكيورا فخر صناعة هوندا الامريكية على هوندا العربية
اكيورا RLX 2013
نصيحة مني إذا طلبت أكثر من كذا بعها وفتك وخصوصا انك خراباتك غريبة
والله ما أكذب عليك سمعت عن قصص العين الكيثر وناس اعرفهم ومنهم اخوي صارت قدام عينه كان معاهم واحد با الاستراحة
يعطي عيون غير طبيعية يحلف با الله انك قد أخر رحلة طيارة بأكملها وتأذوا منه كثير لما طردوه من الاستراحة
القصص اللي سمعتها كثيرة وتكاد ما تصدق من شدتها . . . وأغلب السيارات اللي يكون فيها عين عموما يجيها خراب غريب ولا تقدر تصلحه ولا يعرف وش هو الخراب. . . أنا والله ما اخوفك بس والله هذا اللي اسمعه كثير . .وهي تجي من غير قصد من الشخص صاحب العين . . .
يعطيكم العافيه
والله انكم فرحتوني بردوكم
فديتكم ياعضاء نادي محبي هوندا
اول شي الحمدلله ان مشكلتك انحلت اخوي
ثانيا اللي خلاني ارد على الموضوع كلام بعض الاعضاء
اللي يقول ان اللي يحط القران في السياره بدعه !!
مين ذا اللي قال بدعه؟!!!!
ما اظن ان كلامك صحيح .. انت تعرف ايش يعني البدعه؟
هنا تكون بدعه في حاله واحده اذا كنت ميقن انك لو ما حطيت القران بالسياره راح يصير لك شي
هذي تعتبر بدعه
اما اذا حطيت القران لانك تحب ان يكون معاك قران بالسياره ما اشوف فيها شي
الثاني اللي يقول بلا عين بلا بطيخ .. حرام عليك
قال رسول الله صلى الله عليه وسلم ( إذا رأى أحدكم من نفسه أو ماله أو من أخيه ما يعجبه فليدع له بالبركة فإن العين حق )
وعن أبي أمامة بن سهل بن حنيف قال : مر عامر بن ربيعة بسهل بن حنيف وهو يغتسل فقال: لم أر كاليوم ولا جلد مخبأة ، فما لبث أن لبط به
فأتي به النبي صلى الله عليه وسلم فقيل له : أدرك سهلاً صريعاً قال : مَن تتهمون به ؟
قالوا : عامر بن ربيعة ، قال : علام يقتل أحدكم أخاه ؟ ! إذا رأى أحدكم من أخيه ما يعجبه
فليدع له بالبركة ، ثم دعا بماء فأمر عامراً أن يتوضأ فيغسل وجهه ويديه إلى المرفقين وركبتيه وداخلة إزاره وأمره أن يصب عليه )
ما يجوز احبتي الاستهزاء بالدين ... الكثير منا يتساهل بامور عظيمه
اسال الله لنا ولكم الثبات
وبارك الله فيكم
اخوكم
اولا انما الاعمال بالنيات
ثاني شي انا مااستهزءت بالدين رجاء لا تتفلسف عشان كلمة بلا عين بلا بطيخ افهم القصد قبل لا تحكم على الناس القصد نحن نؤمن ان العين حق ولكن القصد من كلمة بلا عين بلا بطيخ السبب انه الاشياء الذي ذكرها صاحب الموضوع ليست دليل على ان السيارة فيها عين ولازم نحسن الظن والقصد نبي نطمن صاحب الموضوع لكن انت كبرتها وتبي تزيد الطين بله الله يهديك وبعدين انا دعيت له بالبركة انت الله يهديك داخل ومنت فاهم شي الله يجزاك الخير
صحيحه الا حاديث الي ذكرتها لكن العين لها اسباب ولها احكام واذا لم تتوفر فيها الاسباب ننفي وجود العين
........وشكرا
مواقع النشر (المفضلة)