نصيحة مني أول ما تستلمها من الوكالة مباشرة شغل فيها سيدي سورة البقرة لأي قاريء يعجبك صوته. . عشان يتبارك الموتر إن شاء الله. . .وان حصل ما تشغل فيها اغاني افضلك

أنا والله العضيم شريت أكورد 2004 وكالة وقعدت حوالي ثلاث أو اربع شهور ما شغلت فيها أغاني <<طبعا هذا أيام الصبا والطيش ورحت ذاك اليوم وشريت راشد الماجد وشغلته . . والله العضيم شغلت الموتر وشغلت السيدي على طول وحركت أول ما مشيت يمكن متر واحد بس وأثر قدامي شجرة مقصوصة ولا شفتها واطاها مع الاسف وانزل أشوف يا الله اللي تحت الصدام انشق شق بسيط وتأثرت البوية وخليتها ما صلحتها لين بعتها . . شف كيف راحت البركة في الموتر بسبب هالاغاني

عاد ذيك السيارة ما قعدت معي يمكن الاثمان اشهر وبعتها جتني نفس منها وكرهتها كره ما يعلم بها الا رب العالمين مع انها كانت حلوه وشريتها عن قناعة لكن كم مرة بغيت اصدم فيها صدمات قوية لما كرهتها وبعتها . . والحمد الله على كل حال