تحذير من تلبيس الطاره الدركسون شوفو تجربتي

**أبو عبدالرحمن سلامي** · 15-09-2009, 10:49 AM

السلام عليكم ورحمة الله وبركاته

البعض منا يشتري سياره جديده ويحاول بذل الغالي والنفيس ليبقيها جديده فمنا من يذهب لمحل الزينه ويشتري تلبيسه للطاره او الدركسون ليبقيها سليمه من اشعة الشمس الحارقه وكذا قناع يوضع عى عصى القير ( كنه قناع صقر ) وفي قرارة نفسه انها تفيد سيارته .
لكن المفاجأه انها تزيد من الضرر .

التجربة .

شريت سياره وكان كل شي سليم وقلت ياولد نبي ندلع الموتر ونحافظ عليه والله وادق سلف واروح الغرابي واخذ لي تلبيسة دركسون عاديه اللي تجي بيج مع عودي يعني نبي نعطي السياره منظر ونحافظ عليها .
المهم بعد كم شهر تقريبا نقدر نقول 5 أشهر او اكثر مدري ما حسبت زين .
وقفت عند محل ونزلت الولد الله يصلحه نط على الطاره وقام يعظعظ فيها لين قطع التلبيسه وصار منظرها مشوه كنها عظات فار .
قلت ياولد لا جا الصبح بطلعها وركب جديده .
وهنا كانت المفاجاء يوم شلتها وياليتني ما شلتها الدركسون متاكل ويتفتت والنقشه اللي عليه ممسوحه اووووف كل هذا من التلبيسه مو معقول . بسرعة شلت تلبيسة القير ونفس الشي صار فيها شي بيسط الجلده فيها تسلخ .

التحليل .

تلبيسة الدركسون تعمل عازل بين للدركسون مما يتسبب في جفافه وتيبسه ومن ثم تفتته وخاصه اللي يجيك ثقيل يكتم الدعوه كلها .
ليش
انا اقولكم ليش يد الانسان بطبيعتها دايم تكون مدهنه والله يوم ظارب لك كبسه وبتلحق الدوام ما تغسل زين يوم كاشخ ومتدهن فازلين وكريمات وطالع الدهون هذي يستفيد منها الدركسون مما يبقيه رطب دائم حتى مع اشعة الشمس ما تاثر عليه
طبعا اللي صارلي عكس اللباس عمل كعازل جفف الدركسون وكذلك القير مما ادى الى تيبسه وتفتته .
( كنك ذاب لك سيكل في السطح وطقته الشموس لين تاكل جلدة المرتبه والباستيك ) نفس الشيئ :d

طبعا بعد ما شفت الدركسون ناشف مريت الصيدلية :d وشريت لي فازلين صغير ب4 ريال وعالجت الوضع دهنت فيه الدركسون وكم جزء في السياره كان ناشف وفعلا اثبت فعاليته وبتجربه مني .

الخلاصه .
ياشباب خل سيارتك عادي ولا توسوس وتركب تلبيسات وخرابيط خلها عادي .

تقبلو مروري .
اخوكم ابو عبدالرحمن

**المهاجر333** · 15-09-2009, 12:45 PM

يعطيك العافية ياأبوعبد الرحمن
صدق المثل اللي قال ( الشي زاد عن حده إنقلب ضدة )
مثل ماقلت أخوي خلها عادي

**عشقي هنادي** · 15-09-2009, 12:55 PM

الله يعطيك العافيه يالغالي ومشكور ع هالموضوع المهم

تقبل مروري

**هلالي (اكر)** · 15-09-2009, 01:08 PM

مشكوووور عالموضوع
افدتنا والله
ننتظر جديدك

**ظبياني 9656** · 15-09-2009, 01:10 PM

هههههههههههههههه

الصراحة ضحكتني فكرة الفازلين
خخخخخخخخ

**Legend KSA** · 15-09-2009, 02:14 PM

والله وانا اخوك ناوي اسوي تنجيد للطاره

ماهو تلبيسه

جلد جلد :d

وما ادري خوفي على كلامك تأثر

**jet** · 15-09-2009, 02:20 PM

اذا كانت الطاره جلد ينبغي عدم تلبيسها اما لو كانت عاديه مثل الاكورد سبيشل فتلبيس الدركسون يحافظ على حالتها وكاله مثل ما حصل معي لبست طارة كامري عاديه من غير جلد ووبدلتها يمكن مرتين ثلاث وبقيت حالة الطاره كالوكاله تماما هذا بعد خمس سنوات .

**أبو عبدالرحمن سلامي** · 15-09-2009, 04:59 PM

اشكر مروركم جميعا

تحياتي للجميع

**الـمـسـافـر** · 15-09-2009, 05:12 PM

يعطيك العافيه ابو عبدالرحمن

فعلا بعض الشباب تقول ان السياره بتعيش معه 80 سنه

لو يحصل له لبس المكينه :d

**R 7 a l** · 15-09-2009, 05:30 PM

اشكرك

الظاهر الفازلين في كل شي ينفع

بسال ينفع مع الاكل خخخخخخخخخخخ

**mr.camry** · 15-09-2009, 05:34 PM

يعطيكـ ربكـ الصحهـ والعافيهـ

**اكورد 2006 وبس** · 15-09-2009, 08:29 PM

بالعكس التلبيسة تحافظ على الدركسون من الحراراة فقط اذا كان ليس جلد
لكن اذا كان الدركسون جلد يفتفت ويعدم الدركسون

انا الدركسون ليس جلد وماشالله حاط تلبيسة 3 سنوات مافيه اي مشاكل لكن اذا كان جلد فيضر لان الدركسون الجلد حساس ...وشكرا

**slaitr** · 15-09-2009, 10:12 PM

يعطيك العافيه ابوعبدالرحمن
صدق الفازلين ذا شي عجيب
انا دهنت ربل البيبان والحين امشي بالموتر 160 وما يخش هوا
مع العلم اني قبل ما ادهن ربل البيبان كان يخش الهوا وانا ماشي 100

**أبو عبدالرحمن سلامي** · 16-09-2009, 03:47 AM

يعطيكم العافية جميعا
بالنسبة للاخوان اللي يقول التلبيسه على الجلد مشكله وعلى الطاره العاديه مافيها مشكله

انا سيارتي ستاندر دركسون عادي وهو اللي راح فيها . اتوقع النوعية اللي حاطها قويه ثقيل يعني وكتمت الحراره .

خلوه عايدي بدون شي وتعينون خير

**ملك مملكة جدة** · 16-09-2009, 04:32 AM

طيب يا طيب

انا اختلف معاك في الموضوع

انا ما عمري جربت هل خرابيط تلبيسة طارة وغيرها .. طول عمري اقول لو فيها خير كانوا ركبوها في اليابان

و بعدين مين قال انه التلبيسة تقشر الطارة ؟ سيارتي عليها اكياس على الطارة و طول عمري على كذا

و فيه ناس مكيسين ( بدون مبالغة ) كل شي في السيارة من الطبلون للطبلون و ما اشتكوا من شي ؟

و بعدين الهوندا في الطارات معروفة انها " زبالة " مع احرامي ..

اي واحد سيارتة نظيفة و جديدة يجرب يحط عطر على يده و يوقفها في الشمس وشوف وش يصير معاك ( انواع التقشير )

اعرف واحد عنده اكورد 2007 .. الطارة متقشرة كانه اكلها فار ؟ وهذا بيحط المضله و ما يحط عطر بيده و موسوس اكثر مني و منك

و بعدين بالنسبة للفازلين .. ياخوي حط كمان بودره اطفال ترا مره طيبة للديكور !

ترا فيه منتجات اسمها مقواير تحافظ على ديكور السيارة من الطبلون للطبلون .. و الدليل انه الشركة خبرتها في هذا المجال عبارة عن 108 سنوات بس ؟!

يعطيك العافية على التقرير

**حميد** · 16-09-2009, 06:13 AM

والله ياجماعه بالنسبه للموظوع ذا بصراحه علينا شمس اسمحولى الله يرحمنا برحمته تشقق الى مايتشقق؟

**alfariss** · 16-09-2009, 02:46 PM

وشلون يعني ... ادهن الطارة بفازلين واريح عمري

**حبيب هنادي** · 16-09-2009, 03:19 PM

’’,, معوضــــــ ,,’’

’’,,وانشاء اللهــــ استفادو الشباب من تجربتكـــــ,,’’

**ghazi** · 16-09-2009, 03:29 PM

يعطيك العافية

**أبو عبدالرحمن سلامي** · 16-09-2009, 08:54 PM

المشاركة الأصلية كتبت بواسطة ملك مملكة جدة

طيب يا طيب

المشاركة الأصلية كتبت بواسطة ملك مملكة جدة

و بعدين بالنسبة للفازلين .. ياخوي حط كمان بودره اطفال ترا مره طيبة للديكور !

يعطيك العافية على التقرير

الفازلينن منتج مشتق من البترول فلا تتعجب من اسمه وتقرنه بالبودره

انا كلامي كله عن تجربه واللي حاط لباس على الطاره وما يدري يفكه الحين ويشوف البلاوي اللي تحته .

ولما استخدمت فازلين عشان اعوض للطبلون شوي رطوبه من اثار تنشيف الشمس له .

وبالنسبه للفازلينن له فوائد كثيره مو بس تدهنه على يدك ووجهك . ( ادخل قوقل واكتب فوائد الفازلين ) .

تحياتي .

**ي ح ق السـعوديـة 0 0 3** · 17-09-2009, 06:52 AM

مشكوور عالنصييحة
تحياتي..

**s meedo s** · 17-09-2009, 07:40 AM

شكرا على النصيحه
شباب ترى الرجال حب يسوي خير وينصح اللي عجبته يتقبلها واللي ما عجبته رجاء لا يعلق

دمتم بحفظ الرحمن

**أبو عبدالرحمن سلامي** · 17-09-2009, 08:50 AM

المشاركة الأصلية كتبت بواسطة s meedo s

شكرا على النصيحه
شباب ترى الرجال حب يسوي خير وينصح اللي عجبته يتقبلها واللي ما عجبته رجاء لا يعلق

دمتم بحفظ الرحمن

بارك الله فيك

**أبوكرم** · 17-09-2009, 09:04 AM

تشكر على مشاركتك التجربة

-----------------------------
بالنسبة لتلبيسة الدركسون مو شرط إنها تعدم الطارة
أنا من يوم ما طلعت السيارة و أنا أستخدم تلبيسة الدركسون بس بشرط إنها تكون مبطنة بالإسفنج من الداخل
و هذي التلبيسة اللي أنا مركبها و الحمدلله ما واجهت معاها أي مشاكل بالعكس الدركسون قاعد زي ما هو و نفس الكلام بالنسبة لتلبيسة الجير

ما عليك من الكلام المكتوب (لا تدقق:d)

**أبو عبدالرحمن سلامي** · 17-09-2009, 05:25 PM

أبو كرم مشكور على الصوره
واللون رايق بس ملفت للنظر واللي عنده عيال زي بيلفت نظرهم ويمعطوه من اول يوم مافيه الا نتف .

والاسفنج اتوقع انه حلو للمحافظه على السياره اللي عندي مو اسفنج .

تحياتي