طيب ليه مافكرت في الهنكوك والدنلوب ممتازات
وحاول تاخذ شي تاريخه جديد تدفع فلوس وتاريخه قديم وش الفايده :(
السلامـ عليكم
كيف الحال وش اخـبـاركمـ
الموهم انا واخوي الهنادي راس مالي محتارين وش نركب كفرات
طبعا اليوم مريت اكثر من وكاله واكثر من محلات ودورت وسألت لكن مانستغني عنكم
اسعار الوكالات
1-ميشلان من الوكيل الجفاليـ سعر الكفر 500ريال تايلاندي يقولي زي حق الوكالهـ
2-برجيستون من الوكيل الطلائع الـ تورنزا gr80الحبه ب990 وبوتنزا ادريالين الحبه ب854
3- نوع من القحطاني ماريتايم فيدرير بس تايواني ماهضمتهـ الحبهـ ب350
4- جوديير من الوكيل مؤؤسه الراشد وصلتهم قبل مايقفلون قالي تقريبا السعر 700الواحد بس مو بالظبط
نجي للمحلات
حصلت جوديير نوعين نوع ب550ونوع ب650 ويقولي الافضل ابو 650 مافيه صوت
ميشلان اسعار المحلات اغلى من الوكيل
نجي لاهم نقطه بالموضوع حصلت عند محل برجستون تورنزا gr80نفس المقاس وكل حاجه ب630 ريال بس
بس المشكله يقولي انها صناعه 2008 اخر شهر مادري صدز ولا لا
الموهم وش اركب تقريبا محتار من الجوديير مدحها لي ولد خالتي وغيركذا ضمانها مدى الحياه ولو بركبها من وكالتها
او البرجستون تورنزا اللي بالمحل
ودي بالبرجستون بس خايف من تاريخ الصناعهـ فقط واتمنى تفيدوني
التعديل الأخير تم بواسطة momo ; 16-09-2009 الساعة 04:52 AM
طيب ليه مافكرت في الهنكوك والدنلوب ممتازات
وحاول تاخذ شي تاريخه جديد تدفع فلوس وتاريخه قديم وش الفايده :(
مشكور ع الرد ونشوف اراء الشباب
والله وانا اخوك إذا انا وانت متوهقين بنفس الوقت انا انصحك انك تبتعد عن التورانزا إلي بالمحل إلي تاريخها ٢٠٠٨ ،، 630 ريال احطها لي بكفر صيني صناعة 2009 ولا اركب صناعة 2008 صار لها سنه منتهيه ،، هذا شيء ،، الشيء الثاني انا رحت للغرابي حست فيه لين انقلب راسي ،، ابي تويو نفس مقاس الوكاله 225/50/17 ماحصلت حتى بوكالتها العامودي ،،،، رحت لم محل بشارع الغرابي الرئيسي ما ادري شنو اسمه بالضبط لكن حصلت عنده تويو ياباني ياباني بس المقاس مو نفس الوكالة ،، المقاس هو 225/55/17 يعني راح يكون ارفع شوي ،،، بس اقسم لك بالله ياهي لينه اوووووف ،، بس يالله ماكتب لنا نصيب ،،،، وسألته عن مقاسات الوكاله يقول لو بتطير وتوقع ماحصلت نفس مقاسات الوكاله تويو << ،،، اووووم التحطييم ،،،
فشكلي بدور على يوكو هاما النوع الجديد سمعت من بعض الناس انو فيه نوع منها مرررره حلو ولين ،،،، بس ياليت إلي يعرف في اليوكوهاما يدلنا على الزينه جعلني ما ابتسيه >>:d
واللهـ شكلي باخذ الجوديير
فيه نوع كل المحلات تمدحهـ لي
اليوم محصل تويو اشكال والوان نفس مقاس الوكالهـ
مخرج 14 فيه 9محلات الطيار وشلتها حصلت عند 3او4محلات منهمـ
الهنكوك وانا اخوك رخيص وحلو بس مايصلح حق راعي الخطوط الكثيره ،،، وانا راعي خطوط كثيره ،، ألا إذا كان اخوي momo ماهو راعي خطوط كثيره مثلي هذا شيء راجع له ،، وهنكوك وبالذات الجديد AA ,, والسرع W يعني السرعه مفتوحه ،،،، انا اتكلم عن الجديد وسعره تقريبا 480 ريال نفس مقاسات الوكاله 225/50/17 ..
اما الدنلوب <<<<<<<<<<<<<< فهاذا الكفر شااايله من رااسي خير شر ،، مثله مثل الميشلان عندي ،،،
بس حبيت اسألك اخوي >>> الأسم للبيع ،،، (بندر بن سعود ) ؟؟ :d من زمان ماجته قارورة ماء ،
أخوي أنا سامع إنه أفضل كفر يركب على الأكورد هو برجيستون
و الله يوفق الجميع
طيب يا شباب .. والبرجستون .. الادرينالين ؟؟؟
ليش ما آخدتوه .... الشباب يمدحونه هنا ي المنتدى .. وعن تجربه بعد ...
في هالموضوع ... بعد الاذن طبعا من صاحب الموضوع ...
http://www.hondaarabia.com/club/showthread.php?t=4892&highlight=%C8%D1%ED%CC%D3%CA %E6%E4+%C7%CF%D1%ED%E4%C7%E1%ED%E4
وبالتوفيق لكم يا شباااااااااب ..
اللي بالموضوع بـ850 حصلتها وعند محل عادي الوكاله بمرهم الصبح اشوف
واختها التورنزا بـ990 وين عايشيييييين
التعديل الأخير تم بواسطة momo ; 16-09-2009 الساعة 06:53 AM
انا اليوم ركبت مشلان مثل مقاس الوكالة ومن الجفالي بـ1750 اربع كفرات
مع كوبونات بـ200 ريال تأخذها كاش من الجفالي يعني بـ1550 ريال سعودي وتاريخا 2009 م
والحمد لله ممتازة ....
تحياتي : )
وش المقاس اللي ركبته ووش نوع الكفر بالظبط ؟؟
انا اخذت ميشلان بريمسي 16 60 205 الماني الصنع نفس مقاس الوكالة سعر الكفر الواحد 350 مع الكوبون حق رمضان لكل كفر يعطوك لاصق علية 50 ريال يعني لو اشتريت اربع كفرات تستبدل اربع لواصق ب 200 ريال
وماشالله غير الالماني والميشلان لا تدور ماشي معي ماشالله تبارك الله ومايحتاج امدحه
ياشباب البرجستون افضل نوع في الكفرات حسب خبرتي في اكتر من سيارة
ركبت قوديير اربع كفرات بـ2160 ريال وان شاء الله انها حلوه
مدحوها لي ناس واجد واممممم صناعتها الماني
مقاس
225-50-17
^^ الف الف مبرووك ،،، يعطيك من خيرها ويكفيك شرها ،،، بس انا وانا اخوك مابسك تسمع كلام الناس ،، اهم شيء ترتاح معها لو انها صينيه ،،
ادعي لي انا اني احصل كفرات لو كفرات سيكل :(
شوف يا الحبيب
انا ماقريت الاسعار بس صدقني مافي افضل من برجستون و دينلوب .. و الدليل الوكالة استخدمتها على سياراتها ، سعرها غالي بس ما اعتقد انه فيه اريح منها على الخط
و بعدين هذه كفرات يا حبيبي يعني مره وحدة تركب ، ولو جربت تبع ابو 900 ريال صدقني ما راح يجيب لك 200 ريال ..
يعني خذها من قاصرها و ركب الي جاك مع السيارة احسن و اضمن
مواقع النشر (المفضلة)