السلام عليكم ورحمة الله وبركاته
كيفكم جميعا
وكل عام وإنتم جميـــعا بألف خير على قدووم العيـــد
وألف مبرووووووك تمديد الإجازه
وأحس إني مسخن اليوم ومافيني قوه
اليوم ياجماعة الخير رحت الصناعية القديمه
كان عندي حديده في الصدم وقاعد يطلع صوت
المهم رحت ثبتها وقلي أخووي بما إننا في الصناعيه خلنا نفك دبة التلوث
قلك زين يلي ذكرتني
رحت لعند راعي شكمانات وقلت له بفك الدبه
قلي وقف السياره قلت له السعر ياطيب قلي 100ريال قلت ايــــش ,,الرجال يلي قبلك قلي بسويلك ياه بـ60ريال <<بيني وبينكم تراني فقاش بس لازم الواحد يلعب عليهم علشان ماينلعب عليه ويسرقونه
المهم قلي 80 قلت نوووو قلي 60 قلت اخذ لفه بالصناعيه وأرجع لك
رحت محل ثاني وقلت له نفس القصه قلي 60 قلت لو تطير ماأعطيك 60 المحل يلي قبلك أعطاني فيها 50
رحت محل رابع ونفس القصه المهم قلي 50 قلت 40 فك,, قلي يالله
ودخلت السياره وجلس يفك فيها يوم فكها واشغل السياره والصناعيه كلها ترج يوم ادعس بانزين المهم ركب لي ماصوره من عنده وقلت له يسوي لي حفره بالماصوره علشان تعطي صوت
وسواها وطلع صووووت رااااايق
والله الصوت يخطف الأذان من لحنه>>>يالبى الجمله بــس
طبعا هو علي بابا كان يبغى ياخذ الدبه حقت سيارتي بس على مين يابابا على ماما
اخذتها منه وهو مايدري خطه جهنميه مع اخووي
المهم وطلعت من عنده وأنا مروووووق لأبعد درجه
الملاحظات
الحراره خفت شخطتين
الصوت رواااااااااااااااااااااق
العزم مدري بس يانفسه أو أقوى بشوي
وصرت تشم ريحة دخان غبيه شوي بس موذاك الزوود

بس طلعت السياره والصوت كذا
لابق لها
وإن شاء الله بصورها لكم وبوريك كيف التعديل بس باقي شوي علشان يكمل تعديلها

الحين يلي يبي يرد لايجي ويقول اتقي الله بالدخان وخنقتنا ومدري وش
أنا الحمد لله أعرف ربي ومتقيه الحمد لله
بس ترى الدخان ماعلق على سيارتي شوف دخان المصانع والحرائق وكم واحد فاك الدبه والتدخين ووووووووو
ويعطيكم العافيه
ويلي يبي يفك ينتبه من الحراميه كان 100 وفكيته بـ40 وأدري لو رحت بعد محلات ممكن أفكها 30 أو 20 بس زي ماقلت لكم اليوم مسخن ومافيني قوه وماكان لي نفس أدوور بالصناعيه

تحياتي لجميع أعضاء المنتدى