شباب تكفون أبي فزعتكم ترا الصوت مسبب لي قلق
أخواني إعضاء المنتدى السلام عليكم ورحمة الله وبركاته:
هذي أول مشاركة لي في المنتدى أتمنى من الله لي ولك التوفيق وكل عام وأنتم بخير.
المشكلة عندي وأتمنى من الأخوان اللي عندهم خبره أو اللي مرة عليهم نفس المشكله إنهم يفيدوني.
سيارتي أكورد 2005 فل كامل ماشيه بس 130000وبأسمي من ومراعيها أكثر من نفسي حتى التشييك وتغيير الزيت في الوكالة حتى كفراتها شد بلد. بس صارت لي مشكلة وما قدرت أدخلها للوكاله علشان عندهم زحمه برمضان و واعدوني بعد العيد.
المشكلة هي صوت قوي ومزعج بالمكيف لما يشتغل بعد ما يفصل أقرب ما له (فففي) ووديتها لورشة الجنوب بالصناعيه القديمة وما عرفوا ووديتها لوشة المالكي وقال لي الكهربائي عثمان إنه بلف الثلاجة وغيره لي بـــ350 ريال شغل يد غير قيمة البلف 370 من الوكاله. طز المهم تصلح السيارة بس المشكلة الصوت طلع وبصراحة يا ناس يا هو العيد جاي وأنا ما ني عارف أسوق السيارة من الصوت وما لها داعي أمشي بدون مكيف بالعيد.
شباب تكفون أبي فزعتكم ترا الصوت مسبب لي قلق
اتوقع مشكلة الصوت عندك طالع من الكمبرسور
لكن اعرضها لورش متخصصه بالتكييف بالصناعية وشوف وش يقولون
ونصيحة افحص عند كذا واحد حتى تتأكد من العطل بالضبط
اذكر فيه ورش كثيرة اذا جيت مسجد العويضه لف يمين بإتجاه الغرب الى ان ينتهي الشارع وخذ يمين تحصل بهذا الشارع كذا ورشة لإصلاح مكيفات السيارات
بالتوفيق
مشكور أخوي المهندس على المرور بس تراني مريت على كذا واحد ورشه تعطيني راي
المهم رحت اليوم لورشة المالكي (المهندس عثمان) طبعا الرجال تعذر بإنه مسافر لمكة ووعدني بعد العيد
يعني الله يعيني على الاصوات ووجع الراس والقلب.
ولاتزال الهنادي تعاني؟؟؟؟؟؟؟؟
الصوت جوا السيارة ولا من برا
طيب اخوي انا مرت علي نفس المشكلة في جيب الوالد وانشاء الله تكون وهي صوت طقطقطق رحنا الوكاله وطلع من القطعة الي توزع تكيف الهواء خربانة فانت الحين حاول تغير وضع التهوية خله للارجل مثلا وشوف اذاكان فية تغير في الصوت .
بغير الوضع وإنشاء تصلح المشكلة وشكرآ أخوي أكورد-7118 على التفاعل السريع.
السام عليكم ورحمة الله وبركاته
اخوي انا عندي اكورد2004
وبصراحه يطلع لي صوت من عند الدرج (طووووط)
باستمرار خاصه اذا كان الجو حلو ا رطوبه او ماسك خط طويل في الليل لمن تجنب حق 5 دقايق يطلع الصوت طووووط يسكت وشوي طووووط
او لمن تلفلف كثير يعني المكيف اشتغل تمااااام بعد ساعه تقريبا
انا اتفحصت ورحت للشركه ودورت ودرت اليييييييييييين دخت
بس ابي حل لهذي المشكله وغير اللي قلي بلف وغيرت ومدري وغيرت
لكن طلع هذا الصوت طبيعي واللي قالي عليها واحد فلبيني يشتغل بهوندا بجده الفرع اللي في البلد
المهم قلي بالحرف الواحد انه هذا لمن يكون المكيف باااارد مره يبتدأ يصير تثلج
لكن فيه منظم او شي ناسي بالضبط لان هذا الكلام قبل 3 سنوات
المهم التثلج هذا لمن يصير ممكن يعطل المكيف ومايدفع الهواء
يكون شغال بس مافي دفع هواء
وهذي المكشله كنت اواجها بسوبارو 94
هذا المدفئ يشتغل سصير داخل المواصيرهواء زايد في بلف يطرد الهواء المتبخر
ولمن يطلع الهواء المطرود من دائره التكييف
يطلع لك الصوت طووووووط
وبهدها ياطويل العمر ماصرت ارتاح واحس المكيف مو تمام اذا ما طل لي هذا الصوت ههههههههههههه
للعلم في ملكات قليله من 2003 الى 2007 مايطلع لها هذا الصوت
وحتى الجديده يطلع هذا الصوت
على فكره طريقة تكيف الاكورد اشبه للمكيفات المركزيه في طريقة التبريدهههههههههههه ترا من جد
وان شاء الله اكون افدتك اخويه العزيز
قريبا اكيورا فخر صناعة هوندا الامريكية على هوندا العربية
اكيورا RLX 2013
الكمبيريسر عزيزي هـــو السبب
أنا عندي نفس الصوت سيارتي 2008
نفس الصوت يطلع عندي ولكن عند تغيير مستوى التبريد فقط.
أتوقع الصوت ما هو من الكمبرسر لأن الصوت جوا الطبلون علشان كذا حسيت إن كلام الكهربائي منطقي.
بصراحة ماني قادر أنتظر يوم السبت علشان أكشف على السيارة عند الوكالة والله يكفينا شر أسعارهم.
تم إدخال السيارة للوكالة أمس السبت وإنشاء الله راح أوافيكم بالعطل علشان باقي الأعضاء يستفيدون
دق علي المهندس وقال فيه مشكلة في الكتاوت والكويل ولازم يتغيرون بعدين يفحصونها مرة ثانيه علشان يتأكدون
يعني طلع كلام ورشة المالكي غلط وخلوني أغير بلف الثلاجة على غير سنع
بس إنشاء الله راح أورح لهم وأطبق في بطونهم وأرجع دراهمي منهم
العضو زوم 6
شكرآ على مرورك
وأبشرك وباقي الأعضاء أني طلعت السيارة أمس من الوكالة بعد ما غيرو الكويل والكتاوت حقت المكيف، طبعآ أنا أستغربت من كلام الوكالة زيك لما قالوا لي المشكلة في الكويل ولما سألتهم قال لي المهندس أصلآ أغلبها قطع المكيف في الطبلون وهذا هو السر في إنك تسمع الصوت من الطبلون.:d
طبعآ رحت لورشة المالكي وطالبت الكهربائي عثمان بقيمة التصليح الأولة (معطيني ضمان شهر إنه ما يطلع الصوت وفي حال طلع أجي وأخذ دراهمي).
والصوت في خلال 3 أيام طلع
طبعآ الرجال صرفني وقال ما راح أدفع إلا قيمة 250 ريال شغل اليد وراح أخصم قيمة تعبئة الفريون 100 ريال
رديت عليه ومن يعوضني عن قيمة البلف 370 ريال اللي غيرته وما فيه. بعدين صار يقلب وجه يمين ويسار وقال لي صديق تعال يوم الخميس شيل فلوس.
جوابه بصراحة ما عجبني وحمرت عليه العين لين أبو بكس علاطوووووووووول رجع الدراهم.
للمعلومية الوكالة ضمنوا لي السيارة ثلاث أشهر
ماخبرتنا كم كلفك الشغل في الوكالة ؟؟
كل التحية
مواقع النشر (المفضلة)