البطارية

**المهندس** · 18-09-2009, 06:37 AM

مرحبا اخواني الاعضاء المحترمين
اليوم كان عندي مشكلة بالبطارية من نوع اي سي دلكو والحقيقه لم اتوقع ان تكون المشكلة من البطارية نظراً لانها جديدة ولم تكمل خمسة اشهر
تاريخ التركيب كان في 3/5/2009 م واليوم 18/9/2009 م
الحاصل اني أطفئت السيارة وهي سليمة رجعت بعد حاولي ساعه ما اشتغلت شيكت على اصابع البطارية ممتازة اتوقعت ان البطارية هي المشكلة اشتريت بطارية جديدة من نوع اي سي دلكو وانا مضطر لتأخر الوقت من محل بنشر ركبتها اشتغلت على طول والحمد لله
سؤالي يا شباب :
هل من المعقول بطارية اي سي دلكو 60 امبير وعمر استخدامها اقل من خمس اشهر وتتلف بهذي السرعه ؟
وهل فيه احد حصلت معاه نفس المشكلة البطارية تتلف قبل ماتكمل حتى نصف عمرها ؟

**HONDA HAILL** · 18-09-2009, 06:42 AM

وعليكم السلآم ,,,
اسرع رد ,,,,هههه

ايه ممكن لان البطاريات خاصه الألكترونيه مالها وقت محدد يعني ممكن تشتريها اليوم تخرب عليك بعد اسبوع ..

وديها للضمان ,,,

بربـــ/

**turkijum** · 18-09-2009, 07:09 AM

عليك ببطارية يا ها سا اليابانية وتراها هي اللي تجي شد البلد
أما أي سي ديلكو ترا حتى أبو يمن اللي شارع الغرابي ما يمدحونها وعن تجربة شخصيه تراها زي قلتها.

**المباشر** · 18-09-2009, 07:28 AM

البطارية عليها ضمان كان رجعتها للي شريتها منه

والجديدة كان من الأفضل لو أنتظرت شوي وأخذتها من الوكيل علشان الضمان أفضل من البنشري

اي سي ديلكو عيبها وعمرها الأفتراضي 9 شهور ولكن ممكن تمشي معك الى سنه وممكن سنتين وومكن أكثر

أنت وحظك

لكن قرأت وكثير أعرفهم تخترب البطارية عندهم بعد سنة أو أقل

وأنا أبشرك عندي أشوف فيها خلل وقبل يومين جيت أشغل الا عداد البنزين والحرارة صار فيهم لعب خفيف وغير ملحوظ وعرفت انها البطارية بتروح فيها والحين كملت سنة بالضبط لأني ركبتها بمواقف الوكالة قبل سنة برمضان الماضي

خذ البطارية القديمة مع الفاتورة اذا موجودة وراجع الجميح يمكن يبدلها لك على الضمان وبعدها أعرض الطارية الجديدة للبيع بسعر حلو وتكون خففت من خسارتك شوي

**المباشر** · 18-09-2009, 07:34 AM

هذه البطارية الأصلية اللي تجي مع الاكورد من المصنع لموديلات 2007

صورة بطارية سيارتي قبل التغيير

**اكورد 2006 وبس** · 18-09-2009, 07:57 AM

شوف يمكن مركب زنون لانه يستهلك البطارية استهلاك شديد

**المهندس** · 18-09-2009, 08:46 AM

مرحبا اخواني واشكركم على تفاعلكم و ردودكم الطيبه

بالتأكيد راح اوديها للوكيل لانها لسه ما كملت 5 شهور لو اقل من سنه نقول معليش لكن المشكلة لو حصل لك كذا وانت بمكان لايوجد فيه من يساعدك او كان معك العائلة الكريمه وخصوصاً انك واثق من البطارية انها لسه جديدة
لو كنت أضفت على السيارة شي مثل الزينون نقول يمكن منه لكن السيارة والحمد لله على وكالتها نشوف الضمان وش يقولون
وربنا يوفق الجميع

تحياتي

**ملك مملكة جدة** · 18-09-2009, 08:01 PM

انا مركب 60 امبير و كل سنة اغير و لي سنتين على هذه الحال

بس الشهادة لله .. مافي احسن منها على سيارتي ، و الدليل انه السستم و الزنون و غير من اكسسوارات ماشاء الله شغالة زي العسل

بس اخر مره لما خيلت البطارية اكثر من سنة و رحت مشوار و يجت ابغى اشغل سمعت صوت ضربة ، نزلت اشيك لقيت العين تبع الاي سي ديلكو طايرة !

**ملك مملكة جدة** · 18-09-2009, 08:02 PM

المشاركة الأصلية كتبت بواسطة المباشر

هذه البطارية الأصلية اللي تجي مع الاكورد من المصنع لموديلات 2007

صورة بطارية سيارتي قبل التغيير

بس هذه البطارية ما تنفع بريال اذا انت مركب سستم و زنون و العيال :p

و مستحيل سيارتي تبقى وكالة علشان بطارية

**المباشر** · 18-09-2009, 08:21 PM

اي سي ديلكو هذا حدها سنة أو أقل ولازم تغيرها قبل ماتنكب عفشك بمكان مالك خلق تتعطل فيه

مثل واحد من الشباب << أبد كأني ماكنت معه :d البطارية قالو له تعبانه وطنش ويوم من الأيام توه داخل جسر البحرين رايح للمطار عنده رحلة ونزل للمسجد يصلي ورجع ويدق سلف ومالك أمل قالت السيارة هذا مكاني .. والحمدلله واحد سوا لنا أشتراك وياشيخ أول ماوصلنا المطار وانا اللي احوله واعطيه اغراضه واقوله مع السلامة بالمواقف مش فاضي اتوهق لأني انا اللي برجع بالموتر
وأول مارجع وبطارية جديدة على طول وأبشرك الموتر بعد مارجعت فيه ووقفته بمواقف الشركة اللي يشتغل فيها الرجال جينا أول مارجع ندق سلف وماعندك احد .. البطارية ماتت :p

وترى حتى البطارية اللي حطيت صورتها كملت سنة بس ويمكن أزود بشهر

**أكورد 1999** · 18-09-2009, 08:30 PM

اي سي ديلكو من أفضل البطاريات يلي مجربها
تتحمل بشكل عجيب وتعيش معاك

**accordyon** · 18-09-2009, 08:41 PM

سمعت معلومه عن اسي ديلكو ان بطارياتهم مجدده يعني ياخذون البطاريات
المستهلكه ويودونها المصنع ويعيدون تصنيعها

**المباشر** · 18-09-2009, 08:50 PM

^^^

شكلها كذا ولا ليش يشترونها العالم

**accord05** · 18-09-2009, 10:06 PM

بالنسبة لي اخذت بطارية من عند قطع غيار ونوع البطارية اي سي ديلكو وجلست معي تقريباً 10 شهور وجيت هذاك اليوم بداوم تقريبا 7 الصباح اشغل مافيه امل تشتغل رحت في سيارة واحد من اخواني ورجعت الظهر نمت وصحيت العصر فكيتها ورحت لمحل قطع الغيار وقلتله اخذت البطارية من عندك وماكملت سنه قالي اوك خلها هنا بكلم الشركة واذا جا بكرة تعال رحت وجيته اليوم الثاني وقال خذ هذي بدالها وغيرتها ولي الحين تقريباً 5 او 6 شهور والحمدالله تمام ..
القصد من السالفة الي فوق غيرها على الضمان وبس <<مشوار صح:d

**accordyon** · 19-09-2009, 12:15 AM

المشاركة الأصلية كتبت بواسطة المباشر

شكلها كذا ولا ليش يشترونها العالم

هذا الي خله الفار يلعب في عبي:d

**بلال العلمي** · 19-09-2009, 12:40 AM

المشاركة الأصلية كتبت بواسطة المهندس

مرحبا اخواني الاعضاء المحترمين
اليوم كان عندي مشكلة بالبطارية من نوع اي سي دلكو والحقيقه لم اتوقع ان تكون المشكلة من البطارية نظراً لانها جديدة ولم تكمل خمسة اشهر
تاريخ التركيب كان في 3/5/2009 م واليوم 18/9/2009 م
الحاصل اني أطفئت السيارة وهي سليمة رجعت بعد حاولي ساعه ما اشتغلت شيكت على اصابع البطارية ممتازة اتوقعت ان البطارية هي المشكلة اشتريت بطارية جديدة من نوع اي سي دلكو وانا مضطر لتأخر الوقت من محل بنشر ركبتها اشتغلت على طول والحمد لله
سؤالي يا شباب :
هل من المعقول بطارية اي سي دلكو 60 امبير وعمر استخدامها اقل من خمس اشهر وتتلف بهذي السرعه ؟
وهل فيه احد حصلت معاه نفس المشكلة البطارية تتلف قبل ماتكمل حتى نصف عمرها ؟

الان في التو واللحظة صار لي نفس اللي صار الحين قبل شوي جبت بطارية جديدة والبطارية ما لها 3 شهور

اللي بيصير كالاتي

بابدلها على الضمان وبعده بابيعها على محلات البطاريات بعد ما اخذ الجديدة وبابيعها ب 150 ريال

وانا قبل شوي شاريها ب 180 ريال

الخسارة فقط 30 ريال

الله يعوضني

**accord king of road** · 19-09-2009, 02:43 AM

طيب يا شباب الاكورد ما فيها علامه تدل انو البطاريه على وشك انها تنتهي او شي زي كدا
؟؟؟؟؟؟؟

**بلال العلمي** · 19-09-2009, 02:46 AM

الا على البطارية فتحة زجاجية صغيرة

اذا خضرا معناها تمام

واذا سودا يعني لازم تشحنها وانا ما انصح فيها

واذا بيضة او رمادية معناها بح خلاص خلصت

**GUCCI** · 19-09-2009, 04:35 AM

انا سيارتي مغير البطاريه في 29 /6
وخربت علي في رمضان!!!
اقل من ثلاث شهور!!!<<<اي سي دلكو
وخربت علي والسياره داخل البيت يعني ما في امل تشحنها!!!
جبت عامل لداخل البيت وغيرها
بعدها بأسبوعين مريت بنشر وقلت له تشتري البطاريه الخربانه قالي بعشر ريال!!واذا غيرتها ع الضمان بأشتريها 150 ريال...
وديتها الضمان وقالي هذي ما تتغير!!! لان اللون اسود...احنا ما نغير الا الي تكون احمر او ابيض وبعتها بعشر ريالات فقط:p
قالي يمكن المشكله من الدينمو لانها مو معقووله تخرب بالسرعه هذي!!مع اني ما ركبت لازينون ولاخرابيط ,, بس كشافات

**المباشر** · 19-09-2009, 07:03 AM

المشاركة الأصلية كتبت بواسطة accord king of road

طيب يا شباب الاكورد ما فيها علامه تدل انو البطاريه على وشك انها تنتهي او شي زي كدا
؟؟؟؟؟؟؟

اذا شفت عداد الحرارة والبنزين يلعبون وقتها أعرف ان البطارية في بداية تخريفها

وللتوضيح عداد البنزين مثلآ أول متدق سلف تشوفه يرجع شوي للخلف بشكل بسيط وبسرعه يرجع لمستواه الطبيعي

واذا البطارية قربت نهايتها راح تشوفهم يلعبون بشكل أوضح

واذا خلاص البطارية أنتهت ومامنها فايده راح تشوف لمبات الطبلون والعدادات تقطع عليك وترجع وتخرش بدون ماتشتغل السيارة وممكن تشتغل معك مره ولا مرتين وبعدها خلاص ماراح تشتغل

**بلال العلمي** · 19-09-2009, 09:57 PM

المشاركة الأصلية كتبت بواسطة المباشر

اذا شفت عداد الحرارة والبنزين يلعبون وقتها أعرف ان البطارية في بداية تخريفها

وللتوضيح عداد البنزين مثلآ أول متدق سلف تشوفه يرجع شوي للخلف بشكل بسيط وبسرعه يرجع لمستواه الطبيعي

واذا البطارية قربت نهايتها راح تشوفهم يلعبون بشكل أوضح

واذا خلاص البطارية أنتهت ومامنها فايده راح تشوف لمبات الطبلون والعدادات تقطع عليك وترجع وتخرش بدون ماتشتغل السيارة وممكن تشتغل معك مره ولا مرتين وبعدها خلاص ماراح تشتغل

انا ما كانت تسوي معي كذا على طول عبيت بنزين وجيت اشغل السيارة وعيت تشتغل ولا بان عليها اي شي غير قبلها حسيت بضعف في التشغيل مرة واحدة قبل ما تشتغل

**accord king of road** · 20-09-2009, 02:54 AM

يعطيكم العافيه ياشباب
مشكور اخ بلال والعضو المباشر ماقصرتو
بس ايش فايده علامه البطاريه في الطبلون اول ما تدق سلف

**بلال العلمي** · 20-09-2009, 11:12 AM

علامتها ان البطارية شغالة اذا خرب الدينمو يعني المفروض الطاقة الكاملة تاخذها السيارة من الدينمو والبطارية مساعدة لها بس لاجل الانوار وكذا لكن اذا خرب الدينمو تلقى لمبة البطارية شغالة

اذا اشتغلت لمبة البطارية طفي اللمبات والراديو وافصل شاحن الجوال وكذا تمشيك كم كيلو الين توصل المحطة لاجل تعالج المشكلة

**ahmed.h** · 20-09-2009, 11:57 AM

انا بانسبه لي ما اخذ لي بطارية اي سي دلكوا نهائيا يادوب تكمل سنه
وبالنسبه لبطارية الوكاله ماتنفع مع انها يابانيه >>اجل ايش اللي يعجبه

انا احب استخدم اي بطاريه بس بشرط انها تكون تتعبا يدوي
قولوا ليش ؟ <<<ايهب يالحكيم:p
لانك اذا مركب زونن واي اضافات الدينمو ما راح تقدر تتحملها قتاخذ جزء من كهربة البطاريه وشحن الدينمو للبطاريه يكون ضعيف وبكذا راح يقل عمر البطاريه
اما اللي تقدر تعبيها تقدر تشيك عليها كل 4 شهور واذا ناقصه موية البطاريه تشتري علبة مويه مفطره بـ 3 ريال
وتزودها مع ان النقص يكون قليل وبكذا تجلس معك البطاريه على الاقل 18 شهر
اما اذا اهملتها وما سويت لها صيانه اقل شيء تجلس معك 12 شهر
بس لاتاخذ اي بطاريه اي كلام يعني لازم ماركه وامبيرات اقوى من بطارية الوكاله
وان اضمن انك ماراح توهق نفسك ولا تتغلب مع النوع العادي >>>اشوفه واثق