الموضوع: الزنون عندي يعمي وش الحل؟

فك افضل عشان ما حد يدعي عليك

حتى انا عندي نفس المشكله ولا احد يقول فكه
ما فيه امل
وانا بكره بمشي للخرج ثم الحوطه ثم الشرقيه
يعني عطوني الحل اليوووم عشااان محد يدعي علي

المشاركة الأصلية كتبت بواسطة Honda*2008

حتى انا عندي نفس المشكله ولا احد يقول فكه
ما فيه امل
وانا بكره بمشي للخرج ثم الحوطه ثم الشرقيه
يعني عطوني الحل اليوووم عشااان محد يدعي علي

^^^ يمدحون نور الوكاله بالخط

تركيب الشمعه غلط لأن ابويمن يركب وبس كنه مركب شمعه الوكاله
بس شمعه الزينون لها تركيب معين
الظاهر اذا ماني غلطان تخلي السلك الي جمب الشمعه الي في نفس الشمعه
عسى عرفتوه ايه هذا تخليه لتحت مو متأكد بس جرب وشوف واذا مانفع
خليه لفوق يعني ياتحت يافوق :d

^^^^

وش دراك ان ابو يمن هو اللي مركب الزنون

اشوفكم قـادحين لبو يمن بهالمنتـدى
صح ان عليهم طلعات بايخه بس ماهو بكلهم

:d

اخوي xxxsalhxxx

الحل انك تركب صاجات عاكسه عشان النور يكون بمستوى واحد ومايعمي اللي قدامك

واذا انت بالرياض فيه محل خاص بالزينون يركبها لك والله نسيت اسم المحل بس راعي المحل اسمه خالد وترى راعي المحل سعودي وكهربائي على مستوى يعني شغله مضمون 100%

واذا تبي وصف المحل :

مكان المحل على شارع الهيئه بالبديعه قبل اسواق الرياض الدولي

ان شاءالله يكون الوصف واضح :d


دمت بود

المشاركة الأصلية كتبت بواسطة الهنادي راس مــالــي

^^^ يمدحون نور الوكاله بالخط

اسمحلي مره ضعيف صراحه ومستواه واطي على الاخر حتى لو رفعته من جنب الدركسون

بصراحة اخوي انا ماركبت زينون بس لي خويان مركبين في كوبيه وفي سيدان بس الزينون تمام ما يعمي ويعطي منظر ماشالله جدا رائع
بس يمكن زي ما افادوك الاخوان يمكن مركب غلط او إن النوع هذا نوره كاشح لفوق لأن لمبة الزنون نفسها يجي فيها عاكس والمفروض ان النور ما يضرب لفوق
وانشالله لي رد ثاني بعد ما اسأل خوياني عن نوع الزنون اللي مركبينه

لك كل تحياتي
وكل عام وانتم بخير

المشاركة الأصلية كتبت بواسطة ملك مملكة جدة

لا ولاهي حل :d


روح يا ابو الشباب و اوزن النور قدام اي جدار من وزنية الكبوت و خلصنا

نفس المشكلة كانت عند صاحبي راعي كامري 2003 .. و تعرف كرستال الكامري ولا شي جنبة كرستال الاكورد

المهم ..

سوي الي قلت لك عليه و سلامتك

بعد اذن صاحب الموضوع
طيب ممكن تعلمني الله لا يهينك طريقه ومكان وزن النور من الكبوت

الحل الأمثل طال عمرك
لمن تمشي أنت بالأكورد وأخوك بالجمس
خليه هو الي وراك (^_^)

يارجال ربع العالم مركبه زنون , والكوري مهو مزعج بالشكل الي ذكرته

عليكم السلام والرحمه
اخوي انا قبل شهر كان عندي نفس مشكلتك

بس واحد من الشباب ما قصر

اخذ سيارتي ووقفها قدام جدار وقعد يفر ويحرك بالشمعه حقت الزينون

لين صار خط واحد مو كاشح زي اول

المشكله من تركيبة الشمعه تبع الزينون

شف لك محل معروف بتركيب الزينون
وخله يوزنه لك

ترا حاجه بسيطه مو مكلفه

بالتوفيق اخوي