شبـآب هل انا موسوس ؟! او وش السالفه !!

**اكوردات** · 20-09-2009, 11:19 PM

السلام عليكم !

ادري غثيتكم بالمواضيع لكن يعلم الله ان سببي بشراء هوندا انتم

ومرتاح جدا لا اصوات طقطقه ولا حذف ولاهم يحزنون والحمدلله ياربي

لكن انا الموتر دايم في البايكه = الجراش :d

ومااطلع به الا الليل بس ,, او بعض المشاوير الخاصه !

المهم اني كل يوم اجلس اناظر الموتر وادقق فيها :( وكل يوم اكتشف خدش جديد حجمه صغير جدا

ملي في ملي او بكسل في بكسل كبر قشرة الراس يعني او خط صغير جدا مايتعدا الـ 25. سم يعني ربع او اقل

اللون عنـآبي ,,

فمـآ ادري هالشي طبيعي :( او انا موسوس اكثر من اللزوم لدرجه اني افكر ارش الموتر بسبب هالنقاط :( لحد يقولي لزق الوكاله لانه مب لزق هذا :(

قالوا لي الاخوان سو تلميع لكن ماادري وين اسوي تلميع فيه مع العلم اني بجنوب الرياض فـ وش اقرب محل تلميع وبكم راح يكلفني , , وكم المده !؟

او اني مااسوي وهذا الشي طبيعي مع العلم اني منغبن وشايل هم هالنقيطات :(

فـ شوركم اخواني

ولا تزعلون علينا ان كثرنا مواضيع : ) ومشاكل وعورنـآ روسكم لبى قلوبكم :o

وكل عـام وانتم بخير :o

**King** · 20-09-2009, 11:36 PM

تقدر تاخذ رقم لون السيارة سواء كان اسود او لؤلؤي او اي لون كان

روح عند محل البويه وقله ابي هذا اللون << طبعا ً يكون معاك رقم اللون

خذ لك شوي مره بمقدار كأس ماء , لأنك ماراح تحتاجها كلها ونقط على مكان النقطة ولا تلميع ولا شيء , الشغلة كلها ماراح تاخذ اكثر من 50 ريال << حتى اقل لكن ماعندي علم بالسعر مجرد توقع لأن الشغله ماتستاهل ولا تكلف

التلميع راح يكلفك مبلغ وقدرة على شيء صغير ولا هو واضح

وإذا تبي رايي خلها وطنش بما انها مو واضحه , ولا روح الوكالة ينقطها لك بعد ماتغير الزيت او تدخلها صيانة

**اكوردات** · 20-09-2009, 11:49 PM

طيب ياااخوي كنق بالنسبه للتنقيط هل راح يوضح انها منقطه يعني تبان او لا !؟

لان السياره بوديها تشييك الـ الف كيلو ,, وبقولهم عن هالمشكله انا خايف التنقيط تصير واضحه !!

وبالنسبه على طاري الصيانه صيانة الالف كيلو راح يطول الموتر عندهم او لآ ؟!

**م ج رد حلم** · 20-09-2009, 11:56 PM

المشاركة الأصلية كتبت بواسطة اكوردات

طيب ياااخوي كنق بالنسبه للتنقيط هل راح يوضح انها منقطه يعني تبان او لا !؟

لان السياره بوديها تشييك الـ الف كيلو ,, وبقولهم عن هالمشكله انا خايف التنقيط تصير واضحه !!

وبالنسبه على طاري الصيانه صيانة الالف كيلو راح يطول الموتر عندهم او لآ ؟!

لاتدقق معي لون عنابي

مشكله اللون يتوسخ سريع واي شي يبين فيه

وللمعلوميه كنت زيك بس مع الاياام خلاااص ماصرت ادقق:p

وكل عام وانت بخير

**اكوردات** · 21-09-2009, 12:01 AM

8

يعني يااخوي مجرد حلم

المشكله هذي طبيعيه بحكم اللون !! ؟

وللمعلوميه المخوش صغيره ماتبان الا لين يدقق الواحد في مكان االمخش او النقطه

**المهاجر333** · 21-09-2009, 12:03 AM

أخوي اكوردات كل عام وأنت بخير
نصيحتي أنك تخليها لاتنقط أبد في البويه يمكن تكون واضحة وبعدين تتحسف
قبل كل شي جرب التلميع يكون أفضل من البويه
ولاتوسوس كثيير تراك بتتعب
الله يعطيك خيرها ويكفيك شرها

وشكراً

**م ج رد حلم** · 21-09-2009, 12:04 AM

ايوة زي النقط الصغيره مره ولونها ابيض وماتبان الا لما تدقق

يارجال طنش تعش تنتعش

**اكوردات** · 21-09-2009, 12:05 AM

8

ايه اخوي مجرد نفس مشكلتي انت

يعني تهقى اسحب سيفون ولا انغبن :( !؟

الله يعطيك العافيه اخوي المهاجر

لا التنقيط شلتها من راسي

الحين بشوف التلميع كيف ووش نظامه وكم راح يكلف وكم المده !!

وهل فيه محل تلميع بجنوب الرياض كويس ! ؟

**memories** · 21-09-2009, 12:10 AM

يارااااجل من جد تتكلم انت

انا عندي نفس الحكايه وصحيح تزعل بس مين راح يدقق

ياخي انساها ولا تفكر فيها وصدقني مافي احد راح ينتبه

شكرا

**م ج رد حلم** · 21-09-2009, 12:12 AM

والله براحتك

بس انا اقولك انا من ثاني اسبوع لاحظتها وانقهرت

والسيارة معي من عشره شهور وان شاء الله بعد شهرين بدخلها التلميع

تحياااتي

**المهاجر333** · 21-09-2009, 12:16 AM

اكوردات للأسف جنوب الرياض ماعندي خلفية
ولاكن شرق الرياض ممكن تحصلهم عند معارض النسيم
بس تراني ماجربتهم

**kakashi-san** · 21-09-2009, 01:13 AM

وعليكم السلام ،

الله يهديك يا عبد العزيز ، كل اشوي طالع لنا بسالفة وسوسه ، :d

يا ابن الحلال ترى السيارة ما فيها الا كل عافية ،

وللمعلومية ، اذا كل اشوي بتقعد تدقق فيها ، مثل واحد من الشباب كل اشوي مدقق فيها ومدري وشو ، وفي الاخير حادث ، الله يبعدنا عن الحوادث ..

انت بس حافظ على السيارة من تنظيفها شبه يومي ..

تلميع كل شهرين بالبيت او كل 6 شهور في محل تلميع ..

صيانة الـ 1000 كيلو ، تاخذ بالكثير 20 دقيقة ،

تدخل لهم ، وتتكي داخل عندهم بالصالة ، وكابتشينو وقهوة ، اللي تبي ، إلى أن تخلّص سيارتك :d

والله يطعمك من خيرها ويكفيك من شرها ..

**Pink Dream** · 21-09-2009, 01:15 AM

لايكون السبب من الغسيل !!!

لايكون تخلي الي معاهم مناشف لونها اسود يمسحولك سيارتك !!

لايكون تخليهم يمسحولك سيارتك وهيا بغبرتها والتراب عليها !!

لايكون تغسلها بفيري (مزيل الدهووون .. فيري يدووووم ويدوووووم :d)

لو كان كل ذا صحيح ..

اجل ذا السبب الي يطلع هالمخوش والنقيطات الي تقول عليها ..

عموما انا ماانصحك تشتري بويا وتنقطها ابدا ابدا ..

الوكاله تعملك تلقيط مجانا ..

بس ...

راح تتشوه مررررره ..

ياكثر محلات التلمييع في البلد ...

ياكثر منتجات التلميع الي تخفيلك ابو المخووش ..

لاتكدر خاطرك وتزعل دامها مو واضحه ..

وكل عام وانت بخير

تقبل مروري

**King** · 21-09-2009, 01:36 AM

http://www.hondaarabia.com/club/show...857#post286857

**accord05** · 21-09-2009, 02:28 AM

مابتحب سيارتك اكثر مني بتقول سيارتك قديمة بس اخذتها مثل ما اخذتها انت واتعبتني لكن وش اسوي احبها والله لو تشوف كيف صارت البوية ان تحب يدك بطن وظهر وتقول الحمد الله الي عافا سيارتي مما ابتلا سيارة accord05 :d..
رح غسل سيارتك ودها لاي محل يحط لك حماية على البوية ولمعها من سنة لسنة وسالفة تغيير البوية شلها من راسك فكر بعد 6 او 7 سنوات ..

**ملك الظـلام** · 21-09-2009, 03:10 AM

وش سالفتك ياخووي

تراا محد راح يدخل خشتة في بدي سيارتك ويشوف اذا فية شي ولا لا !!!

عاادية جدا جدا

ووســـع صـــدرك

**اكورد 2006 وبس** · 21-09-2009, 08:55 AM

نصيحة لاتنقط عليها وديها محل تلميع انشالله يزبطولك اياها ولكن بالنسبة للتنقيط اذا قعدت على هذي الحالة بعد 3 سنوات بتكره السيارة لانه بتشوها بالتنقيط روح محل تلميع انشالله ومالك الا الي يرضيك لانه اللون العنابي حساس وخاصة بسبب الخرقة والفيري ولا تمسحها بالخرقة والسيارة فيها تراب ولكن غسل السيارة بالمياه اذا التراب راح مسحها

**HussaiNoo** · 21-09-2009, 12:12 PM

تراك وايد موسوس .. والوسوسة مو زينة .. استانس بسيارتك وبلاش تعور قلبك على شيء ماله داعي

**اكوردات** · 21-09-2009, 02:15 PM

الله يعطيكم العافيه شبـآب ,, !

انا السياره غسلتها مره وحده بس

وغسلتها بمغسله كويسه لكن ماادري وش كانوا يحطون فيري او مب فيري !

لكن رشوا السياره بالمويه اول بالرشاش القوي بعدين مسحوهاـآ ,,

والله يعطيكم العافيه وراح ادور لي محل تلميع !

ولا هنتـوآ