الموضوع: مالفرق في قيادة اكورد v6 واكورد 4 سلندر

اخي الحبيب بلال الف شكر على ردك .. لكن اتكلم عن القومة الطبيعية والثبات والهدوء بين السيارتين الى سرعة 100 كيلو
بارك الله فيك

الف شكر اخوي accord 764 على ردك الجميل.. طيب ليه الفرق اذا 6 سلندر اصلا ما يشتغل منها الا 3 او اربعة اذا ما كان فيها دعس المفروض تكون السيارتين متشابهين مثل ما قال الاخ بلال .
انا كنت باخذ 6 سلندر بس اذا ماكان فيه فرق راح اخذ 4 سلندر لاني مو راعي دعس ومقاومات , بس احب ان السيارة تكون هاديه والقير مرتاح والانطلاقه مريحة وخفيفة ,
وسامحوني احس اني غثيتكم

كل عام وانت بخير يا night
انا اوافق اخونا accord 764 بس بالخط انا سابق جيب الدودج 6 سلندر متوازيين على خط الدمام والخبر من بعد سرعة 100 الى سرعة 190 ماقدر يتعداني إلا بعد ما ثبت السرعة على 190 يعني لو كملت كان زي ماهو وشكرا

كل عام وانت بخير اخوي obood
والله محتار مو عارف ارسي على بر.. الله يعين
اشكرك واشكر الجميع على تفاعلهم معي ,يعطيكم الف عافية

انا معايا سته وقبل لا خذها جربت و سقت الاربعه اقووولك لو معااك فلوس السته خذها بدون تردد

السلام عليكم

انا كانت عندي موديل 2004 .. 4 سلندر

يوم نزلت ال 2008 .. سقت ال 4 سلندر وحسيت انها اثقل من ال 2004

ونسيت السياره وبعدها ب سنة .. فكرت اغير سيارتي

رحت الوكاله وكنت ناوي اشتري 4 سلندر .. فل اوبشن

قلت حق الريال في الوكاله ابغي اجرب السياره مرة ثانية .. عشان اتاكد من كل شيء واخاف اخذها وما تعيبني

عطوني الوكاله السيدان 6 سلندر ..

والله من سقتها بس 2 الى 3 كيلو .. رديت الوكاله وغيرت رايي عن ال 4 سلندر ... وحجزت ال 6 سلندر علطول



بس بعدين ترددت بين السيدان والكوبية

ووقع اختياري على الكوبية في اخر 5 دقايق لووووول

حتى لدرجة اني كنت رايح الوكالة وانا محتار بين الكوبية والسيدان

والحمدلله الحمدلله الحمدلله اني خذت الكوبية ,,, لانها صدق مميزة عن السيدان ( اسف يا اصحاب السيدان بس هذي هي الحقيقة والكل اللي اعرفه يعترف بهالشيء ) :d

Mr-AlJoKeR
يعطيك خيرها ويكفيك شرها ان شاء الله .. مرورك افادني الله يوفقك
تحياتي لك

اول فرق راح تحسه صوت المكينة .. 6 سلندر اهدئ من الـ 4

صرفية البنزين اقل بالستة .. خصووصا بخطوط السفر

المشاركة الأصلية كتبت بواسطة بلال العلمي

صرفية الستة سلندر اقل من الاربع سلندر والستة سلندر مرعبة القوة لدرجة انها تطفش الاوريون شوي

متأكد

قوة الاوريون ع الداينو 209 .. وقوة الاكورد 6 سلندر ع الداينو 188

فرق كبير يدل على قوة و تطور جير الاوريون ذو 6 سرعات مع خاصية التحكم الرياضي ;)

^
^
أتمنا يوقف موضوع الأريون ألين هنا
أتنو غلطو على الأريون وقلتو أن الأكورد تطفشها , وهو قالكم أنها أقوى
1 - 1
وأنتهينا

.

خيو صاحب الموضوع
لو معك سيوله ونفسك بأكورد
أفضلك الـ 6 سلندر
روح بس شغل الأربع وشغل السته , يعني لا تسوق حتى :d , وشوف الفرق في بداية التشغيل (^_^)

*&&&&&&&&&&*
!
اللي أشوفه

إن الموضوع عبآرة عن مقآرنه بين الأكورد الـ 6 سلندر و الـ 4 سلندر

والأخو سأل عن هالأشيآء بس :

لله لايهينكم شباب اللي مجرب يعطيني رايه في الفرق بينهم في قومة السيارة وثباتها
واذا كنت ماشي بطريقه عادية يعني بدون دعس الى سرعة 100 هل تفرق في السيارتين
والف شكر لكم

طبعآ الأفضل هي الـ 6 سلندر أكيد

ولكـن دآمك تحس إن سوآقتكـ هآدية ؛ ومنت رآعي دعس ؛ حرآم تآخذ لكـ 6 سلندر ع الفاضي

ولكـن ؛ السته سلندر تتفوق من نآحية القوة عن الـ 4 بمرآحل

وصدقني ؛ كل من أخذ له 4 سلندر و هو بمقدوره يآخذ الـ 6 سلندر ؛ تحسّف ...!

إنت و فلوسك

عندك حق 6 لا تحرم نفسك

, بس احب ان السيارة تكون هاديه والقير مرتاح والانطلاقه مريحة وخفيفة

عن تجربة ؛ الـ 4 سلندر ( بالقومه ) ثقيل ... يعني لازم تشد عليه شوي

لكن اتكلم عن القومة الطبيعية والثبات والهدوء بين السيارتين الى سرعة 100 كيلو

من نآحية الثبآت ؛ مآتفرق

الهدوء من نآحية الهوآء : صوت الهوآ نفسه

الهدوء من نآحية المحرّك : تتفوق الـ 6 سلندر وبقوة ;)

الــ 6 الافضل في كل شي طبعا...

وقومتها خفيفه وروعه ..

اذا فلوسك تكف توكل على الله وخذ لك 6...

السته افضل بس اذا انت متوسط الحال وتهمك الفلوس في البيع الاربعه افضل اقولك كل السيارات تماتيك اربعه سرندل قومتها مره ضعيفه الا اذا كنت هادي جدا تصلح لك وفي المعارض يرغبون اربعه سرندل اكثر من سته تحصل اسعارهم متقاربه جدا عكس الوكاله

واللهـــ لو معاي فلوســ أخذ ستهـ بدونــ ما أشاور احد

شفــ اذا أخذتـــ 4 يمكنــ تندمــ

اما اذا أخذتــ 6 ما راح تندمــ عشان ما فيهــ شي يندمـ عليهـ

لا تنسى ان الستهــ فيهاا :

زنونــ متعوب عليهـــ ورايقــ ويفتح الصدر

مكيف خلفيـــ

رشاش مويهــ يجيك تحت الشمعهـ الاماميهـــ

شكمانينــ تعطيك شلكــ حلووو

عزمــ وقويهــ وراسيهــ وصوتهاا هادي

وصرفية البانزين أقلــ من الاربعهــ بسبب النضام الجديد

6 افضل

اانا والله اتمنى تكون معي 6 بس خلاص راحت علي

Silver Aurion-AL_ADMIRAL-بلال العلمي-Mr.CaR-الهنادي معشوقتي-ابشر طال عمرك-حبيب هنادي-م ج رد حلم

الف مليون شكر لكم جميعا ما قصرتوا اخواني عسى الله يكتب لكم الخير ويرزقكم من واسع فضله , افدتوني كثير بمروركم وردودكم,
طيب عندي تساؤل :o: اذا كانت الكفة لصالح 6 سلندر اذاً النظام المزود فيه هذا المحرك وهو 3 4 6 سلندر ماله اي تاثير على حركة المكينه وعزمها وهدوئها .
احس اني بتصفق :d

طبعا ماله اي تأثير ..

هذا كومبيوتر(VCM®) بمجرد انك تدعس ع البنزين يفتح معاك ويشغل كامل اللسلندرات ..

لكن مثلا انت ماشي على 120 ومثبت على ها السرعه ..

راح يشتغل معاك 4 سلندرات ع سبيل المثال ..

هذا شرح توضيحي من نفس موقع هوندا ..

http://automobiles.honda.com/accord-sedan/features.aspx?Feature=ivtec-271hp


خذها قاعده

هوندا دايما هدفها تحقيق المعادله الصعبه :

قوة اعلى مع صرفية بنزين اقل

وهذا احد اهم اسباب انتشار الهوندا في امريكا :

الاقتصاديه في البنزين

تقبل مروري

Pink Dream اسعدني مرورك
اليابانيين من فترة وهم يحاولون يكونون من اوائل المحافظين على البيئة وهذا اللي مسوينه بالاكورد من وسائلهم .. صرفية اقل وبيئة افضل .

شوف عن تجربه ما عندي خبر ابد .. بس من كلام الناس يقولون ان الـ 6 قومتها اخف (طبيعي المكينه اكبر واقوى ) وبس هذا الي قدرت افيدك فيه .. يعني الخفه تروح لصالح الـ 6 اما الممشى نفس الشي اتوقع
تقبل المرور ودمت بألف خير

مشكور يا غالي ابو يوسف على مرورك .
تقديري واحترامي

طيب شباب بنزين الستة 91 أكتين ولا 95 أكتين لإذنه إذا كانت المكينه تشتغل على 95 بس أكيد راح تكون أقوى بس أكثر صرفيه مع العلم بالنسبه لتانكي الأكور يفرق تقريبآ دبل السعر بين النوعين.
وعلى فكرة بنزين الأربعه سلندر 91 أكتين أو أكثر لموديل 2005 أما المديلات الجديدة ما عندي خبر.