انا نصيحتي انك تغيرهـ عند اي محل واذكر ان فييه محل بالغرابي بالرياض يغير لك الصدام بـ 1200 تقريبا شامل الصدام والبويه والنووور اقصد الاكباااس ,,,
السلام عليكم
شباب ابغى اعرف الصدمة هذي كم تكلف في الوكالة ؟؟
يعني صدام جديد + نور امامي يمين + رش صدام
كم تكلف مع شغل اليد في الوكالة ؟؟
وابغى نصايحكم اسويها في الوكالة ولا بره ؟؟
انا نصيحتي انك تغيرهـ عند اي محل واذكر ان فييه محل بالغرابي بالرياض يغير لك الصدام بـ 1200 تقريبا شامل الصدام والبويه والنووور اقصد الاكباااس ,,,
صح
الرررش يعدم الوجيييه عليك
تعتبر فيها صدمه قويه
معــادلة شغل الوكالة
إحسب سعر الصدام جديد + 700ريال شغل يد +400ريال كبوس =شغل ماعلية كلام
وتقبل مروري
يعني صدام جديد + نور امامي يمين + رش صدام
كم تكلف مع شغل اليد في الوكالة ؟؟
هذي تكلفك بالوكاله تقريبا 2000 ريال او اكثر شوي
و برا الوكاله ممكن تكلفك 1200 بدون تغيير الصدام
أخوي تبي نصيحتي لاتغير صدام ولاشي انا كان عندي اكورد 2004 واكلت زي كذا كثير
شف وانا اخوك الصدمه ماتعتبر قويه ولا فيها شي متكسر من الصدام اذا تبي نصيحتي وتوفر بجيبك رح عند ورشة سمكره في الصناعيه تبيض الوجه خلهم يشوفون الصدمه يعني اذا كلبسات الصدام فيه شي منها متكسر بيسوولك كلبسات جديد انت اشرط عليهم قلهم اذا فيه شي متكسر من الكلبسات صلحوه وخلهم يصبغونلك الصدام كامل والسياره انشالله بترجع زي ماكانت وعلى فكره صبغ الصدام كامل مع شغل اليد في ورشه محترمه من 400 الى 500 ريال والاسطب وش فيه ماشوف فيه شي هل هو منكسر لان ترى الاسطب وكاله بـ1200 اتوقع الواحد
زي ماقالوا الشباب لك
وتقبل مروري
بس شباب اللون اللي عند الوكالة احسن
زبط الصدام وزبط النور والوزنيه وخلي الصدمه زي ماهي عشان تطير العين
قسم بالله يا الوكاله ما عندهم موضوع فيه مراكز في صناعيةالبطحاء اطلق مليون مره من الوكاله ونا مجربهم في كرولا 2005 قسم بالله وديته المعارض ما جبو خبرها انهم مصدومه مع الوجهي كلها رايحه واذا تبي اسم الورشه قولي عاشان اوصفلك ومن قوت الورشه لابرجيني وهمر ام البي ام والمرسيدس زي الكامري عنده شغله حلو وسعره حلو
غير الصدام والله افضلك
ولهوندتك
الله لايوفقة راعي الدباب خخخخخخخخخخخخخخخ:p :p
السلام عليكم
اخوي اذا انت فلوسك واجد غير صدام وسو كل شي تبيه بس اذا تبي شغل عدل والله مايفرق صبغ الورش من الوكاله انا صدامي 2006 والله صبغته 200ريال انا ابغاك تجيب لي هوندا وكاله وابغاك تطلع الفرق بينهم والله الصبغه اوكي وركب كلبسات للصدام واذا كانت مكسوره يظبطونها لك وكبس تحت وانتهى الموضوع نصيحتي لاتغير صدام على المشكله البسيطه هاذي
تحياتي
قبل شئ تحتاج ورقة اصلاح
ثانياً انت رح لورشة وقل صلح الصدام عند محل فيبر قلاس يصمغ لك كلبسات جديدة اذا انكسرت
الصدام مع البوية والشغل ب 300 ريال
الشمعة ماتحتاج تغيير على مااعتقد لكن الجسر اللى يحمل الصدام يحتاج تغير او تعديل لانها حديد
وفيه قاعدة للصدام تجي فيه جهة الرفرف بلاستيك تحتاج تغير 150 ريال
الكشاف كذلك يحتاج تغير ب 150 الى 200 "كشافات تجارية"
المجموع 750 ريال فقط
بالتوفيق
تحياتي
محمد
أخي الكريم ..
أولاً الله يعوضك خير عالصدمة ..
وأنا صراحة ما أنصحك تسويها في غير الوكالة ..
لأني ضربت صدام سيارتي الخلفي في ورشة وحقيقة مااااااش ..
أول شيء حتى لو يضبط لك البويا .. ماراح يركب لك الكلبسات والمسامير زين .. ولا راح يضبط لك وزنية الصدام صح ..
ويمكن ما يضبط لك البويا لأن اللون لؤلؤي ..
وشغل الورش ( طب طب وليس يطلع كويس ) يستعمل الغراء ويستعمل مسامير غير مساميرك .. والشكوى لله ..
المهم إن كنت تعرف ورشه شغلها عدل ... فالله يوفقكــ ..
أما إن كنت لوكالة فخذ قطع جديدة ..
بالنسبة للصدام ما أدري كم سعره بالضبط لكنه يتراوح بين 700 إلى 900 ( من دون الرش ) والرش لحاله بـ 600 ريال( بالنسبة للكشافات إن كانت أصليه من الوكالة فهي بــ 1042 ريال الثنتين طبعاً مع الأسلاك والأزرار ... لكن وحده لحالها ما أدري بكم بالضبط .
والله يعينك أدري السعر غاااالي لكن الله يكون في عونكــ ..
وإن كنت ناوي عالوكالة فاصبر شوي لأن موعد الصيانة المجانية قرب فتأخذ لك خصم 20% على قطع الغيار وأجور الصيانة ..
أما إن كنت ناوي ورشة تعرف إن شغلها نظيف .. فنصيحتي لك اشترط عليه وشد عليه ... وقول له لا تثبت الصدام بغرى ثبته ورجعه مثل ما لقيته .. واشترط عليه يجيب لك اللون المطابق بالضبط ( بالكمبيوتر يجيبه )
وأعتقد ضرب الصدام برا الوكالة يكلف 300 ريال ..
أعتذر على الإطالة .. لكن من الحرة اللي فيني
والله أسأل أن يعوضك خير ..
مواقع النشر (المفضلة)