العفووو اخوي درب الالم
الحين مشيت بالسياره بعد تغيير الفلتر تقريبا 3 الاف ... وكل يوم يزيد اقتناعي بضرورة
تغييره لاني لاحظت فرق بعد تغييره
اكون معاك واقعي شوي...الي سيارته ماشيه اقل من 100 الف او عمرها اقل من ثلاث سنوات مع المحافظه على تغيير الزيت في الفترات المذكوره في كتيب الصيانه مااضن يلاحظ فرق كبير ولكن مثل هذي المواضيع تظهر اعراضها على المدى الطويل
اقرب لك الفكرة ... فلتر زيت المكينة تعودنا نغيره مع كل تغيير زيت او مع كل تغييرتين
ولو ماغيرته لمسافة تزيد عن 30 الف بتلاحظ فرق كبير في العزم ونشاط السياره وممكن
لو اهملته توظب المكينة لاقدر الله في اقل من 150 الف كيلو مع ان العمر الافتراضي لمكينة
السياره اكثر من 500 الف كيلو مع المحافظة... فلتر القير نفس السالفه لو ماغيرته خلال
ثلاث تغييرات للزيت او اربع (المسافة هنا تختلف عن المكينة ) بتلاحظ فرق بسيط في
سلاسة واستجابة القير ومع الوقت تظهر لك المشاكل لكن بيدك تغيره وتتلافى كل المشاكل
ويعيش معك القير عمره الافتراضي الي المفروض يوصل 300 - 500 الف كيلو وممكن
اكثر على حسب الصيانة وطريقة القيادة .... اتمنى وصلت الفكرة
رد مع اقتباس
مواقع النشر (المفضلة)