السلام عليكم ورحمة الله وبركاته
شدني تفاعل الشباب مع هالموضوع وقلت لازم أبدي رأيي
بدايةَ..مابي اتكلم عن Ac delco لأني مااقتنعت فيها إطلاقا
بسبب انها في عام 94 بمجرد ان دقينا سلف بسارة جديدة موديلها 93 حصل ان انفجرت انفجار كامل...لاحظ هالكلام عام 94 وليس 97 يعني كانت امريكيه وقبل ماتتصنع بالدمام على ذمة صاحب الموضوع
-أيضا ركبتها على سيارة 8 سلندر وبعد أقل من سنة طلعت مويتها برا ولما رحت للضمان قالو مايشملها

الشي الثاني...بطاريات يواسا مكتوب عليها تايوانه وهذا كلام صحيح في زمن افتقدنا فيه للمصداقيه لكن اللي يعرف تاريخ بطاريات يواسا يدري ان يواسا يابانيه بالأصل ومالها الا عشر سنوات او تزيد شوي في اسواقنا والتايوانيه تقليد للياباني

ثالثا..حسب معلوماتي المتواضعة وحسب تجربتي للكثير من البطاريات أشوف ان افضل نوع في البطاريات بطاريات FB لكن بشرط ان تنتبه لصناعتها ..الأصلي ياباني ووكيلها باقادر والتقليد تايلندي وماادري من وكيلها

نبذة عن تجربتي للـFB...:
-ركبناها على جيب واستمرت 3 سنوات وحنا نضحك
-ركبتها على سيدان 6 سلندر ووقتها كانت بقيمة 270 ريال واستمرت سنتين واكثر من 6 شهور
-ركبتها آخر مرة على الأكورد حقتي قبل 4 شهور تقريبا لكن سعرها صار بـ320 ريال

**ملاحظة مهمة**
اهم شي اذا بتستخدم بطارية عادية (تعبئة) انك تتابع مستوى الموية ومو شرط كل اسبوع تطل فيها.. لا..
كل ماغيرت الزيت شييك عليه ,,,وبس