السلام عليكم ورحمة الله وبركاته ،،
وكل عام والجميع بألف خير ،، وعساكم من عواده ،،
الموضوع ياشباب واللي متعبني بصراحة وبدي فزعتكم وآرائكم فيه .. هو التالي :
أول شيء سيارتي أكورد 2007 وماشية 53000 كم يعني تحت الضمان ،،
من فترة بديت أحس رجة وخاصة أول ما أحط الجير على الـ d لثانيتين أو ثلاث وبعد كذا تهدأ ، ولما أوقف في إشارة مثلاً أشوف نور الشمعات تبع سيارتي تنهز في السيارة اللي قدامي .. وبعدين لما أجي أشغل المكيف وخصوصاً في الصباح أو أول ما أشغل السيارة وطبعاً بعد ما تاخذ وقتها في تسخين المحرك أحس برجفة في السيارة لثواني والمصيبة الكبيرة لما أعشق الجير والمكيف شغال تزيد الرجفة ..
المهم يا شباب طلعت للوكالة وبقيت السيارة أسبوع عندهم بالأول قالولي كراسي ماكينة ومافي فايدة ، وبعدين قالولي تنظيف بخاخات ونظفوها ولا في فايدة ، وبعدين قالولي في منظم الهواء في الماكينة وغيروه على الضمان طبعاً .. المهم إن السيارة الآن أحسن بكثير .. ولـــــــــــــكــــــــــــن :
إذا كان المكيف مقفل مافي مشكلة ولا في أي رجة .. بس أول ما أشغله احس برجفة ولما أعشق تزيد الرجفة لثواني وتهدأ .. فدخيلكم دخيلكم دخيلكم وش الحل يا أخوان لأني تعبت وتعبت من الوكالة وأنا آخذها جايبها ؟؟!!