الموضوع: أبي رايكم في أكورد قير عادي

اخوي .. والله انا انصحك بالقير التماتيك..

هي الصلابه والرساوه في التماتيك والعايدي..

بس انت فكر فيها شوي.. انت بالرياض..اوك؟؟

الرياض خبرك دايم والمعروف زحمه.. خاصة بالدايري.. وغيره من الاماكن..

كل شوي يضغط كلتش ويعشق.وشوي يرده بالثاني ... شوي يحطه بالثالث..شغلتها شغله..:p

يعني صراحه بتتعب رجله من كثر ما يعشق..+ ياخي المفروض يواكب العصر الي هو فيه .. الكل الحين صار يستخدم الي اريح له..:d-القير التماتيك-

لو السياره هلي ولا سياره دفع رباعي كان قلت يمكن يحق لـ اخوك ياخذ قير عايدي.. علشان الطعوس افضل بالقير العايدي..لكن انت معك اكورد بتروح تطعس بها..؟ :d هههههههههههههههههه

عالعمووم مثل ما قلت لك الرساوه والصلابه في العايدي والتماتيك..

وتوكل على الله وخذها.. ومبروك مقدماً الله يعطيك خيرها ويكفيك شرها..:o

لو السياره هلي ولا سياره دفع رباعي كان قلت يمكن يحق لـ اخوك ياخذ قير عايدي..

كلآم سليم

بعدين لو هو بيأخذ سبوورت كآن نصحتك
بس سيدآن وقير عآدي لآ وبعد دفع أمآمي مآتجي

اذا تبغى مطارحات وقومات مالك الا العادي:p >>> اقوى من الاوتو

كلام الشباب سليم لكن كل واحد وذوقه يعني أنا سيارتي قير عادي وعاجبني يعني لمى أعشق أكون فرحان وبالذات على الخامس تعطيك إحساس عجيييييييييييب بس إذا كان أخوك ماخذ القير العادي عشان الميزانية لا ياخذها أمى إذا كان هو يبي يشتريها قير عادي من نفسه فيتوكل على الله ومبروك السيارة مقدما

العادي هجوله :d

اخذ السياراه على الي تعودت عليه

يعني اذا في العاده متعود تسوق عادي اخذها عادي و العكس

وبالتوفيق

اذا متعود علا القير العادي خذها من ناحيتي افضل القير العادي

فهم السؤال نصف الاجابه يا شباب .. !!!
هو يقول كيف بالرساوه والصلابه ما قال وش رايكم اخذ عادي ولا توماتيك !

جـ/ اتوقع والله العالم نفس الشي والرساوه بالاكورد والصلابه لا يعلا عليها
وبس هذا الي عندي
يعني توكل وقله يشتريها بس عساك تحصل

تقبل المرور ..

شفـــ أخوي الاكورد احلى شي فيهاا صلابتهاا ورسوتهااا

بســ انا نصيحهــ مني لا ياخذ سياحي

الاكورد حقت شخصيهــ ورزهـــ يعني ما تصلحــ الا فلــ كاملــــ اذا تهورت أسبشلـــ

اما سياحي ما تصلحــ على الاكورد خصوص ان سعرهاا 82 الفــــ

ادامهــ ملزمــ على السوحـ خذلهــ كامريـــ 64 الفـــ ووفر الباقيــــ

بس انا بقولكـــ ميزاتــ السياحي :

مثبتــ سرعهــــ

طبلونــ ليزر

فخامهــ دخليهـــ ومواد مصنعها بجودهـ عاليهـــ

كبيرهاا من جوا (( خصوصاً انها بدون فتحهـ يعني أكبر من الفل وسبشلــ ))

قوة في البدي

أنضمة امانـــ

سيدي

رساوهـــ

ياباني 100%

شاشة معلوماتــ

... اذا نسيت شي ذكروني


اللهــ يوفقكـ وتلقاء الموتر الي تبيهــ

بس انا انصحكــ بالفلـــ وبقوهــ

لانهــ دفعــ دفعــ وحرامـ ما يستانسـ بالفتحهـ وست سيديات وبيبان نيكلـ وكبوسـ وجنطـ

ولا اشتري كورولا بــ 50 وستانسو بالفلوســـ

طيب خذ سبشلــ ترا الفرقــ بســ 4 الفــ وتجيك فتحهــ وجنطـــ وقير تمتيكـ << على القل يكشخـ بـ الفتحهــ بالجنط << مو طيس بياخهـ

ترا بتندمـ بعدينــ

(( اما حبى ولا بركــ ))

انا معي قير عادي بس مو أكورد نصيحة مني اهرب بجلدك وعضمك وشحمك وكلك من القير العادي

غثاء فاحش وبذات في الزحمات اللهم ياكافي شي مفطش ومقلق بشكل غير طبيعي والله ما ابالغ عليك. . . والله سيندم اخوك ندم غير طبيعي. . نصيحة اخويه خذ توماتيك ريح راسك. . .

ألا في حالة واحد فقط إذا كان أخوك راعي تفحيط ونطلاات لكن ما اضن اخوك بيشري سيارة وبيسوي فيها كذا

مشكوووووووووووووووووورين وعلى راسي

بس لما سألت عن القير العادي كان السبب إن أخوي جاته وظيفة في جازان

وأنتوا عارفين جازان كله طلعات جامدة ولفات أخس من طلعة الهدا

فأخوي وده ياخذ قير عادي لأنه أقوى في التحمل

ومرة ثانية مشكورين

اذا الطريق كله طلعات انا انصحه بالقير العادي

لكن حتى التوماتيك ممتاز ف القير الاوتو
يعني عنده 1 و 2 يقدر يستخدمهم للطلعات

لكن العادي افضل

اذا كان شي قير عادي على رقم 2 كنت باخذه
لكن ما ينزلون بالاحرى
ما ينزل في دول الخليج قير عادي

من وجهت نظر انا ماانصحك بالعادي الاوتو احســــــــــــــن

بصراحه مااااااااايبيلها سؤال اكيد القير العايدي افضل 1000 مره بس إذا أخوك بالرياض

راح يتعب بس إذا أهو بالجنوب 07 راح يرتاح لان في الرياض زحمه على طول والتماتيك افضل
بس لانه راح يرتاح بس بالنسبه ليه أقدر القير العادي لانه يتحمل أكثر من الاتماتيك
تحياتي على هالموضوع الحلو باااااااااايوووووو

بصراحة دامك ملزم عالقير العادي انصحك بكامري او كورولا احسنلك انت واخوك
واذا عالرساوة ما اتوقع تفرق
وربك يكتب اللي فيه الخير

مشكووووووووورين يالغالين ولا قصرتوا

كفيتوا و وفيتواِِ

قير اتمتك احسن

انا معي قير عادي واحلى كلاااااااااااام واحلى عزم

وعقبه الباحه اقطعها بالعافيه ههههههه

خله ياخذ العادي اذا تبي رساوه ولا عزم ولا صلابه على كيف كيفك

اولا مساء الخير
ثانيا انا من سكان ابها وموظف في جيزان والله انصحه بالاوتوماتيك لانه مافيه ذيك الطلعات الصعبه بالعكس الخطوط مستويه حقت اوتو مافيه الا عقبة ضلع وهذي هينه يمشي الاوتوماتيك بالراحه بالعكس ريحني لانه كان عندي كامري عادي وبعتها واخذت اكورد6سلندر والله شفت الفرق بينهم صدق والحمدلله اني اخذت اكورد صراحه روعه