السلام عليكم ورحمة الله وبركاته

إخواني الكرام أنا عضو جديد معكم هنا

صراحه حبيت أخذ رايكم في موضوع

أنا أبي أشري لي سيارة هالشهر وصراحه محتار بين أربع سيارات وودي أسمع أرائكم



1- أكورد سته سلندر 1130000 ألف ريال سعرها (زائد سعر الشاشه لأني ماأمشي بدونها )
صراحه سياره معجبتني كثير برزتها واللي ألعن من كذا عزمها ومنظر الشكمانين روعه عليها
بعدين جربتها موديل 2006 السياره مايحتاج

بس صراحه خايف لا يتغير شكلها برمضان الجاي عقبن أتوسدها

2- الأوريون جراندي 1110000
سياره تمسك قيمتها
بس مواصفاتها لك عليها وشاشة الوكاله ماتصلح أغلب اللي ياخذونها يغيرون الشاشه
بعدين كامريك والعافيه

3- الأزيرا بحدود 90000 ألف
مواصفات تمام
والثبات أحلى كلام
بس الشكل لك عليه
بعدين أصلها يعيبها ( كوري )


4- الماكسيما 2010
سعرها 135000
مواصفات خياليه
شكل جديد
صراحه اللي مخليني متردد سعرها الغالي
بعدين إذا جيت أبي أبيع ماأدري تجيب ثلاثين ألف والا لا






هايا شباب أبي أرائكم واللي عنده راي ثاني يعطيني إيها
بس أهم شي العزم لأن أربع سلندر ماتوفي معي
والشاشه