معقوله !!!! ((( حرام )))

**أ ل م 2009** · 03-10-2009, 06:43 PM

السلام عليكم
كيف حالكم ياشباب
ان شاء الله ان كم بالف خير

عندي سيارتي هوندا كورد سبيشل
السالفه بالتفصيل
رحت لمطعم بالسويدي خذت غرضي وطلعت اشغل السيارة قالت هاذا محلي منا منا
مافية امل مادري وشو تحسن انها مشرقة او شئ زي كذا اللي متاكد منه انه من المكينة مو من بطارية او اشياء ثانية
تدرون وشو المشكلة ؟؟
المشكلة ان الموتر مطلعة قبل ثلاث شهور وموديلة 2009 لا وازيدكم من الشعر بيت مامشى الا 13 الف بس
والاكياس حقت الوكاله جوا لا وبعد سواقتي فيها ولا احلى منها لازرات ولا غيرة
وش تبغون اكثر من كذا !!

حراااااااااااام 87 الف واخر شئ مايشتغل

السالفه مالها وقت واجد تقريبا اخر العصر

ياليت ياشباب تعلموني وش اسوي بالضبط اوديها للضمان بس تتوقعون وش يقولولي
تتوقعون يحطونها فيني ؟؟
مع العلم ان ماسويت صيانه 10 الالف

وانا سمعت عن السطحات اللي حاطتها الوكاله ؟ صحيح ولا لا

المهم معليش طولت عليكم
لكن هذا والله من التكه اللي فيني قلت خلني افضفض

ويعطيكم الف عافية

**abdelslam** · 03-10-2009, 06:56 PM

وعليكم السلآم
الله يكون في عونك اخوي
وإن شآء الله إنهآ مشكله بسيطه لكن ودهآ للوكآله وإن شآء الله ترجع زي أول وأحسن

غآلبآ بتكون مشكله بسيطه لآتشيل هم :d

**kakashi-san** · 03-10-2009, 06:57 PM

وعليكم السلام ،

شيّك على البطارية ،

او .. توديها الوكالة لو تدفع 500 رياااال عشاااااااان سطططططططحه ، !!!!

لا تغلط غلطتي يوم جبت يمني و ولّف لي على كيفه اسلاك ومدري وشو ، وفي الاخير حتى المفتاح ما يطلع من السلف ، !!!

وكلفني تصليحه فووق 3000 ريال بالوكالة ،

بس ربّك ستر ، لاني قعدت اهذر مع المدير وحسب التصليح على الضمان ولا كان رحت ملح ، !

**المباشر** · 03-10-2009, 07:01 PM

لا تسوي أشتراك للسيارة ولا تحاول تشغلها ولا تبدل لها بطارية

علشان توصل للوكالة بحالتها الراهنه ومثل ماقال لك كاكاشي سان شيلها بسطحه وودها لهم لو تكلفك شوي وحاول بطريقة دبلوماسية تدفعهم قيمة فاتورة السطحة ( خذ فاتورة منه )

وحاول تمر الصيانة يمكن عندهم سطحه يطلعون ويشيلون السيارة لأن خوفك تشيلها ويقولون عندنا سطحه ليش مابلغتنا وهكذا

**kakashi-san** · 03-10-2009, 07:20 PM

حبيب قلبي انتبه ،

اول شيء دق على الوكالة ممكن مثل ما قال لك المباشر عندهم سطحات ،

واذا ما عندهم ، ودهم لهم على حسابك ،

وراح يصلحونها لك على الضمان ، لا تدفع ولا ريالْ ،

ولا تنسىى تشرب لك كوفي ولا كابتشينو من استراحة هوندا :p < يروّق عليه بالصيانة :d

**ACCORD06** · 03-10-2009, 07:38 PM

مدام السيارة جديدة وعلى الضمان لاتخاف روووق وحط رجلينك بمويه بارده
لاتشيل هم الا السطحه والباقي عليهم

**assassin_vip** · 03-10-2009, 08:57 PM

طيب انتا ما اديتنا التفاصيل هل الطبلون او الكهرباء توصل السلف يدق وما تشتغل او كيف الموضوع ؟؟
انا ما ادري ليش حاسس انه في كربنه على صباع البطارية اذا ما كانت المشكلة من البطارية اساسا

**REST-KSA** · 03-10-2009, 09:08 PM

والله شي يخوف

رغم انها ياباني ياباني السياره مو اي كلام

لا لا لازم اصبر وما اتسرع في شرائها

الله يعطيك خيرها يا الم 2009

**الصامت** · 04-10-2009, 04:00 AM

ماراح ازود ع كلام الكنك وكاكاشي سان .........
والله يكون في عونك من جد تحرق القلب بس تهون بأذن الله........

**اكوررررد2009** · 04-10-2009, 06:13 AM

شف ياخوي مشكلت بسيطه احتماااال تكون من البطاريه شي طبيعي لان البطاريه من الاصل فاضيه انا زيك فاجئه مشتغلت السياره لكن فتحت الفتحات استكشفت ان مويه البطاريه فااااضيييييييه
لوصيك رح للوكاله واذا وطلب حقك اهم راح يقلون مو من منا ومدري كيف على طووول ادخل للمدير وقل ابي فلوسي وسولهم قرووشه وتاخذ حقك اسئلني ؟؟

**D.H.o.O.o.M** · 04-10-2009, 03:31 PM

لاتشيل هم ان شاء الله المشكلة بسيطة ودها الوكالة وبتنحل المشكلة باذن الله والسيارة جديدة وعلى الضمان

لاتنسى توافينا بالي حصل معك اذا رحت الوكالة

تحياتي لكـ

**اكورد لولي** · 04-10-2009, 03:36 PM

يالغالي لا تشيل هم اببببببببببببد ريح نفسك وحتى السطحه لا توديها على حسابك

يالغالي عندك خدمه مجانيه من الوكاله اذا تعطلت يسحبوها للوكاله ببلاش وراجع كتاب المساعده على الطريق مع الكتالوجات

وانشاء الله امرها هين

تقبل تحياتي ....

اكورد لولي

**أ ل م 2009** · 04-10-2009, 05:48 PM

يعطيكم الف عافية ياشباب
والله ماقصرتوا

لكن امس باليل دقيت على سطحة وجت شالتها تقول ددسن قديم قاعدين ندف فية لين وصلناها للسطحة وركبناها يوم ركبناها حك الصدام اللي قدام ( اللحية ) الله لايجزاهم خير الوكاله

وديتها عند باب الوكاله الي بالخالدية
وجيتهم اليوم الصبح واستلمها مني هندي وقال بكلمك اذا صار شئ

(( يعني لحد الان انا ماعرف هم بيصلحونها ولا لا ))
وهذا اللي خايف منه ....

وان شاء اذا صار شئ علمتكم بالجديد

**المباشر** · 05-10-2009, 04:49 AM

عزيزي السيارة جديدة وان شاء الله كل شي على حسابهم وحتى لو كانت المشكلة بطارية أطلب تبديلها على الضمان

**أكـ 2008 ـورد** · 05-10-2009, 09:47 AM

عين ما صلت على النبي

ودها الوكالة والشكوى لله ،،

**أ ل م 2009** · 09-10-2009, 07:58 AM

ابشركم ياشباب السيارة طلعت على طول
طلعت من بكرة
صارت المشكله كتاوت كهرب
الحمدلله انها على كذا
وانتو ياشباب والله ماقصرتوا ويعطيكم الف عافية
وردودكم بالمنتدى على مووضوعي ومسانتكم لي تكفيني