ابي رايكم وتعليقكم على الي صار معاي.....!!!!!

**khalidsk** · 05-10-2009, 06:45 AM

السلام عليكم اخواني................

والله انا عندي اكورد 2006 وصارت لها مشكله وهي انها بدت تفتف بقولكم الي صار معاي وابي ردكم وتعليقكم على كل الي صار سواء مني والا من الوكله

اول شي بدت التفتفه من فتره وسئلت قالولي غير البواجي

وغيرتهم ونفس العله وقالو غير فلتر البنزين وغيرته ونفس العله

وقالو لي اكيد من البنزين غير النوع وغيرت ونفس العله

في الاخير قالو اكيد البخاخات قلت خلاص مافي الا الوكاله

المهم وديتها الوكاله جلس يحوس وكل شوي يطلعلي شي

قالي "الجمبين" خربان غيره قلت اوك غيره شوي قالي كراسي المكينه مكسوره ومنها التفتفه قلت اوك غيرها

شوي قالي الهوبات تعبانه غيرها قلت اوك

دق علي بعد يومين قالي راحت التفتفه قلت اوك الحمد لله

قلتله كم طلع الحساب كامل

قالي 5000 وعليها

قلتله اهم شي التفتفه راحت قالي ان شاء الله

واستلمها
واشيك عليها الا التفتفه موجوده بس صارت بين اذا مشيت 40 و60 من في الساعه

وارجعها لهم وقالي يمكن الخلل في نفس القير

قلت اوهو شكلكم ماتدرون شسالفه قالي بوريها الفورمان حق الورشه وبرد عليك قلت اوك

المهم يقولي شيك عليها مع الفورمان يقولي لازم نفك القير الظاهر الطنجره مدري شيخربط علي قلت اها الظاهر تسوون تجارب على سيارتي

قالي توضيب القير وتغير الطنجره بيكلف تقريبا 12000

شدعوه يضحكون علينا ذولا

بعدين قالي دامها مافيها خلل جامد خلاص مش حالك فيها لين توقف لحالها
قلتله عطني مفتاحي بس ومع السلاااااامه

هذي السالفه وابي تعليقكم ورايكم ومشورتكم

ادري اني طولت بس قهرووووني الصرااااحه

والف شكر لكم اخواني

**اتحادي** · 05-10-2009, 06:52 AM

اولا ترفع شكوى للمركز الرئيسي طبعا يا اللي في اليابان او دبي و تبين كل الحقائق و ترفق الفاتوره و الاسماء اذا قدرت

ثانيا تروح تدخل لمدير الفرع و تفهمه الموضوع و المهزله اللي صابره

ثالثا الله يعوض عليك و لو تكشف عليها برا الوكاله انا اشوف افضل بس لو كنت سئلت قبل ما تروح الوكاله ما كانو الشباب قصرو معاك

**,,ولد المدينه,,** · 05-10-2009, 07:06 AM

الصراحه انى ما عندي خلفيه غن الموضوع الوكالات بس كل الوكلات زي كذا ينصبون على العالم وبس

ما اقول الا الله يعوض عليك

تقبل مروري.

**accord05** · 05-10-2009, 07:36 AM

بالنسبة للي سويته في السيارة شي حلو وخسارتك ان شاء الله مابتروح ولاتتحسر على اللي دفعته لان سيارتك ماشاء الله جددو اشياء وصارت سيارتك جديده ..
اذا كنت بالرياض ..
عندك في الصناعية ورش متخصصة في الهوندا وبالهبل صحصح يوم ومرهم وشيك على القير في اكثر من ورشة وبتلقى السعر ربع سعر الوكالة ..

**khalidsk** · 05-10-2009, 10:08 AM

مشكووووووووووووورين اخواني وماقصرتو على ردودكم وتفاعلكم معاي

بالنسبه لك اخوي "اتحادي" سئلت الف مرا في المنتدى محد عطاني رد مناسب

واخوي "ولد المدينه" ماقصرت بعد والله يعوض على الجميع
بس انا مش مستخسر الي دفعته لان الظاهر لابد من تغييرهم

وبالنسبه لك اخوي "accord05" انا في الدمام والا ودي اجي اشوفها

بس بسئلكم تتوقعون فعلا القير هو الخلل من الي فيه الحين والا الوكاله يقولون كلام فاضي

وشاكرلكم مره ثانيه

**بلال العلمي** · 05-10-2009, 02:52 PM

تفتفة كيف يعني ؟؟؟

يعني لما تمشي تتفتف مثل اللي كان البنزين ينقطع عن المكينة؟؟؟

**meshoo** · 05-10-2009, 03:13 PM

شيك عند ورشة السعاده بالدمام

متخصصه لسيارات هوندا فقط وصاحبها باكستاني كان شغال بالوكاله اسمه اقبال

**متصفح** · 05-10-2009, 03:23 PM

اخوي خالد في البداية كان الله في عونك
واضح ان المشكلة من فتره عندك وطفشت منها ومالقيت لها حل ...موعوايدك يالاكورد
انا راجعت مواضيعك وشفت موضوعك القديم الي قلت عليه عن نفس المشكلة وبصراحة الموضوع يحير لكن شباب المنتدى مايقصرون ان شا ءالله

بس في البداية ياليت توضح اكثر التفتفه الي تقول عليها هي من المكينة او من القير اثناء تغيير النمر ؟
وكم ماشية سيارتك الى الان ؟

متابع موضوعك لحد مانلاقي حل ان شاء الله

**khalidsk** · 05-10-2009, 04:08 PM

والله يا اخوان شاكرلكم فزعتكم وماقصرتو

بالنسبه لك اخوي "ملك مملكة جده"...

غيرت انا البواجي وغيرت فلتر البنزين والوكاله قالولي انهم شيكو على البخاخات يقولون مافيها شي وبالنسبه اذا دست شوي اوك تفك معاي بس اذا مشيت مشي هادي اذا صار الضغط بين 1 و2 هنا تجي التفتفه اما فوق 3 مافي شي وبشوف بحاول انظف البخاخات ومدخل الهواء ... وماقصرت اخوي وكفيت ووفيت بس بسئلك هل هي تضر مستقبلا والا شي عادي وبسئلك عن قريبك وش سوا بسيارته حاليا والف شكر لك

وبالنسبه لك اخوي "meshoo" ...

حاولت احصل الورشه بس للاسف ماحصلتها والف شكر لك

وبالنسبه لك اخوي "متصفح" ....

تقريبا صارلي سنه اخوي وتحسفت اني اخذت اكورد كانت عندي كامري قبلها 2001 جلست معاي 5 سنوات ماشتكيت منها ولا مره والاكورد الي يقولون انها يابانيه 100% كل يوم فيها خلل

على العموم مانقدر نسوي شي...

وبالنسبه هل هو من القير والا من المكينه مدري

بس بعد ماتتغير النمره تجي التفتفه مش وقت التغير والسرعه بين الـ 40 و 60 كم

والسياره ماشيه 131 الف كم

والف شكر لكم وانتظر ارائكم وفزعتكم

**khalidsk** · 05-10-2009, 04:10 PM

المشاركة الأصلية كتبت بواسطة بلال العلمي

تفتفة كيف يعني ؟؟؟

يعني لما تمشي تتفتف مثل اللي كان البنزين ينقطع عن المكينة؟؟؟

يعني مدري شقولك مثل الي تنفض السياره اورجه بشكل خفيف وبسرعه.... اذا زودت السرعه تروح التفتفه

**متصفح** · 05-10-2009, 04:22 PM

اقرا الموضوع وشوف الرد رقم 4# للعضو اكورد مجنونه

http://www.hondaarabia.com/club/showthread.php?t=27104

وقولي متى اخر مره غيرت زيت القير

**khalidsk** · 05-10-2009, 04:48 PM

المشاركة الأصلية كتبت بواسطة متصفح

اقرا الموضوع وشوف الرد رقم 4# للعضو اكورد مجنونه

http://www.hondaarabia.com/club/showthread.php?t=27104

وقولي متى اخر مره غيرت زيت القير

مشكور اخوي يعني من رايك اغير فلتر القير

طيب وين القى ورشه مضمونه اقدر اغير الفلتر انا في الدمام تقدر تدلني يعني على ورشه ممتازه
وبالنسبه للزيت من طلعتها من الوكاله ماغيرته :o

**متصفح** · 05-10-2009, 05:16 PM

وبالنسبه للزيت من طلعتها من الوكاله ماغيرته

مبدئيا الي اقدر اقوله عدم تغييرك للزيت هو السبب

المفروض يتغير الزيت والفلتر لكن ماادري اذا تغيير الزيت بعد 131 الف يسويلك مشكلة جديده لا سمح الله

بالنسبه لورش الشرقية ماعندي اي خلفيه بصراحه لكن اهل الشرقية يفيدونك

وشوف هذا الموضوع يفيدك اكثر عن تغيير الفلتر في الوكالة..افضل تغييره بالوكالة

http://www.hondaarabia.com/club/showthread.php?t=27203

تحياتي

**meshoo** · 05-10-2009, 05:18 PM

ارسل لي رقمك ع الخاص وانا اوصف لك اياها والا اطلع معك تامر امر

**المباشر** · 06-10-2009, 03:26 AM

ورشة السعادة

المهندس أقبال / 0508931743

**المتقاعد** · 06-10-2009, 03:46 AM

تأكد من اسلاك البواجي ترى تسبب تفتفة
واحد من اخوياي سيارتة فيها تفتفة وغير
البواجي ونظف البخاخات ومانفع معه
واخر شي طلعت اسلاك البواجي
انت مر الورشة وخلهم يتأكدون لك من الاسلاك

**khalidsk** · 06-10-2009, 06:41 AM

هلا اخواني مشكرين على ارائكم الي ساعدتني....

"متصفح" الف شكر لك اخوي وعلى مساعدتك لي بس كيف احتمال يسبب لي مشاكل بعد 131 الف كم ؟؟؟؟

لان كل ما اروح اغير زيت المكينه اشيك على زيت القير يقولي اوكي جيد مايحتاج تغيره ومش ناقص

ونفس الوكاله الموظف الي قالي عن التوضيب للقير قالي حاول كل 10000 كم تغير زيت القير وان شاء الله راح يضبط

واكرر شكري لك اخوي على وقفتك معاي

وبالنسبه لك اخوي "meshoo"

تم ارسال الرقم على الخاص

وبالنسبه لك اخوي "ملك مملكة جده"

بالنسبه اني اغير القير
صراحه اتوقع وحاس ان العله مش من القير

وان شاء الله احساسي يكون في محلي

اما استاذنا "المباشر" الف شكر لك وان شاء الله بسير عليه بمره وبشوف شيخربط علي بعد

واخوي "المتقاعد" بالنسبه للاسلاك يوم كانت في الوكاله شيكو عليهم وغيروهم بعد الي هي اسلاك البواجي ونفس العله

والله صار لغز حيرتني السياره

خيرتي بكب عليها بنزين :d بحرقها

الف شكر والله يعطيكم العافيه وماقصرتو

**متصفح** · 06-10-2009, 06:55 AM

هلا اخوي
روح للورش اللي وصفوها الشباب وشوف وش يقولوا لك
وغير الزيت مع الفلتر

**اكووورد مجنونه** · 06-10-2009, 07:21 AM

اخوي انت كانك تتكلم عن نفس المشكله إللي كانت عندي تماماً 10000%نصيحه غير الزيت وراح تدعي لي انا ومتصفح ان شاء الله
اخوك اكورد مجنونه

**khalidsk** · 06-10-2009, 07:59 AM

والله مدري شقولكم كفيتو ووفيتو

اخوي "متصفح" و اخوي "اكووورد مجنونه"

الف شكر لكم وان شاء الله بغير زيت القير والفلتر

وان شاء الله ان شاء الله تنحل مشكلتي :(

وارتاح.... وراح اوافيكم بكل جديد

اكرر شكري لكم .........