بالنسبه لمرور الشرق يعتبر في تنظيمه افضل مرور بالرياض
وصدقني لو تروح الساعه 8 الصباح الضهر وانت في شركة التامين تسلمهم الاوراق
وبعد 15 يوم تستلم الشيك
عرض للطباعة
بالنسبه لمرور الشرق يعتبر في تنظيمه افضل مرور بالرياض
وصدقني لو تروح الساعه 8 الصباح الضهر وانت في شركة التامين تسلمهم الاوراق
وبعد 15 يوم تستلم الشيك
اولا حمد الله على السلامه يا باشا
ثانيا هذه الاشكال البدائيه اللي ظهرت اثناء الحادث للأسف صارت منتشره هذه الايام بكثره في شوارعنا
و اصبحت كالفيروس مثل h1n1 الله يبعدنا عنهم و عن المرض
يا تقطعه من المجتمع و تعالج نفسك يا تعالجو و تكسب فيه خير و ربنا يعوضك
الحمدلله على سلامتكـ ياعيوني
والله يعينك على البليه الي انت فيها
واشوى انك ما تنازلت
اولا يا حبيبي ما تشوف شر
عادي انا منصدم ثلاث مرات في اسبوع واحد من الخلف بس ما طالبت الا الثاني لانه شق صدامي
شف يالغالي اول ما تدخل من بوابة مرور الشرق تروح يسار ثم يمين تلاقي التوقيف قدامك رح يمين تلاقي التعاونية على يمينك
وفيه اوراق على يسارك في اسماء اللي مسوين حادث بالامس تاخذ بس رقم الحادث تبعك وتروح عند المسؤول عن الحوادث اللي هو في الجهة المقابلة للأوراق اللي انت قريتها يعني وانت قاعد تقرا هو ورااك المهم تروح وتقول له رقم الحادث يعطيك ورقة التقديرات اللي في الصناعية تعطيه الورقة اللي اعطاك اياها المرور لمكتب الاستقبال وتروح لحقين التقديرات اللي برا تعطيهم ثلاثين ريال يقومون يقدرون قيمة تصليح السمكري ويقولون لك رح شف قيمة الصدام تروح لمحلات هوندا وتشوف كم قيمة الصدام ولازم تختمها طبعا عاد انا اعطيت الهندي اللي عند التقدير 30 ريال جاب لي الفاتورة مختمة ما ادري من وين المهم رجعتها لمحل الاستقبال تقوم يا طويل العمر تصور الاوراق زايد الاستمارة حاول تصورها برا لان اللي عند المرور حرامية الصورة بريال وتقوم تدخل ثاني مرة للمرور وهالمرة تروح سيدة لين يقابلك درج بعد ما ترقى الدرج يجيك تي يمين ويسار في نفس الدرج روح يسار قسم الحاسب الالي عند رقم 4 اللي فوق تعطيهم رقم الحادث ويقول لك انتظر لين ننادي عليك طبعا تعطيهم الاساس والصور يعطيك الصور وزيادة ورقة تامين الرجال (تأكد من رقم اللوحة اذا كان مكتوب غلط ) يغلطون فيها واجد اما المخالفة 10 ارقام ما يغلطون فيها ما علينا انزل مكتب 4 خله يوقع لك على الورقة اللي مكتوب فيها المبلغ تقوم ترجع لمدير الشعبة فوق بس يمين الدرج يوقع لك الورقة بعد ما تخلص انزل تحت عند نفس اللي اخذت منه ورقة التقديرات فيه واحد ثوب وشماغ يختم لك اياها بعدين رح للتأمين كذا تكون خالص ترى كل هذا للي كاتبه ما يكلفك الا ساعة عند المرور ونص ساعة عند التقديرات واربع ساعات في الخط
الحمدلله على السلامة
ولابد توسع صدرك على المرور لأنك راح تتعب شوي
والله يوفقك
:( الحمد الله على سلامتك
الصراحة موقفك لا يحسد عليه...
الله يكون في عونك و ييسر لك أمرك
الحمدلله على السلامة ..
واذا هو كذا عمرك ما تنازلت عنه ولو يمديك تشكي العسكري اشكه على اللي سواه .. وش هالنظام الفاسد !! .. وبعدين يقولوا اكبر نسبة حوادث هي بالمملكة .. كيف لأ وجميع الاسباب تحمس الواحد انه يسوق زي الخبل بكل استهتار لأن ما راح يجيه شي .. والسالفة واضحة ( من أمن العقوبة أساء الأدب ) ..
الله يعينك على المرور ..
لوووووووووولـ
ـأغلب ـألردود مافهمو ـألموضوع
ـأخوي ـأنت ما قصرت مع ـألرجال
بطريقتك هذي كأنك سامحته
لانه تامين لو ما معه تأمين ـألافظل نسامح
لان مثل ما قلت ـألرجال على قده وجاي من ديره ثانيه
ولا هو موضف
وـألصدمه ما تستاهل ـأنك تاقف له
بس ـألحمد لله صار معه تأمين يضمن لك حقك بدون ما يضر ـألرجال
وـألله ياخوي قبل صار لي حادث على هايلوكس توني شاريها ماكملت ـأسبوع
صدمني شايب من ورى سيارتي انعدم فيها الصدام والباب الخلفي والاسطب
كلمته قلت كلم احد عيالك يجي عشان يكون هو السواق ولا يلحقك شي التامين يغطي
ما ـأكذب عليك ـأني تحسفت على ـأللي سويته
لانو ـألتأمين بهذلني ولا ـأخذت حقي ـألا بعد 6 شهوووووووور من ـألمماطله
شكراً للجميع وخصوصاً عطر الحكي لانه انسان اعرفه شخصياً ويعجبني فيه صراحته بس اخاف منه مرات يزبد لي ههههه
المهم يا شباب خلصت من المرور ووصلت لشركة التأمين والحين ننتظر نستلم الشيك اللي ما بشم منه ولا ريال لان سيارتي تاجير منتهي بتملك
يعني بياخذها البنك
الحمد لله عكل حال
وانا مابي اصلح الصدام بإنتظار دلوخ آخرين يصدموه هههههه بعيد الشر عني