اولا لازم تتاكد من ان راس المكينة سليم علشان ما ينلعب عليك من الورش وطبعا وين ما تروح اللي بتسمعه لازم نفك راس المكينة ونشوف اذا الراس خربان ولا لا وانا اكتشفت طريقة تعلمك اذا راس المكينة خربان مع العلم ان الاعراض عندك هي اعراض راس مكينة

لان الموية تتبخر وما فيه مكان لتبخير الموية ولا تهريب الا من خلال خروجه من القربة نفسها بسبب الضغط الكبير في المكينة

لانه لما حطيت انت برقع زادت الحرارة فوق النصف وبعده انعدم الراس عندك وصار معووج فصار يدخل هواء ويصير فيه فراغات هواء وهذا اللي يخلي الحرارة ترتفع ويطلع برة مع القربة هذا اللي اتوقعه والله اعلم

وانا كتبت في رد من ردودي في الرابط هذا طريقة معرفة الراس اذا خربان ولا لا

http://www.hondaarabia.com/club/show...29&postcount=2

وباكتب الخطوات مرة ثانية


للتأكد ما اذا كان راس المحرك خربان ولا لا


سوي الخطوات التالية

1- خلي السيارة تشتغل مدة دقيقتين فقط

2-افتح غطاء الرديتر

3-ادخل اصبعك في فتحة غطاء الرديتر بحيث لا يدخل هواء ولا يخرج هواء يعني ادخل واضغط زين

4-ادعس بنزين بشكل كثير واترك وادعس واترك وكرر العملية 5 او 6 مرات

5- يجب عند الدعس ان تتعدى دورات المحرك 4 ار بي ام

6-بعده اترك البنزين تماما وخلي المكينة شغالة على وضعها العادي

7- ابعد يدك عن فتحة الرديتر

8- اذا فارت الموية للخارج بقوة فهذا معناه ان راس المحرك خربان تماما ويدخل هواء للمكينة

9- اذا ما فارت الموية للخارج هذا يعني ان العطل اما طرمبة او رديتر او اذا كان السلندر غير ثابت ويزيد الاحتكاك بجدران المكبس ويسبب حرارة


ملاحظة


تلف وجيه الراس ممكن يدخل هواء بس فيه دواء يرقع وجيه الراس قيمته 30 ريال وبعده سوي الخطوات اللي فوق وبالله التوفيق

الطريقة مجربة على السيفيك والكورولا والاكورد والكامري




الحل في حال ثبت ان عندك راس مكينة هو فك راس المكينة بـ 250 ريال طبعا فك وتركيب والمخرطة تاخذ ما بين 200 الى 250 ريال


اضافة الى وجيه راس جديد


بس للتشييك فقط خليه يشيك على سير التايمن دامك فتحت المكينة شيك عليها واذا تحتاج تغيير غيرها