عندك زيبارت خمس سنوات بس غالي شوي
وعندك لومار اتوقع عشره سنوات السعر ماعندي خلفيه
صباح الخير ياشباب ;)
اولا" لي الشرف اني انضم لكم في هذا المنتدى الرائع
وبعدين باركولي طلعت هوندا اكورد2009 6سلندرفل لؤلؤي قبل فتره وحبيت اسئلكم عن الفلم الشفاف لحماية واجهة السيارة من العج لان سفرياتي واجد والدوام في جيزان بعض الاحيان اصادف غبار في الطريق وسالت قبل كذا في جونسون قال 1800 واجهة السيارة مع المرايات والاكتاف ويقول سنتين ويمكن تحتاج تغيره ماكنه غالي شوي وبعدين سنتين واغيره
اذا فيه احد عنده خبره ياليت يفيدنا بمحل ارخص او مدة الضمان اكثر ولكم جزيل الشكر
عندك زيبارت خمس سنوات بس غالي شوي
وعندك لومار اتوقع عشره سنوات السعر ماعندي خلفيه
والله معد خبر ان شاء الله الشباب يفيدوك
وانا ابي اسوي زيك كمان فلم شفاف
يعطيكم العافية على التفاعل معي
لكن اخوي italian boy سمعت ان زيبارت مايسوي للوجهيه كامله بس اجزاء معينه ولك جزيل الشكر
اهلين اخوي
مبروووك على السياره اولا
حبيت اقلك انه انا مسوي جونسون والضمان عليه خمس سنوات والسعر نفس ماقلت 1800
وانا تقريبا مركبه عندي اكثر من نصف سنه وعندي ماشي زي الحلاوه
واقلك شي ماانسى ان شاء الله لو ركبته وشفت الفلم انفك على طول يغيروه لانه على ضمان
واخر شي رايك واختيارك
تحياااتي
يعطيك الف عافيه اخوي ياسر على المعلومه واهم شي اني تاكدت ان الضمان خمس سنوات لاني ناوي اركبه يعني اذا صار فيه شي او تغير لونه يغيرونه على الضمان
انا لما أروحـــ أغير زيتــ في الوكالهــ أشوف أكورداتـــ بالهبلـــ ومركبينـــ فلمـــ
واللهــــ مبينهــــ مثلـــ عين الشمســـــ
بس انت ما يهمكــ اذا كانت سفرياتكـــ واجد
مشكور ع الموضوع...
انا مثلك ابي اركب حاب اسئل افضل محل في جده وكم يكلف........
بسمه تعالى :
تعددت الأفلام الشفافة و القرض واحد ..و هو حماية الواجهة الأمامية و المرايا الجانبية و الأنوار الأمامية و حواف الأبواب الأمامية و بدون الكشافات الأمامية لحرارتها العالية ...و يختلف التركيب من شركة لأخرى فمنهم من يعمل حماية كاملة للمركبة بوضع عازل بلاستيكي لكامل المركبة و بعضهم لنصفها و البعض الآخر يضيف إلى ما سبق شرحة غطاء المحرك كاملآ مع الصادم و الأنوار و أعتقد بأن الحماية الأولى هي الأفضل و الأقل كلفة و تؤدي القرض ...و من تجربة لشركة لومار فالعازل البلاستيكي قوي لدرجة تحمله بعض الحصى الصغيرة و ليست جميعها بإختلاف أحجامها ...و أيضآ يقي صبغ المركبة من حدوث أي تغييرات مستقبلية كالبهتان و الشحوب عند تغيير العازل ... في الظروف الصعبة كإستمرارية قطع المشاوير يوميآ بحرارة عالية و غبار كاحل قد أدى العازل أفضل حماية و لكن ما لبث بالبهتان و الشحوب بعد فترة 6 شهور في أجواء الصيف الحارقة و سيستمر العازل بعمله حتى بعد تلك الفترة و لكن بسبب ما سبق سيتغير لونه بفعل العوامل الجوية إلى اللون الباهت نوعآ ما و ما أن يختفي البهتان بعد الغسيل حتى يرجع مرة أخرى ...الضمان لخمس أو سنتين أو أكثر منه حسب الشركة ....لا يوجد ضمان من تلك الشركة لتغييره عند تغير لونه و يجب دفع قيمة جديدة لواقي جديد.... و لكن لا بأس فعمله سيؤديه بالوجه المطلوب بغض النظر عن بهتان لونه...بالتوفيق.
العازل الواقي لشركة لومار
رابط الموقع بالعربي
مواقع النشر (المفضلة)