مشكلة الريس

**AliAhmed** · 12-10-2009, 03:59 PM

السلام عليكم ..

اليوم الصباح كنت فاضي .. قلت خلني انظف الثروتل بدي "" مثل تجربة ملك مملكة جدة""

فكيت انتيك الوكالة بعد فكه من فلتر الهواء - فك الاهواز الي جاية من المكينة - فك حساس الاكسجين (فصلت الواير حقه بس )

وبعد تنظيف الثروتل بالكلينكس والWD-40 اكثر من 10 مرات (كان زبالة :d)

رجعت ركبت كل شي تمام التمام ...

وبعد تشغيل السيارة اول ماشتغلت الضغط كان 2 وشوي

وبعد ماسخنت السيارة الضغط ظل فوق الـ 1 وصار ينزل ويرتفع لحاله

واذا اعشق القير من اي وضع الى اي وضع الضغط يلعب يروح 2 و 2 وشوي ويرجع ينزل الى واحد وشوي ..

واذا كنت امشي على خط واخفف الضغط يلعب !!!!

ياخوان هل صارت الى احد من قبل ؟؟ ياريت تفيدووني

**Mr.CaR** · 12-10-2009, 06:23 PM

واللهي مدري وش مغبّر :d

الظآهر لايكون بس جيت الحساس أو آذيته بكلمة ؟ <<

شيّك على الحسآس ؛ وتأكّد إنه رآكب مضبوط وإنه بنفس وضعه يوم فكيته

أكيد البلى من الحساس نفسه

الله يعينك ويسهل عليك

**المهندس** · 12-10-2009, 07:41 PM

خذ لك بخاخ منظف ومزيل الصدأ الاصلي
والسيارة مطفئة
رش على مكان تثبيت الواير بالحساس والسبرنق وحرك الخانق وانت ترش المنظف عدة مرات وكرر العملية الى ان تضبط معك واذا مانفع معك رش المنظف وعلى طول امشي بالسيارة وخذلك مشوار وبأذن الله تضبط ..

**AliAhmed** · 12-10-2009, 08:08 PM

يعطيكم العافية يا اخوان على الردود ..

شكلي جبت مو بس عيد الا جبت عيدين :d

شيكت على الحساس راكب عدل والوايرات راكبة تمام التمام ...

اخذت لي مشوار 120 كيلو على السيارة .. على الخط بسرعات عالية تمشي 100% بس المشكلة في البلد على سرعات خفيفة

**AliAhmed** · 12-10-2009, 08:49 PM

يسلموو على المرور اخي اياد ..

انا قبل ما أكتب الموضوع فصلت البطارية لمدة 30 دقيقة تقريبا ورجعت شبكتها ...

واستمرت المشكلة ..

**أكورداوي** · 12-10-2009, 10:54 PM

طيب جرب حلي ,, :d

ادعس البنزين على آخر شي 3 مرات .. وشوف ايش يصير معك ,

اذا ماضبطت ,, روح لأقرب ورشه وخلهم يفكون الثروتل بدي من جديد وينظفونه وينظفون المنظم كامل مع الانتيك وفلتر الهواء وبإذن الله راح تدعي لي وإسألني على لعب الضغط ,, صارت سيارتي تناقز عند الاشارات أيام ماتصير لي هالحاله ,,

تقبل مروري ولاعاد تتفلسف :d

**AliAhmed** · 13-10-2009, 07:47 AM

بعد شوي ان شاء الله راح اجرب ادعس ثلاث مرات وان شاء الله تظبط ..

طيب ممكن تدلني على ورشة كويسة ؟؟ اروح له وانا مطمن ؟؟ وما اخاف بدل مايكحلها يعميها

وخذ راحتك بالفلسفة ..

**متصفح** · 13-10-2009, 11:26 AM

شيك على الاهواز الي فصلتها لازم ترجعها مضبوط وسلك الحساس وتاكد من غطا الفلتر

و wd-40 غير مخصص للثروتل

روح لورشة وخليه ينظف الثروتل ببخاخ اي سي دلكو حق الكربريتر وان شاء الله تضبط امورك

**الأسطوره** · 13-10-2009, 12:20 PM

المشاركة الأصلية كتبت بواسطة متصفح

و wd-40 غير مخصص للثروتل

روح لورشة وخليه ينظف الثروتل ببخاخ اي سي دلكو حق الكربريتر

100%

**AliAhmed** · 13-10-2009, 01:33 PM

ماقصرتو يا اخوان ..

الظاهر صحيح الـ WD-40 غير مخصص للثروتل بدي ...

اليوم الصباح شغلت السيارة واول ماشتغلت الضغط كان 1.5 ثم حمت ونزل تحت الـ 1 بقليل ..

ولما عشقت ومشيت السيارة طبيعية 1000% ..

وبينت اثار تنظيف الثروتل بدي .. وأنا واقف عند اشارة .. واللهي اني شكيت ان السيارة انطفت ... هدوووء غير طبيعي لا رجة ولا غيره ..(دعيت لك يا إياد :d عسى بس توفقت اليوم ؟؟)

:dانصح الجميع يشترون بخاخ اي سي ديلكو وينظفو الثروتل بدي ..

أنا عن نفسي بما اني امسك خطوط بكثرة .. راح يكون التنظيف كل 20 الف أو عند الضرورة :d(دواء مو تنظيف)

**المباشر** · 13-10-2009, 02:44 PM

صارت عندي يوم افك الدعوه كلها وأبدل فلتر القير ورجعت ربطت على البلاستيك الأسود حق فلتر الهواء وضبط كل شي

وللمعلومية صارت معي مرتين يوم فكيت فلتر القير مرتين مع فلتر الهواء