السلام عليكم ورحمة الله وبركاته
بغيت أستفسر عن السنتر لوك عندي باب الراكب متعطل لا يفتح ولا يقفل فماهي أفضل ورشه أو محل لأصلاحه وما قيمة الأصلاح والقطع ياليت تفيدوننا يا أخوان بتجاربكم وشاكر لكم جميعاً
السلام عليكم ورحمة الله وبركاته
بغيت أستفسر عن السنتر لوك عندي باب الراكب متعطل لا يفتح ولا يقفل فماهي أفضل ورشه أو محل لأصلاحه وما قيمة الأصلاح والقطع ياليت تفيدوننا يا أخوان بتجاربكم وشاكر لكم جميعاً
وعليكم السلام ورحمة الله وبركاته ..
عندك 3 خيارات للحل :
الأول الوكاله وبيكلفك كثير .. قيمة القطعه أخبر كانت بحدود 260 ريال من غير الشغل طبعا واحتمالية خرابها مره ثانيه كبيره ,
الثاني محلات الزينه الي تركب أجهزة ريموت كنترول .. القطعه بحدود 20 ريال والشغل لايتعدى 100 ريال لكن يعيبها صوت القفل عالي شوي لما تفتح السياره وثقفل .. وتقريبا ممكن يعيش معك فترة من سنه الى سنتين ,
الثالث تشتري القطعه تشليح وتصلحها بمحلات الزينه أو أي كهربائي .. لكن ترى التشليح أحيانا يرفع السعر أكثر من الوكاله ,
شوف المناسب وان شاء الله ربك ييسرها يالغالي
لكن ترى التشليح أحيانا يرفع السعر أكثر من الوكاله
في هذي انا معاك وبصراحه من صارت معاي
سعر القطعه في التشليح يكون اغلى من سعرها في الوكاله
اخوي عليك بالقطعه اللي في محلات الزينه ترى والله تدوم معاك ..
اضافة على كلام الشباب
لو تروح محلات قطع غيار هوندا تلاقي عندهم سنتر لوك صناعة تايوان نفس شكل الاصلي بالضبط وسعره 80 الى 100 ريال لموديلات (03-07) وانا مغير للسواق والراكب ويركب بدون توليف وبدون اصوات مزعجة والكهربائي الي مسوي عنده يقول هذي النوعية جيده والى الان مافي احد اشتكى منها
مشكورين يا شباب بس وين أصلحها في الغرابي أو تقترحون محل أخر وشاكر لكم
بإنتظار تجارب الأخوان واللي عنده محل أو ورشه شغلهم مضبوط ياليت يدلنا
السلام عليكم
انا مشترك جديد بالمنتدى
وشدني الموضوع لاني بصراحة اعاني
من نفس المشكلة(كل الابواب ماتنفك بالريموت)
وياريت ياشباب تدلوني على مهندس فاهم في جدة
السلام عليكم
انا خرب عندي السنتر لوك حق باب الراكب وصلحته في صناعيه العروبه في محل البراك والصراحه شغله حلو وكلفني 100 ريال وله الحين حوالى 6اشهر ولا احلى منه
أنا اشتريت سيارتي وخربان فيها سنتر البابين الأماميين ، واشتريتهم تجاري تايواني ( على ما أذكر ب 175 ريال تقريباً ) وركبتهم عند ورشة الجنوب في صناعية ام الحمام منذ ستة شهور وإلى الآن تعمل والحمدلله.
انا مركب بالبابين اللي قدام فالغرابي صناعته تايواني بـ170 ريال والحمدلله شغال معاي زي العسل له الحين 8شهور..
بارك الله فيك أخواني
الإجماع على التايواني وسعره 100 ريال لكن المشكله في الكهربائي الفاهم وين أحصله
للرفع للإطلاع
بصراحه غريبة سيارتكـ توها جديده!!2010 !! امداهـ السنتر لوكـ يخرب
شف الوكالة مايصلحونه او يغيرونه على الضمان ؟
بالتوفيق
حبيبي انا خرب عندي قبل 8 شهور تقريبا
وغيرته بمح بالغرابي والى الحين شغال ولله الحمد
كلفني باب الراكب وباب السائق 180 ريال وضمان سنه نوعه على ما اعتقد ماليزي ..
انا عندي نفس المشكلة وشريت للباب السوق والركب تجاري صناعه تايوان بـ ثمانين ريال للقطعه ولا شريت الاصلي لأنة غالي بـ 500 ريال في محلات قطع غيار هوندا والى الحين ما ركبتة بسبب اني ادور على كهربائي ممتاز وشغلة نظيف ..
السلام عليكم
شدني موضوعكم فقلت ادلي بسطلي :d
انا خرب عندي السنتر لوك لباب السواق وماكمل شهر الا وباب الراكب لاحقه رحت الوكاله قالوا باب السواق 450 والراكب 400 مادري ايش يفرق وأي كلام لأنه يجيك تايوان شد بلد هذا غير شغل اليد طبعا مو عبدالله هاشم رحت للبسامي في خميس مشيط واللي يجننك ان عنده ورشة افغان الظاهر مو صيانة هوندا تركته لما لقيت التكلفة تتعدى الألف ريال وصرت استخدم الفتاح لباب السواق وافتح باب الراكب بيدي تقول ددسن :d
ما أطول عليكم .. وفي احدى رحلاتي العامرة إلى مدينة جده :d
أخذني واحد من الشباب هناك لما شاف معاناتي إلى كيلو 2 ووداني عند مهندس اسمه عوني بعد عمارة الأمانه في كيلو2 ركب لي سنتر لوك ماليزي للبابين بـ 150 ريال قربت اكمل سنتين والحمد لله مرتاح منه للآخر ومايهمكم يا أخوان صوت الفتح والقفل لأنه مو عالي جداً أهم شي راحة بالك ..
ولكم تحياتي
للرفع للإستفادة من خبرات الأخوان
للرفع لعل من عنده خبره عن محل متميز بهذا الخصوص
################
ادخل هنا - يوسف سعد الدريويش (kakashi-san) إنقطع عمله وانتم أمله !!
################
والله ياخوي دام ان القطعة بتكون طبق الاصل من القطعة الاصلية ومافيها تقطيع وايرات وكيابل اتوقع انك تقدر توديها لأي كهربائي يسويها مايبغى لها ذكاء
اساسا يمديك تسويها انت في البيت كل اللي عليك تفك ديكور الباب وتفك القطعة القديمة وتركب الجديدة مكانها وتركب الفيش بمكانة وتطبق ديكور الباب وانتهينا
حبيبي ترى تركيبه سهل مره وانا غيرته بنفسي لي سيارتي
موديل 2006 سيارتي
ولا يحتاج ورشه ولا شي
وهذا عايش معي مثل الحلوه
والى مخذه انا مو اصلي من المحلات حق هوندا واخذته 80 حولها
والى تشوفه انت سويها
كان عندي نفس المشكله
باب الراكب والراكب خلف السايق ماتطلع ولاتنزل
رحت الوكاله غيرو فيها اصلاح بحجم كف اليد لونه ابيض للبابين وضبطت
كلفني قطع وشغل يد 1200 ريال
مواقع النشر (المفضلة)