لي طرمبة الدركسون

**المهندس** · 10-10-2009, 05:42 PM

أعضاء هوندا المحترمين
السلام عليكم ورحمة الله وبركاته
قبل تقريباً يومين لآحظت وجود زيت اسفل السيارة للأكورد وبعد الفحص عند مركز متخصص اتضح انه يوجد تهريب زيت من لي الدركسون ويحتاج تغيير فأخذت لي اصلي من محل قطع غيار هوندا اصلي والحقيقه سعره غالي فأقل سعر بعد الخصم والواسطه ب 600 ريال وباقي المحلات يتم بيعه ب 700 و 750 ريال
المهم تم تركيب اللي وتوقف التهريب
ولكن الموضوع اني اكتشف ان اللي هذا عيب مصنعي بموديلات 2003 الى 2006
وان الوكاله تقوم بإصلاحه او تبديله مجاناً
فما هو الحل بنظركم اخواني بعد تبديلي له
انتظر آرآئكم واقترحاتكم اخواني شاكر ومقدر لكل من يشارك للفائدة
تحياتي

**ابو شهد** · 10-10-2009, 06:12 PM

انا صارت على نفس الحركه ورحت الوكاله وصلحوها مجانن وبعدين يركبون الى فقط لاكن نفس العلابه احيانن تكون خربانه هم اهم شي عندهم يوقفون التهريب طبعن رحت للورشه هونداء وشريت قطع ماكلفتني 100 واتركيب 150 او 200 والحمد لله الى اليوم وساللكه معي من سنتين او اكثر

**B Useful** · 10-10-2009, 06:47 PM

اذا تقدر ترجع الورشة اللي ركبت فيها اللي وتاخذة وتركبة وهو خربان وتروح الوكالة يغيرونة لك وهذا اللي صار معاي ،،

انواع الزيوت وانا اوقف السيارة عند البيت تقول مغسلين بيتنا بزيت !!

وكان وراي سفر وادري انة يتغير بالوكالة وماعندي وقت اخلي السيارة عندهم ٢٤ ساعة ...

رحت ورشتي اللي متعامل معهم من زمان وكان عندة لي وتقدر تقول استأجرتة منة مدة ٣ ايام <<< مقابل قيمة فكة وتركيبة مرة اخرى فقط ...! ١٥٠ ريال ..

رجعت لهم مرة ثانية ،، اخذ اللي حقة النظيف .. ركبت لي الدركسون الخربان حقي ووديتها الوكالة وغيروة مع الصيانة الوحيدة في تاريخ السيارة .. صيانة ١٢٠،٠٠٠ فقط ..!

**المهندس** · 10-10-2009, 06:58 PM

اشكركم اخواني

ابوشهد
كوكو كورد

على مروركم الكريم
ويبدو اني راح اسوي مثلك اخوي كوكو كورد راح اركب القديم واوديها الوكاله ولكن الجديد اللي اشتريته وش نسوي فيه؟
وهل الوكالة تغير اللي كامل او تعدل عليه ؟