اكورد 2010 الموعد النهائي للنزول

**عشوقي** · 10-10-2009, 10:52 PM

السلام عليكم ورحمه الله وبركاته

كيفك حالكم يا عشاق ملكه السيارات وتستاهل العشق كله
يا شباب انا ان شاء الله ناوي على اكورد 2010 وبصراحه مليت من كثر ما اروح للوكاله من بدايه الصيفيه وانا اروح لهم وهم يقولون برمضان وصرت اروح لهم برمضان قالوا بعد العيد ولم رحنا لهم بعد العيد قالوا بنهايه ببدايه 11 واليوم رحت لهم وقالوا لي في نهايه السنه الميلاديه او بعد عيد الاضحى والله ما عرفنا لهم ويا ليت على موعد النزول صاروا يغيرون كلامهم
برضو حتى في سبب عدم النزول واحد يقول انها ما وصلت الميناء والثاني يقول انها واصله بس ينتظرون الشركه الام هوندا تسمح لهم يطرحونها بالسوق والثالث يقول انها بالميناء بس الوكيل يبي يصفي موديل 2009 وبعدين ينزل 2010

وانا بصراحه طفشت لي خمس شهور وانا اطارد وطفشت من موتري الحالي وكل يوم عن يوم صرت ما اداني شوفته ولا طاريه وخلاص الدنيا قفلت بوجهي حتى اني فكرت خلاص اشتري 2009 بس كل ما افكر اني بخسر موديل اتصبر

وبصراحه من كثر ما اروح للوكاله صرت اغني اغنيه محمد عبده
أشوفك كل يوم واروح ؟؟؟؟ واقل نظره ترد الروح ؟؟؟؟؟ اعيش فيها عشان بكره ؟؟؟؟؟؟ عشان ددسني اللي كله عيوب

وبصراحه بعد كلام الموظفين يخليني بعض الاحيان افكر اني اتوكل واشتري 2009 لما يقولون الاكورد السبيشل سعرها 89 وعليها برضو عرض ولما سألت عن سعر 2010 المتوقع قال يمكن يوصل الميه يعني بصراحه هل هذا الكلام صحيح ولا يبون يغصبونا على 2009 وحتى لما قلت ابي اشتري 2009 لما ينزل الموديل الجديد قال يمكن ما تلاقي يعني بصراحه كلامهم جاب لي الهم والغم
* تتوقعون هالكلام اللي يخلينا نفكر نشتري 2009 انه من الوكيل ام هذي الحقيقه

واحس اني طولت عليكم يا شباب وبالنهايه عندي كم سؤال واللي يقدر يفيديني الله يجزاه عني كل خير
يا شباب اللي يعرف احد موظف بالوكاله ويعطينا العلم الصحيح عن موعد نزول الموديل الجديد تكفون لا يقصر معي لاني بحاله نفسيه الله يعلم فيها
كل الوكالات نزلت الموديلات الجديده الا هوندا وتصدقون ان سوناتا 2011 بتنزل قريب والاكورد الى الحين تتشمس بالميناء ما ندري وش الفايده من تكدسها وتخزينها
والسؤال الثاني والاخير : هل مكاين هوندا مثل مكاين سيارات تايوتا الحديثه المنيوم ام انها حديد لاني بصراحه ما صبرني على انتظار كل هالوقت الا كلام الناس ومدحهم لمكينه الاكورد وذمهم للسيارات الاخرى

وفي النهايه اشركم على رحابه صدركم وارجوا اني ما طولت عليكم

تحياااااتي ....... عشوفي

**الكماندز** · 10-10-2009, 11:00 PM

هيه لاتشكيل فابكيلك
انا نفس الوضع منتضر 2010
من شهر 6 وحالك مو احسن من حالي
مانقول غير الصبر ويلاه منوين الصبر

**امبراطور الاكورد** · 10-10-2009, 11:03 PM

اتوقع 2010 ماراح تتغير الى شي بسيط ممكن بالداخليه بس انت انتظر احسن لك علشان ماتندم

والمعارض مليانه مااتوقع تخلص 2009

**مستحيل انساك** · 10-10-2009, 11:24 PM

الله يصبرك اخوي وبعدين اللي مصبرك كم سنه يصبرك شهر او شهرين بالكثير
حط في بالك انها مابتتعدى شهرين او شهر يعني انتظر
ولا تشتري 2009 عشان ماتندم
هذي مجرد نصيحه انا ترى زيك انتظر

**khaled990** · 11-10-2009, 12:16 AM

الموعد النهائي للطرح

7 / 11 / 2009

المصدر

مسوؤل في شركة عبدالله هاشم وهو جارنا واذا تبي اسمه راسلني على الخاص

**الكماندز** · 11-10-2009, 12:19 AM

المشاركة الأصلية كتبت بواسطة khaled990

الموعد النهائي للطرح

7 / 11 / 2009

المصدر

مسوؤل في شركة عبدالله هاشم وهو جارنا واذا تبي اسمه راسلني على الخاص

انت ثقه مــــــــــايحتاج
بس ياليت لوتعرفلنا كم الاسعار

**ABO.YOUSEF** · 11-10-2009, 01:26 AM

نفسسسسسسسسس الحاله انا بعد

يا اخي انا خلاص قررت اني اشتري 2009 وبس بصراحه شي يطفشششش يقولون شهر 12 تبي تنزل <<ميلادي يعني وحنا بدايت 10 يعني باقي شهرين قبل شهر 12 مستحيل اصبر << زاقه معه منهم .. هذا كلام واحد شغال عند عبدالله هاشم اسمه طلال المحبوب (فرع خريص) يقول الي ذكرته ويقول ان الـ 4 سلندر مستحييل تتغير يعني 100% نفسها ولاتنسى ان الاسعار تبي ترتفع طبيعي ولا تنسى العرووض الي حاطينها .. يعني انا خربتها وقررت اشتري 2009

#سبب الصمله :
1- نفس الشكل ع كلامهم 100% << 4 سلندر
2-ارخص و اسرع
3-العروض الي حاطينها
4-لأنهم يماطلون وش يظمني انها تبي تطلع بشهر 12 يمكن ع السنه الجديده بعد(نهاية 12 او بداية 1)

وبـــــــــــــــــــس ..!!
تقبل مرووري

**اكورد الرياض2007** · 11-10-2009, 01:39 AM

سمعت ان 2010 بتتغير الخلفيه بشيء بسيط جدا جدا وسيكون التغيير في الاسطبات الخلفيه بحيث تمتد قليلا باتجاه لوحه السياره اللي ورى

وهذا الكلام من مصدر خبير ولكنه اشار الى ان الخبر غير موثوق وانه سمع بذلك وان لم تكن 2010 ستكون 2011

انا انتظر الشكل الجديد كليا من هوندا عشان اشتريها

**اكورد الرياض2007** · 11-10-2009, 01:45 AM

متى بتتغير كليا؟؟؟؟؟؟

**momo** · 11-10-2009, 02:03 AM

كليا 2013

**@اكورد وبس@** · 11-10-2009, 12:44 PM

أمس رحت للوكاله وسألت عن التالي :

سعر الأكورد 2009 ..

الـ v6 بـ114 ألف ..

الـ l4 بـ94 بدون عرض الصيانه وبـ 98 مع العرض ..

وسألته عن موعد النزول وعن التغيرات ..

قالي تنزل بأخر شهر 10 بعدين سألته ثانيه قال بتنزل بأخر شهر 11

..

وسألته عن التغيرات قالي l4 أحتمال كبير يضيفون مكيف خلفي وأما السته ما رد علي :p..

تحياتيـ)~

@اكورد وبس@.

**^^الصقـــــر^^** · 11-10-2009, 01:13 PM

بشركم نزلت اليوم في شركة اوتو استار

**meshoo** · 11-10-2009, 01:17 PM

المشاركة الأصلية كتبت بواسطة ^^الصقـــــر^^

بشركم نزلت اليوم في شركة اوتو استار

المشكله اوتو ستار ياخذ من الوكاله هذي مافيها 1 و 2

فا كيف نزلت عند اوتو ستار والوكاله مانزلت

يبي لي اتأكد اليوم

**برينجلز(الآصلي)** · 11-10-2009, 02:14 PM

حتى لو السياره موجده في المستودع انسى يقولك موجده
الا اذا وقفوها في صالة العرض سياسة شركه هاذي

على فكره هنا نزلت عندنا في امريكا بس باقي ماشفتها

**D.H.o.O.o.M** · 11-10-2009, 03:06 PM

اذا 2009 مامشت تبيه ينزل 2010 على طول اكيد بيخليها شوي ((سياسه))

وعلى طاري السوناتا موديل 2010 مانزلت الي نزلت دفعة 2010 الي هي نفس الـ 2009 ((متاكد))

والسوناتا موديل 2010 بتكون وجهية جنسيس وخلفية لكزس واسعارها بتكون فوق هام السحب

دمتم بود

**عشوقي** · 11-10-2009, 03:10 PM

مشكورين يا شباب على تفاعلكم وبصراحه خففتو من ازري يوم شفت كم واحد مثلي عايشين نفس النظام <<< كان يظن محد ينتظر غير

وفيه واحد اليوم سائله عمه يشتغل بالوكاله يقول اصلا الاكورد 2010 واصله الميناء من رمضاان وهم ينتظرون متى بتنفذ 2009 علشان ينزلو الموديل الجديد
بس بغيت اسأل طيب الامارات والكويت هل نزل فيها الموديل الجديد ولا باقي
اذا ما نزلوا مثلنا اجل يمكن شركه هوندا محدده لهم موعد لطرح السياره بالسوق

ومشكورين يا حلوين تحيااااتي ........ عشوفي