السلام عليكم ورحمه الله وبركاته


كيفك حالكم يا عشاق ملكه السيارات وتستاهل العشق كله
يا شباب انا ان شاء الله ناوي على اكورد 2010 وبصراحه مليت من كثر ما اروح للوكاله من بدايه الصيفيه وانا اروح لهم وهم يقولون برمضان وصرت اروح لهم برمضان قالوا بعد العيد ولم رحنا لهم بعد العيد قالوا بنهايه ببدايه 11 واليوم رحت لهم وقالوا لي في نهايه السنه الميلاديه او بعد عيد الاضحى والله ما عرفنا لهم ويا ليت على موعد النزول صاروا يغيرون كلامهم
برضو حتى في سبب عدم النزول واحد يقول انها ما وصلت الميناء والثاني يقول انها واصله بس ينتظرون الشركه الام هوندا تسمح لهم يطرحونها بالسوق والثالث يقول انها بالميناء بس الوكيل يبي يصفي موديل 2009 وبعدين ينزل 2010

وانا بصراحه طفشت لي خمس شهور وانا اطارد وطفشت من موتري الحالي وكل يوم عن يوم صرت ما اداني شوفته ولا طاريه وخلاص الدنيا قفلت بوجهي حتى اني فكرت خلاص اشتري 2009 بس كل ما افكر اني بخسر موديل اتصبر

وبصراحه من كثر ما اروح للوكاله صرت اغني اغنيه محمد عبده
أشوفك كل يوم واروح ؟؟؟؟ واقل نظره ترد الروح ؟؟؟؟؟ اعيش فيها عشان بكره ؟؟؟؟؟؟ عشان ددسني اللي كله عيوب

وبصراحه بعد كلام الموظفين يخليني بعض الاحيان افكر اني اتوكل واشتري 2009 لما يقولون الاكورد السبيشل سعرها 89 وعليها برضو عرض ولما سألت عن سعر 2010 المتوقع قال يمكن يوصل الميه يعني بصراحه هل هذا الكلام صحيح ولا يبون يغصبونا على 2009 وحتى لما قلت ابي اشتري 2009 لما ينزل الموديل الجديد قال يمكن ما تلاقي يعني بصراحه كلامهم جاب لي الهم والغم
* تتوقعون هالكلام اللي يخلينا نفكر نشتري 2009 انه من الوكيل ام هذي الحقيقه

واحس اني طولت عليكم يا شباب وبالنهايه عندي كم سؤال واللي يقدر يفيديني الله يجزاه عني كل خير
يا شباب اللي يعرف احد موظف بالوكاله ويعطينا العلم الصحيح عن موعد نزول الموديل الجديد تكفون لا يقصر معي لاني بحاله نفسيه الله يعلم فيها
كل الوكالات نزلت الموديلات الجديده الا هوندا وتصدقون ان سوناتا 2011 بتنزل قريب والاكورد الى الحين تتشمس بالميناء ما ندري وش الفايده من تكدسها وتخزينها
والسؤال الثاني والاخير : هل مكاين هوندا مثل مكاين سيارات تايوتا الحديثه المنيوم ام انها حديد لاني بصراحه ما صبرني على انتظار كل هالوقت الا كلام الناس ومدحهم لمكينه الاكورد وذمهم للسيارات الاخرى

وفي النهايه اشركم على رحابه صدركم وارجوا اني ما طولت عليكم

تحياااااتي ....... عشوفي