قد شفت يبيعوا أقلام البوية كإكسسورات للهوندا ... تشوفها في الوكالة ... يعني مثل ما يسموها تلقيط ... أو الحل الثاني إنك تررررررررششش الصدام ...
السلام عليكم ورحمه الله وبركاته
كيفكم ان شاء الله طيبين
القصه ومافيها
ان سيارتي الاكورد انحجزت عند المرور الله لايوفقهم هم ونظامهم
ويوم طلعتها لقيت مقدمه السياره (( اللحية )) مليانه مخووووووووش قويه من السطحه :(
عاد سيارتي جديده 2006 ولونها لؤلؤي .. بس شكلها من قدام صاير يفشل :p
البويه متقشعه والمخوش صايرهـ سوداء وواضحه على لون السياره
فياليت تدلوني على طريقه مناسبه لصبغ وإزاله اللون الاسود ,, بدون رش السياره
يعني مثل اقلام البويه الي تجي مع بعض السيارات الا الاكورد
ع العموم .. مشكورين مقدماً :D
مممممممممممممم
مشكور بلاك
لكن مسأله اني ارش الصدام بالكامل ,, هذي ماسحها نهائياً من الخيارات
بس ماعندك فكرهـ عن اسعار اقلام البويه ؟؟
وننتظر مشاركه بقيه الاعضاء الكرااااااام ,,
هذا عيب اللون الؤلؤي اقل حكة تبين في الصدام وانا انصحك ترش الصدام كامل لانك ان خليتة او رقعتة بقلم مش حيرجع زي ماكان . اذا انت في الرياض انصحك تروح ورشة الوفاء في الصناعية القديمة شغلهم اطلق من الوكالة .
المشكله ابو هاشم ما يجيب اقلام البويه
شف اخوي lord033 عندك حلين فقط
الاول انك ترش الصدام و هذي على كلامك انك شايلها من راسك
الحل الثاني تروح لمحل بويات و تاخذ من ربع كيلو بويه نفس لون سيارتك
و تنقط على المخوش بعود حق الاذان و بعدين تلمع للصدام
طبعا ما راح تضبط 100% مثل الرش لكن على الاقل بيكون الشكل افضل شكل من المخوش
و بالتوفيق ان شاء الله
اخوي BLK انا بعد زيك لون سيارتي اسود وفيها خدووش خفيفة في الصدام الامامي فقط بس اللون الاسود مايبين فية الخدووش زي اللون الؤلؤي .
سعر رش الصدام عند الوكالة 600 ريال >>> كثيره والله
بس ذاك اليوم مريت عند سمكره هوندا طريق خريص
لقيت هندي جوا قلتله وين اقلام البويه قال ايش لون سيارة انته صديق
قلتله لؤلؤي راح عبى الغطاء حق البويه وجاء معي للسيارة وقعدنا ننقط انا وياه
بس كانت نقطة حجر طاير وصقع الكبوت وطير البويه الله ياخذه
تدري بكم سويتها
ببلاش
مواقع النشر (المفضلة)