شكراً عالمعلومات القيمه وهو فعلاً مكتوب ٠٨٠٩ بس انا ماعندي خبره بهالسوالف
وللأسف ١٩ مشاهده بس الظاهر ماحد عنده خبره وانا لازم اعرف موضوع المويه والكفرات لان وراي سفر بالعيد وابي الحق عمري
إيش تفرق موية الراديتر عن بعض وايش الفرق بين كل لون وإذا صبيت مويه خضرا فوق الزرقا حقت الوكاله تضر ؟؟
وين الاقي مويه زرقا غير الوكاله ؟؟
كفران فير ستون هل هي من نفس شركة بريجستون ؟؟ << كلام البائع << ما اصدقه يبي يبيع وخلاص
معروض علي كفرات بقراطيسها فايرستون ياباني تصنيع 2008 - 2009 قياس 225-60-16
بسعر 1545 - 4كفرات مع التركيب والترصيص طبعاً وضمان سنه وتحملها لاأذكره بس تحمل ممتاز
سيارتي اكورد سبيشل 2008
هل هي هادئة وجيده ؟؟
هل سعرها مناسب ؟؟
لا آحد يقولي تورنزا مزيانيتي ما تسمح
للمشرف والمراقب
قبل كل شي دورت في خاصية البحث عن هالموضوع ولم أجد إجابه محدده لما أريد
إذا في شي رجاء اً لاتقفلوا الموضوع ضعوا لي الروبط ولكم الشكر
شكراً عالمعلومات القيمه وهو فعلاً مكتوب ٠٨٠٩ بس انا ماعندي خبره بهالسوالف
وللأسف ١٩ مشاهده بس الظاهر ماحد عنده خبره وانا لازم اعرف موضوع المويه والكفرات لان وراي سفر بالعيد وابي الحق عمري
اخوى الموية الخضراء عادية ولا تاثر على رديتر لاني انا شغال في الوكالة نحط موية خضررا
واي استفسار انا حاضر
لون ماء الرديتر هو فقط وسيلة لكشف اي تهريب من نظام تبريد المحرك عشان يكون واضح ( احمر او اخضر او ازرق كلها نفس الشي ) لكن اهم شي يكون السائل المضاف من نوع اصلي
بالنسبة للكفر اهم شي تاريخ الانتاج وصناعتها ومدى تحملها للحرارة a...التاريخ الي كتبته يعني انتاج الاسبوع الثامن يعني شهر 2 من عام 2009 وماعندي خلفية بالنسبة للسعر او النوعية و فايروستون تصنع بواسطة مصانع شركة برجستون على حد علمي
لون موية الرديتر ما يهم مثل ما تفضل الاخ متصفح
اللي يهمك هو جودة المنتج لان موية الرديتر الجيدة عادة ما تكون مكونة من مواد تساعد على التبريد وفي نفس الوقت تقاوم التبخر والتجمد والصدأ . الجوالين اللي تحصلها عند البناشر صحيح ارخص بس تراها من اسباب مشاكل الحرارة في السيارات !!
بالنسبة للخلط ما انصحك فيه لان كل شركة تستخدم مواد مختلفة عن غيرها والخلط بينها احتمال يخليها تفقد خواصها وبدل ما تبرد المكينة تسبب لك حرارة . اذا حبيت تضيف استخدم نفس النوع او المويه العادية ..
فايرستون طبعاً شركة مستقلة لكنها تابعة لشركة بريجستون . قد سبق وجربت كفراتهم وكانت جيدة من ناحية الثبات والهدوء والعمر بس ما نقدر نحكم على الكفرات اللي لقيتها لانك ما ذكرت لنا مواصفاتها او نوعها لان كل شركة مهما كان اسمها ممكن تلقى عندها انواع ممتازة وانواع تجارية ما تستاهل انك تدفع فيها ريال !!
على العموم اول شي تأكد ان المقاس يناسب سيارتك
واذا ما تبي الازعاج بعد فترة من الاستخدام تأكد ان الفتحات في اطراف النقشة ما هي عريضة
السرعة ما تكون اقل من V
الـ Traction ما يكون اقل من A
الـ Temperature ما يكون اقل من A
واخيراً كل ما زاد الـ Treadwear كل ما زاد عمر الكفر
.
.
.
وشسمه ع الطاري الراديتر ., أخر تشيك لي .,
زااد موية الراديتر ((( مويه عااديه))) وبعد ماخلص عبا موية المساحات .,
سألته قال لازم تكون مويه حلووه<<<< مدري شكله صرفني ., ومشت علي :d
السلام عليكم
هلا اخواني
بالنسبه لمويه الرديتر مثل ما قالو الشباب لاني ما افقه فيها شي
وبالنسبه للكفرات انا محصلها في الغرابي 330 فايرستون جنط 16 الكلام هذا في نهايه رمضان
يعني اللى قالك مغليها عليك
وبالنسبه للمقاس 60_16_225 يقولون اصحاب المحلات انها تحك في الرفرف قدام
المقاس اللي حطيته با بشار كبير مره وشكله بايخ جدااا
كل ما زاد العرض قلل الارتفاع والعكس
يعني الافضل تركب 215 - 55 - 16
..
....
المشاركة الأصلية كتبت بواسطة ا ا ب السعوديه 6 6 5 5
ابعد عن الغرابي عن النصب والاحتيال والاذمة والاضمير في البيع ..
الكفرات اشترها من وكالتها وبس .. خدمات مجانية ، ضمان مؤكد ، تاريخ جديد ..
شكراً لكم جميعاً على المعلومات فعلاً أفدتوني والحمد لله اني ما استعجلت يعني ادفع زياده شوي بحاجه أحسن من إن ينصوبن عليّ
وتدرون شكلي بفتر أم وكالات الكفرات إلين ما القي اللي أبيه لكم من ي أجمل تحيه فعلاً إنكم شباب عسل و بي يونيك إذا كنت بالرياض كلمني بوقت فراغك أبي نروح سوا نركب الكفرات
المعذرة يا بشار انا في ينبع واحتمال ما اجي الرياض الا بعد العيد لان الفترة الحالية عندنا ضغط بالعمل
اذا مازلت محتار حاول تصور الكفرات والمعلومات اللي عليها وان شاء الله نفيدك باللي نقدر عليه
.
.
.
بالنسبة للكفرات النصيحه
اصبر على ميزانيتك واخذ شي يستاهل احسن ماتندم وتنجبر تدفع اضعاف المبلغ لاسمح الله
مواقع النشر (المفضلة)