مويه الراديتر ..! وما ادراك ما مويه الراديتر

**Mu7areb** · 17-10-2009, 05:47 PM

السلام عليكم ورحمة الله وبركاته

الله حيّ كلن بـ إسمــه ..!

انا قدر الله علي ونقصت عندي مويه الراديتر الى تحت الـ Minimum ..
فـ رحت اعبيه عند اي محطه او بنشر .. مابقى محطه وبنشر بالخبر مارحت لهم .. ماعندهم زيه ..

طبعاً اللي عندي لونه ازرق .. وهو حق الوكاله لاني ماقد زدته .. لما اوديها الصيانه هم يشيكون عليها..

الموهم الوضع صار عليه اسبوع وانا ادور على الازرق هذا ماحصلته ..
بالاخير رحت للوكاله قسم قطع الغيار وشريت منهم .. عطوني مويه راديتر كاسترول الخضرا..
طبعاً انا الى الحين مادري عن السالفه ولا ادري انه اخضر ..

فـ زدت مويه الراديتر .. بس بعدها حسيت اني جبت العيد .. لان لونه اخضر ..
بتقولون ليه اعمى ماتشوف ..! بس من اول نظره و شاريه من الوكاله وقايلهم حق الاكورد .. عبييييت وانا مغمض :d
الزبده من ذا القصه الاليمه .. اني خلطت مويه الراديتر الزرقا(من الوكاله) مع الخضرا(من الوكاله) ..\!

فالحين وش السواااه ..؟! عادي ولا بتخبط ولا بترتفع علي الحراره .. قسسم بالله صدع راسي من ذا الراديتر ..!!
من وين اخترع لهم مويه زرقاااا ..!!

الله لايهينكم ياشباب ..

**abu khaled** · 17-10-2009, 06:10 PM

المشاركة الأصلية كتبت بواسطة B Unique

لون موية الرديتر ما يهم مثل ما تفضل الاخ متصفح

اللي يهمك هو جودة المنتج لان موية الرديتر الجيدة عادة ما تكون مكونة من مواد تساعد على التبريد وفي نفس الوقت تقاوم التبخر والتجمد والصدأ . الجوالين اللي تحصلها عند البناشر صحيح ارخص بس تراها من اسباب مشاكل الحرارة في السيارات !!

بالنسبة للخلط ما انصحك فيه لان كل شركة تستخدم مواد مختلفة عن غيرها والخلط بينها احتمال يخليها تفقد خواصها وبدل ما تبرد المكينة تسبب لك حرارة . اذا حبيت تضيف استخدم نفس النوع او المويه العادية ..

http://www.hondaarabia.com/club/showthread.php?t=27937

**king aboodi** · 17-10-2009, 06:31 PM

أول مرة اسمع مويه زرقاء....والعادة تجي مويه خضراء....والله غريبة

**المباشر** · 17-10-2009, 07:22 PM

طلع المويه القديمه من الراديتر بغسيل من محلات الراديترات أو بنفسك اذا تقدر وعندك الخبره وعبها مويه مقطره مع شويه مويه خضراء من عندك الكاسترول وبعدها طلع المويه مره ثانية وعبها كامل كاسترول أخضر اللي أخذته من الوكاله وهو مايحتاج تخفيف وتقدر تزيد ماء مقطر للنقص أو تشتري علبة جديدة بس حرام بـ 40 ريال

أو روح لمحلات الراديترات وخذ معك علبه ثانية من الوكالة وخلهم ينظفون لك الراديتر ويعبون الجديد الأخضر

سؤال وين موقعك بالضبط لأن عندي لك مويه كاسترول أخضر من وكالة عبدالله هاشم وأرخص من قطع الغيار والفاتورة موجودة

**dryeyes** · 17-10-2009, 11:33 PM

ولا تسوي شي ما ياثر بعدين لية تحط مياة مقطرة مياة عادية وخلاص لانك تزيد النقص بس الا اذا حاب تدفع

**متصفح** · 17-10-2009, 11:43 PM

لا تشيل هم سيارتك مافيها الا العافيه اخلط احمر على ازرق على اخضر

بس اهم شي يكون اصلي

**Mu7areb** · 18-10-2009, 07:42 AM

الله لا يهينكم يا شباب .. ماقصرتوا .. الى الحين السياره ماشيه تمام ولله الحمد :d

اذا صار شي ولا شي بلغتكم ..

اخوي المباشر ماتقصر .. واذا بغيت شي راح اتواصل معك ع الخاص ..\/ !

يعطيكم الف عـآفيــه