المرايا بالاشارات + كود اللون + الكشافات

**mano** · 20-05-2006, 10:49 AM

السلام عليكم
عندي استفسار

عندي اكورد 6 سلندر 2004 جلد فتحه فل ابشن

اول شي كم سعر المرايا حقت ال 2005 لو بغيت اضيفها
..
ثاني سؤال بشتري جناج (سبويلر) خلفي لكن محل الزينة يريد كود اللون
ما قدر يحصله مع العلم لون السيارة سلفر فضي
....
اخر سؤال وانتم مشكورين
طبعا ال2004 ما يركبلها كشافات
هل ممكن نشيل الصدام ونركب صدام ال 2006 عشان اركب كشافات
وشكرا ..

**BLK** · 20-05-2006, 11:47 AM

أهلين أخوي ... اسمح لي على الرد الي بيكون غير مرتب لكن استحمل :d .... أولاً الله يهنيك بسيارتك ... بالنسبة للمرايات سمعت إن تركيبها في الوكالة ب 1000 ريال شامل المرايات + مسح الرفرف ( لا تسألني عنها كيف بس يشيلون الإشارة الي في الرفرف مثل 2005 ) ... بالنسبة للون المفروض يعرف كيف ياخذ كود اللون موجود في السيارة قريب لرقم الشاصي أو مادري بالتأكيد ... لو تروح لورشة سمكرة يجيب لك الرقم من السيارة نفسها ... و لا تنسى تركب الجناح تلصيق مثلي ... أخيراً الكشافات ... أكيد تقدر تركب صدام 2006 ... بس أنصحك إنه تدور على صدام الأكورد الماليزي سعره 1500 ريال أرخص و معاه الكشافات ... أو تقدر تشق مكان للكشافات ... و أي سؤال حاااااااااضرين ...

**mano** · 22-05-2006, 07:17 PM

ميرسييييييييييييي شكرا يا BLK

اول شي ردك حلو وتسلم عل معلومات
والله لو بالف ريال سعر معقول بس ما ادري لو بقطر نفس السعر او لاء
بالنسبة لكود اللون انا حصلته
على جنب الباب حق السايق
يبدأ ب NH345
الحين المهم موضوع الجناح
انا طلبت مثل هاذ الجناح

المهم انا هذا الجناح يجيله برغين واحد عل يمبن وواحد عل يسار
انا طلبت من الرجال انه بلزقه .. قالي اللزق بيروح
وقالي انت جيب اللزق وانا اركبه
انا محتار ايش رايك
انا تعبتك معاي وشكرا ...

**BLK** · 22-05-2006, 07:34 PM

بالعكس اخوي إحنا بالخدمة

... أول شي بالنسبة للبراغي و اللزق ... أنا الحين صار لي 5 شهور تقريباً أو 4 شهور ملصق الجناح و الحمدلله مافي أي مشاكل ... أعتقد تحتاج لزاق من الجهتين من نوع (3m) و سيليكون ... ورشات السمكرة عموماً عندها خبرة في هالأشياء ... الخرق صحيح مضمون إنه ما يطيح ... لكن أنا متأكد إنك ما ترضى تشوف منظر الدريلر و هو يدخل في سيارتك :( ... و انا اسمع شباب مركبين تلصيق للحين تمام ... حتى في الوكالة يركبون تلصيق لو بغيت ... بالنسبة للأسعار ترى متقاربة أهم شي تحصل محل معروف بالأسعار الحلوة .... و لو تسأل أهل قطر أخبر

... و أي خدمة حاضرين عزيزي

... و لا تنسى تورينا صور سيارتك المبروكة بعد التعديلات

...

**أبان الطباع** · 22-05-2006, 08:05 PM

ماشاء الله الله يعطيك خيرها ويكفيك شرها، يبدو الجناح جميلاً .
أما عن الإجابات فيبدو أن صديقنا BLK لم يترك لنا مانقوله ;) .

**BLK** · 22-05-2006, 11:24 PM

هذي صورة جناح سيارتي ...

أشكرك مشرفنا

... و أي شي حاضرين

..

**mano** · 23-05-2006, 10:28 PM

تسلم اخوي عل المعلومات
الجناح انشالله بكرة بكون مصبوغ وجاهز بس ماشاءالله سيارتك حلوه
شكله الجناح الي عندك مع ستوب لايت ..الي بركبه من غير بريك لايت
انشالله اول ما اركب الجناح بحط الصورة بالمنتدى
وشكرا مرة ثانية على نوعيه اللصق
وشكرا ل Honda على المرور