أفضل مكان تنجيد بالرياض ؟

**5g7** · 25-10-2009, 01:05 AM

السـلام عليكم
الله يعطيكم العافيه على مجهوداتكم شيء تشكرون عليه صراحة ً..
ودي هالمره بـ فزعتكم ,

الله يعافيكم انا بدأ جلد هوندتي يتقطع جلد المراتب وجلد الديكور ,
لها حول الـ 6 سنين الآن وانتهى تاريخ جلدها !

نويت أني انجدها بس انا تعبني الجلد .. فـهل تنصحوني بالمخمل ؟!
والا انجدها جلد واحط عليه بلاستيك بحيث انه يحفظه من التمزق وكذا ؟

ودي تشورون علي يالنشامى ..

وين أفضل مكان تنجيد بالرياض شغله بطل وماعليه أي كلام وياليت تعطوني نبذه عن الاسعار عشان مايهكون علينا .. :p

ومشكورين مقدماً .. ( بااقة ورد للقائمين على هـ الموقع ) !

**B Useful** · 25-10-2009, 01:18 AM

شغل وكالة وضمان ٥ سنوات = محل الكثيري بالغرابي ، تبية يشيل الجلد اللي عندك ويحط بدالة جلد مثل الوكالة وشغل مثل شد بلدة بحدود ٢٣٠٠

تبية يحط جلد على اللي عندك بحدود ١٨٠٠

فية محل اسمة العذار ،، عندة تنجيد مثل الوكالة ملمسة مخمل ومنظرة جلد وصراحة خطييييير بحدود٥٠٠ ريال

المحلين ذولي لا تبعد عنهم ..

**تلميذ زيدان** · 27-10-2009, 01:13 AM

هل محل العذار برضو في الغرابي

**B Useful** · 27-10-2009, 01:24 AM

^^ اية بالغرابي بالرياض بالمملكة العربية السعودية في شبه الجزيرة العربية في الشرق الاوسط في قارة آسيا في الارض في المجموعة الشمسية في مجرة درب التبانة ^^

^^ اعذرن .. للحين ما جاني النوم وانتـ الضحية ^^

**5g7** · 27-10-2009, 07:17 PM

الله يعطيكم العافيه يـاشباب .. ماقصرتو

طلعت لمهم اليوم وكلمني زول اسمه " نادر " قال لي راح نفك الجلد اللي عندك !
ونركب لك جلد الماني مع الديكورات ومع مجدالتي له بـ 2500 ريال !
من ثلاث الاف لـ 2800 لـ 2500 !

وش رأيكم بـ سعره ؟!
وقال لي ان السياره راح تقعد عندنا 5 ايام وابشر بـ الشغل اللي يعجبك !

تشـوفون سعره منااسب ..

والله يجزاكم الفردوس الاعلى .. ( l )

**S.M.A.R.T** · 28-10-2009, 01:53 PM

المشاركة الأصلية كتبت بواسطة 5g7

الله يعطيكم العافيه يـاشباب .. ماقصرتو

طلعت لمهم اليوم وكلمني زول اسمه " نادر " قال لي راح نفك الجلد اللي عندك !
ونركب لك جلد الماني مع الديكورات ومع مجدالتي له بـ 2500 ريال !
من ثلاث الاف لـ 2800 لـ 2500 !

وش رأيكم بـ سعره ؟!
وقال لي ان السياره راح تقعد عندنا 5 ايام وابشر بـ الشغل اللي يعجبك !

تشـوفون سعره منااسب ..

والله يجزاكم الفردوس الاعلى .. ( l )

5 ايام !! انت متأكد رحت للكثيري

بالكثير تاخذ يوم
والسعر حلو بس تقدر تكاسره لو رحت لواحد اسمه ابو خالد قوله انا جاي من منتدى محبي هوندا وان شاء الله ما يقصر معك

تشااااو

**اكـ2007ــورد** · 28-10-2009, 02:18 PM

بووه محلات مضبوكة بالغرآبي مليآن

ومنهن (الاسماعيل-الكثيري)احسن محلين بالغرابي

منتازين:d

**S.M.A.R.T** · 28-10-2009, 04:37 PM

المشاركة الأصلية كتبت بواسطة ملك مملكة جدة

بس ما فهمت وش " مضبوكة " هذه :d

مضبوكة = مضبوطة

الكاف جنب الطاء مع السرعه زحلطن زحلطه:d

**يامطنش** · 28-10-2009, 07:51 PM

الكثيري = افضل تنجيد

اسعاره احيان احسها مزاجيه بس اذا كاسرته تاخذ بسعر زين

المده خمس ايام احسها واجد بس اذا بظبط الشغل 100% الله يعين اصبر

**slaitr** · 28-10-2009, 09:13 PM

والله ياخوك خمس ايام واجد طيب اذا انت مقتنع بالسعر

خله ياخذ المراتب كلها وينجدها عنده ماعدا مرتبة السوَاق

واذا خلصها تجيه وينجدلك مرتبة السوَاق

**cool_rule** · 28-10-2009, 09:22 PM

الكثيري يالغالي وبدون أي تفكير وعندهم 3 أنواع أو 4 وكلها نوعيات ممتازة ألماني وياباني وشغلهم سيارة كاملة مراتب مساند الرأس أبواب والتكاية بحدود 2000 ريال مع ضمان بين 3 - 5 سنوات، بس لازم تحجز قبل يومين وتجيهم على الموعد وتوقف السيارة يوم كامل من 8 صباحاً حتى بعد العشا تقريباً

المسئول هناك واحد سوداني إسمه ثامر

وبالتوفيق

**B Useful** · 29-10-2009, 02:58 AM

نصيحتي لكـ اخوي للمرة الثانية //

لا تبعد عن هالمحلين الكثيري ( في الغرابي - في المربع الشهير ) او محل العذار على نفس شارع الغرابي ..

وكلام م.م.جدة اعتبر بكل بساطة ( خذ وخل ) يعني كاتب لك تفاصيل كثييييرة وهذا الموضوع الاساسي حقة :

http://hondaarabia.com/club/showthread.php?t=25639

واعطيك انطباعي عن الموضوع : اللمسات انت حر فيها حط الالوان اللي تبي ، سيارتك وانت اللي راكبها وحر فيها .. لكن يقعد يقول ويتفلسف دور افضل محل تنجيد ويحط لك السعر اللي تجاوزة يعتبر غباء وهو ٧٠٠ ريال على قولتة .. اقول لك وبكل بساطة ، ناظر الصور في الرابط وتشوف الفشل في محل التنجيد اللي راح لة ..
اسوأ محل في الرياض يسوي احس من اللي راح لة ، دقق في تكايات الراس وهي اصعب منطقة ، دقق في اطراف الكرسيين الامامين ( بالضبط اخر صورتين في الرد الثاني في الرابط ) وتشوف كيف الجلد مو مضبوط ..

رح الكثيري .. وشف شغلة .. وكالة ١١١٪ مع امكانية اضافة اي نوع جلد تبية بأي نقشة بأي لون ... السعر .. كاسر معة وبتوصل لين ١٨٠٠ ، الوقت << اللي يدور الشغل المضبوط يشتغل برواقة ..
واللي يبي شغل ملحجة .. يروح السماعيل المخيس يخلصة في نص ساعة ولا محلات ابو ٧٠٠ :p..

وبعدين .. انت في الرياض ،، خذ العلم من اهل الرياض ، واهل الرياض ادري بشعابها .. خل ابو ٧٠٠ اللي يعرف كل شي في العالم وملعوب علية بشغل عااادي جداً لحالة ...

**يامطنش** · 29-10-2009, 03:34 AM

^^^^

اتفق معاك اخوي كوكو كورد كلامك سليم 100% وعداك العيب

**ABO.YOUSEF** · 29-10-2009, 03:37 AM

المشاركة الأصلية كتبت بواسطة كوكو كورد

^^ اية بالغرابي بالرياض بالمملكة العربية السعودية في شبه الجزيرة العربية في الشرق الاوسط في قارة آسيا في الارض في المجموعة الشمسية في مجرة درب التبانة ^^

^^ اعذرن .. للحين ما جاني النوم وانتـ الضحية ^^

هههههههههههههههههههههههههههههههههههههههههههههههههه هههههههه

**يامطنش** · 29-10-2009, 04:09 AM

المشاركة الأصلية كتبت بواسطة ملك مملكة جدة

اما فكرة الاكياس و ما ادري ايش .. انا كنت مركب الاكياس لمدة سنة و نص ( بدون مبالغة ) انا اقول لك انها حلوه و تحفظ المكان الي هي محطوطة عليه .. بس عيوبها كثيرة

* تخليك تعرق و احيان ريحة العرق تمسك داخل السيارة ( الله يكرمكم )
* تعطي منظر بشع لداخلية السيارة
* كل ما تحركت داخل السيارة تطلع صوت
* لما تفك الزجاج تطلع صوت مع الهواء
* لما ترفع صوت المسجل تسمع صوت زنه

يعني معاناه ما بعدها معاناه

.........................

ياخي ليش تنجد من الاساس وتحط اكياس تعذب اجزاء جسدك دون وجه حق وبعدين من زين جو جده تحط

جلد واكياس بعد تعذيب والله

وبعدين انت في ردك الاجزاء الا مسحتها ذاكر اسعار وخربطه ولو حسبتها ما فرقت عن الكثيري

وياليت على تعبك الا تنجيدك يعتبر عادي جداً

احنا لما نقول محل الكثيري معناه جوده عاليه وضمان خمس سنوات على الجلد والشغل:p

مو اذا خرب قالك انت جايب الجلد:d وتاكل هواء

**5g7** · 30-10-2009, 03:26 PM

الله يعاافيكم ومشكورين والله , ماقصرتو ..

**تركي12** · 27-03-2016, 08:14 PM

‏انا جربت تنجيد عند شركة سمارت smart
شغلهم ممتاز جداً على مراتب اللكزس رجعت زي الوكالة و نجدت الدركسون والقير وغيرت الفرشة الارضيّة كامله عندهم خامات جلد والفرش ممتازه ز ويعطون ضمان على شغلهم بذات المراتب فيها تهويه وإيرباق وعندهم فنيين ممتازين مكانهم على الدائري الشرقي مقابل العثيم مول جنب تايوتا و3M بين مخرج 14 - 15