السلام عليكم
كيفكم يا اصحاب الهنادي..؟:d
و عليكم السلام ورحمة الله وبركاته
ولا عليكم امر عندي كذا كم استفسار وابي منكم تجاوبوني
الاول ..:انا سيارتي الحين ماشية 31ألف
متى اغير زيت القير..؟
يتم تغير زيت الجير كل 40 الف و لكن هذا الكلام سابقا الحـين يقولوا الوكالة ان يتم تغير الزيت كل 60 الف
الثاني..
قبل فتره دخلت سيارتي للوكاله فحص ميكانيكي..
فطلع لي كذا كم مشكله..تقريباً التكلفه للتصليح 14 ألف..!
اما عاد 14 الف ,, مسوي في حادث لا سمح الله او من ذا القبيل؟؟
مع ان السياره اللهم لك الحمد سليييمه 100% ما تشتكي شي..
الي يعني شد انتباهي من المشاكل..كراسي المكينه..
كيف اعرف ان كرسي المكينه مب مضبوط..؟
رجه في تعاشيق السيارة ,, الإطالة في تعشيقه,,, و عدم تبديل التعشيقه بشكل المطلوب
وكرسي القير كمان..كيف اعرف ان فيه مشكله.؟
والله مدري لكن اعتقد انها مثل كرسي المكينة و لكن بشكل ملحوظ جدا ,, و يمكن تكون الوضعيه للأحد المتضررين مثل حالة وضعيه n
خبري
ويقول غير رمانه بلي..اول مره اعرف شي اسمه هيك..!:d
==============
حاجه ثانيه..
تعرفون اذا خلص الماء حق مساحات القزاز تفتحون الكبوت وتعبون الماء من العلبه..العلبه الي اعبي فيها الماء هذي..فيها شق او كسر..ما ادري وشهو بالضبط لكن كل ما عبيت يصب من تحت ..
هل بالامكان اني اقدر اصلحه او لازم اغير العلبه..؟ وكم التكلفه؟
هذي ياخوك اذا انت فاضي يمديك تستقعد عليها و تحط لها مادة بحيث انك تمسح جهت الشق و يطلع الوضع اوكييه
او انك تخليها و وقت ما تبي تنظف الزجاجه اسكب مويه في الزجاجه الأمامية و مسح بالمساحات :d و بالنسبة للسعر الجديده ما ادري والله
==============
الشيء الأخير..
بالنسبة للايرباج حقت السواق..(وسط الطاره)..طالعه..انا ابي احط ايرباج جديد..اقدر اصلحه برا الوكاله..؟ وكم التكلفه تقريباً؟
الإيرباج الجديد يا بعدي راح يكلفك مبلغ فوق 7 آلاف و يمكن دبلها و فوق كمان
الأفضل انك تعمل له تزبيط ديكوري و خلاص
وآسف على الاطاله..:o
مواقع النشر (المفضلة)